Frantziak eta Erresuma Batuak Ukrainarako su-eten plan bat aurkeztuko diete AEBei, Trump Zelenskiri oldartu ostean Etxe Zurian
Hala iragarri du Keir Starmer Erresuma Batuko lehen ministroak Londresen eginiko goi bileran. Etxe Zurian Trumpek Zelenskiren aurka egin ostean, izandako eztabaidaren aurrean, Europako buruzagiek babesa adierazi diote Ukrainako presidenteari.
.jpg)
Asteburu garrantzitsua izan da Ukraina eta Errusiaren arteko gerraren etorkizunari dagokionean: Volodimir Zelenski Ukrainako presidenteak, Donald Trump AEBetako presidenteak eta JD Vance haren presidenteordeak eztabaida garratza izan zuten ostiralean, Etxe Zurian prentsaren aurrean eginiko agerraldian. Trumpek Zelenskiri "Hirugarren Mundu Gerrarekin jolasean" ari zela leporatu zion, eta gogoratu ez dagoela "erabakiak hartzeko posizioan". Zelenskik alde egin zuen Washingtoni Ukrainako lur arraroak ustiatzea baimenduko liokeen akordioa sinatu gabe.
AEBen eta Ukrainaren arteko harremanaren tentsioa baretzeko asmoz, igandean Londresen elkartu dira Europako hainbat agintari, Ursula Von der Leyen Europako Batzordeko presidentea, Antonio Costa Europako Batasuneko Kontseiluko presidentea eta Mark Rutte NATOko idazkari nagusia, eta babesa helarazi diote Zelenskiri. Starmerrek iragarri du "Erresuma Batuak, Frantziak eta beste herrialde batzuek gerrari amaiera emateko" plan bat martxan jarriko dutela Ukrainarekin batera. Emmanuel Macron Frantziako presidenteak Le Figaro hedabideari adierazi dioenez, hilabete bat iraungo lukeen "aireko, itsasoko eta energia azpiegituretako" su eten plan bat aurkeztuko diote AEBei.
Europaren segurtasunean "oso une garrantzitsua" dela nabarmendu du Starmerrek bi orduko goi bileraren amaieran. Ukrainari laguntza militarra ematen jarraituko dutela berretsi du –Erresuma Batuak 2,7 bilioi euroko mailegua iragarri berri du–, eta AEBek eta Errusiak abiatu dituzten bake negoziazioetan Ukrainak ere egon behar duela azpimarratu.
Ukrainarako "boluntarioen koalizio" bat
Macronek azken hilabeteetan egin bezala, Starmerrek Ukrainara soldaduak bidaltzeko aukera mahi gainean jarri zuen otsailaren erdialdean eginiko adierazpenetan, "edozein bake akordio" betetzen dela ziurtatzeko. Igandeko goi bileran Europako hainbat agintarik ez dute bat egin Erresuma Batuko lehen ministroaren proposamenarekin, baina honek "boluntarioen koalizio bat" osatzeko asmoa azaldu du: "Nazio guztiek ekarpena ez egiteak ez du esan nahi geldirik egon behar dugunik".
Etxe Zuriak bi komunikatu igorri ditu, Itsaso Beltzeko su-etena eta energia azpiegituren aurkako bi aldeen erasoen amaiera hitzemateko.
“Ez dugu gerraren aurrean etsi nahi, ez dugulako hilerrietako bakea nahi”, dio manifestuak, eta agintariei irtenbide politiko baten alde lanean jartzeko eskatu diete. Sinatzaileen artean daude Delàs institutua, Gernika Gogoratuz edo Ongi Etorri Errefuxiatuak... [+]
Defentsarako gastua handitzeko Europako herrialdeen apustuaren atzean, asko dago propagandatik, eta askoz gehiago interes ekonomikotik. Kontrakoa sinetsarazi diguten arren, XVIII. mendean Ingalaterran Industria Iraultza jaio zenean, armak eta gerra izan zituen oinarri, eta ez... [+]
Telefono bidez eginiko bileran, bi agintariek adostu dute Moskuk ez diola erasorik egingo Ukrainako azpiegitura energetikoari hurrengo 30 egunetan. Ukrainak eta Errusiak 175na preso askatu beharko dituztela iragarri dute, baina ez noiz.
Europa mailako ekimen kolektibo batek bakearen, irtenbide diplomatikoen eta armagabetzearen aldeko manifestua idatzi eta sinadura bilketa hasi du. Manifestuak dioenez, intelektualak, herritarrak bezala, “anestesiatuta daude”. Europako agintarien jokamoldea, NATOren... [+]
Vladimir Putinek interesa agertu du AEBek eta Ukrainak adostu duten 30 eguneko menia epeaz, baina zalantzak ere plazaratu ditu. Funtsean, ez du presarik erakutsi akordioa sinatzeko eta denbora gehiago eskatu du zalantzok argitu ahal izateko.
Mikel Jauregi Industria sailburuaren ustez, euskal enpresek “lan ona” egin dezakete Europaren “segurtasun estrategia babesten”. Eusko Jaurlaritzako bozeramaile Maria Ubarretxenak, berriz, berrarmatze asmoek “aukera berriak” ekar ditzaketela... [+]
Saudi Arabian elkartu dira AEBetako eta Ukrainako ordezkariak, eta zortzi ordu iraun duten negoziazioek fruitua eman dute. Etxe Zuriak Ukrainarentzako laguntza militarra berrabiaraztea erabaki du.
Europar Kontseiluak onartu du Ursula Von der Leyenek gastu militarrean proposatu duen 800.000 milioi euroko gastuarekin aurrera egitea. Horretarako bi arrazoi nagusi argudiatu ditu: Errusiari aurrea egitea eta Europar Batasunak aurrerantzean bere burua AEBen babes militarrik... [+]
Etxe Zurian edukitako liskarraren ostean, eskainitako laguntza "konponbide batera bideratuta" dagoela ziurtatu nahi du Trumpek. Zelenskiren arabera, Kievek bizirauteko aukera gutxi izango lituzke AEBen laguntza militarrik gabe.
AEBek Ukrainako gerraren aurrean egindako jarrera aldaketaren barruan, “lur arraroak” deiturikoak negoziaziorako gai nagusi bilakatu dira Volodymyr Zelenskyren eta Donald Trumpen artean. Lehenak nahi du AEBek bere segurtasuna bermatu dezatela Errusiaren aurrean,... [+]
Jarritako kondenak barkatzearen truke, armadara batu da preso andana. Azken urtean, errekrutatze-legeak gogortu ditu gobernuak.
Azken egunetako giroa baretzeko asmoz eta Ukrainako Gerraren bukaeraz hitz egiteko elkartuko dira Trumpekin, ondoko astean, Emmanuel Macron Frantziako presidentea eta Keir Starmer Erresuma Batuko Lehen ministroa. Auzi bera aipagai, ostegun honetan elkartzekoak dira ere... [+]
Palestinan genozidioa, Europan gerra eta potentzia nuklearren artean tentsioa. Ez daukagu berri on askorik emateko, baina bada bat, hondamendi orokorretik eratorria, aipatzea merezi duena: aldeko baldintzak sortzen ari dira kontrainformaziorako, informazio independenterako,... [+]
Ukrainako gerra hasi zenetik, bi potentziak ez dira mahai beraren bueltan eseri. Negoziatu egingo dute nola amaitu gatazka belikoa. Ukrainako presidenteak, ordea, esan du ez duela mahai horretan adosten den ezer onartuko, bera ez baitute gonbidatu.