Frantziak preso eriak eta zigorra bete dutenak askatzeko eskatuko dute martxoaren 25ean Baionan
Bagoaz kolektiboak heldu den larunbatean, martxoak 25, Baionan manifestazioa egiteko deia zabaldu du. Larriki eri diren presoak eta zigorra dagoeneko beteta dutenak askatzeko galdatuko diote François Hollanderen gobernuari. 17:00etan abiatuko da mobilizazioa, Euskaldunen plazatik.
Kolektiboak bereziki nabarmendu du Oier Gomez presoaren egoera larria. Uneon Pitié-Salpêtrière ospitalean dago Gomez; sarkoma garatua du, eta metastasia zabaldua du gorputzeko hainbat ataletan. Kimioterapia eta erradioterapia jasotzen ditu, eta artatzen duten medikuek esan dute tratamendua ez dela bateragarria espetxeko bizimoduarekin.
Kontuan izan behar da, gainera, Gomez DPS preso modura sailkatuta dagoela, hau da, oso baldintza gogorrak dituela presondegian: ziegako atea itxita du beti, eta ireki aurretik korridore osoa husten dute; bisiten ostean gorputz osoa miatzen diote; eta astero bi orduko bisitaldia baizik ezin du jaso.
Bagoazek adierazi du Gomezek aske egon behar lukeela 2013an gaixotasuna atzeman zioetenetik. “Gaur egun euskal preso guztiek bizi dituzten baldintzak inhumanoak dira”, gehitu dute, eta gobernu sozialistaren erantzukizuna azpimarratu.
Erabaki politikoengatik eskubideak urratuta
Halaber, gogora ekarri dute apirilean 27 urte beteko direla Jakes Esnal, Xistor Haranburu eta Unai eta Jon Parot anaiak atxilotu zituztela. “Nahiz eta aske egoten ahalko ziren, gaur egun preso dira”, esan du Bagoazek. Kolektiboaren hitzetan, baldintzapeko askatasuna lortzeko egiten diren eskari guztiek beharrezko baldintza juridikoak betetzen dituzte, baina ukatuak dira erabaki politikoen ondorioz. Larriki gaixo zegoen Lorentxa Guimonena da salbuespen bakarra. Epaileek ez dutela independentziaz jokatzen salatu du Bagoazek.
Esnal eta Haranburuk bizi osorako zigorra dute. Iparraldeko pertsona ezagun ugarik agerraldia egin du zigor hori aldatu eta haien espetxealdiari amaiera data ezar dakiola eskatzeko. Adierazi dutenez, eskaria gutun bidez helarazi diote François Hollande Errepublikako presidenteari, hala nola Lehen ministrori eta Justizia eta Barne ministroei. Maritxu Paulus Basurco abokatuaren esanetan, galdea aintzat hartua izanez gero gehienez ere beste sei urte egin beharko lituzkete preso Haranburuk eta Esnalek.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
Berangoko euskal preso politikoa Zaballako espetxean dago gaur egun eta bertatik helarazitako idazkian Euskal Preso Politikoen Kolektiboa utzi duela iragarri du.
Zerk harritu zintuen gehien kartzelatik atera zinenean? Galdetu didate maiz azken urte eta erdian.
Bilboko kaleak turista eta bi hankadun txakurrez lepo daudela ikusteak, adibidez? Edo egoera politikoaren aldaketak? Lehenengoak akitu eta amorratu nau, badago zer borrokatzen... [+]
Fermin Muguruzak kontzertua eskaini zuen pasa den larunbatean Martuteneko kartzelan, Iñaki Pikabea 'Piti' eta Joseba Sarrionandia ETAko kideek espetxe horretatik ihes egin eta 39 urtera. Orain, kontzertua dela-eta hainbat jenderen kexak jaso ostean, Eusko... [+]
Josune Arriaga eta Aurken Sola, hurrenez hurren, hamalau eta hamasei urteko espetxealdien ostean, baldintzapeko askatasunean irten dira kalera Espetxe Zaintzako Epaile Zentralaren ebazpenaren bidez.
Europar Batasunak presoen zigorren bateratzea erabaki zuen 2008an. Espainiak ez zuen agindu hori bete. Legearen erreforma etorri da, orain. 52 presori eraginen die neurriak. Sare elkarteko kide Mikel Mundiñanok xehetasunak eman dizkigu Metropoli Forala saioan.
Hori da ostegun honetan Sare elkarteak adierazi duena. Azken unera arte saiatu dira legearen erreforma gauza ez zedin, baina azkenean ez da berriz Espainiako Kongresuan bozkatu behar, PPk nahi zuen moduan. Hortaz, aste honetan bertan legea Espainiako Aldizkari Ofizialean... [+]
Heldu da eguna: espetxetik aterako dute Ihintzaren aita. Une horixe du irekiera Eztizen Artolaren (Bilbo, 1999) Gurpilak eleberriak (Txalaparta, 2024). Hortik egingo du atzera, aita bisitatzeko kartzelara egiten dituen joan-etorrietan haur motxiladuna hazten, egoeraz jabetzen... [+]
Zalapartak zalaparta, eta Espainiako Senatua gainditu ondoren, Europako zigorrak bateratzeko lege aldaketak aurrera jarraituko du. Horrela, 2008an zigorrak bateratzeko Europak onartutako zuzentarauari Espainiak 2014an jarritako salbuespena desagertuko da, eta horrek 45 euskal... [+]
Miguel Angel Blanco PPko zinegotzia bahitu eta hiltzearen ardura politikoa egotzi nahi zioten, baina auzia preskribatuta dagoela iritzi dute epaileek.
Datorren urtarrilaren 11n Bilbon Sare Herritarrak deitutako mobilizazioaren leloa “Behin betiko konponbidea” izanen da, eta urtero bezala milaka lagunen babesa espero du Sarek.
EAEko Justizia Auzitegi Nagusiak ebatzi du hirugarren graduan dagoen presoak eskubidea duela langabezia jasotzeko. LAB sindikatuak aurrekari gisa ikusi du epaia eta urrats bat dela dio "presoen oinarrizko eskubideak aitortzera bidean".
Espainiako Estatuko espetxeetatik Euskal Herriratu gintuztenetik Zaballako espetxean komunikazioaren alorrean gabezia ugari topatu ditugu. Aurrez aurreko gutxiago eta laburragoak dauzkagu, lokutorioko bisitak baldintza tekniko kaxkarretan gauzatu behar izan ditugu eta telefono... [+]