Frankismoari gorazarre egitea delitu bihurtuko du Espainiako Gobernuak
Zigor Kodearen erreforma berriak frankismoari edozein motatako gorazarre egitea zigortuko duela adierazi du Adriana Lastra Espainiako Gobernuko bozeramaleak. Orain arte leku publikoetara mugatzen zen debekua, baina gobernua eratzeko Podemos alderdiarekin sinatutako akordioko baldintzetako bat zen debeku osoa ezartzea.
“Demokrazia garaian ez zaie omenaldirik egiten diktadoreei eta tiranoei”, adierazi du Lastrak, Zigor Kodearen erreformari buruz. Oraindik zirriborrorik ikusi ez duela adierazi du, baina erreformak debeku hori bere gain hartuko duela aurreratu du. Debekuari jarraiki, hobi komunetako gorpuak aterako dituztela eta sinbologia frankista leku publikoetatik kenduko dutela gehitu du.
Zigor Kodearen erreformak beste zenbait neurri ere ekarriko du; sexu harremanetan, baimen argia ez duten kasuetan sexu-abusu delitua erabiliko da, eta sedizio delituengatik zigorrak jaistea, besteak beste. Azken hori, sedizio delituen zigorrak jaistearena, ez zen Alderdi Sozialistaren programan joan, baina Europako gainontzeko herrialdeetako Zigor Kodeen mailara heltzeko "ezinbestekoa" zela adierazi zuen Carmen Calvo Espainiako lehen presidente ordeak. Neurri horrek zuzenean eragingo die kartzelan dauden preso politiko kataluniarrei.
Astelehenean abiatu zituzten lanak eta frankismo garaiko 20 biktima berriren gorpuak topatu dituzte honezkero. Asteburura arte luzatuko dute gorpuzkiak lurpetik ateratzeko hirugarren kanpaina.
Iruñeko Erorien monumentua faxismoaren salaketarako eta memoria demokratikorako Maravillas Lamberto interpretazio zentroa bilakatzea adostu dute EH Bildu, PSN eta Geroa Baik. Eraikinaren parte bat eraitsiko dute, eta adiera frankistako elementuak kendu edo estaliko... [+]
"88 urteko isiltasuna nahikoa da; gure herritarrek behingoz aitortza ekitaldi bat merezi dute"
Saturraran Elkarteak antolatuta, Oroimen Eguneko ekitaldian batu dira larunbatean 1939tik 1944 bitartean Saturrarango Emakumeen Kartzela egon zen inguruan, bertan preso egondako emakume eta umeak oroitu eta omentzeko.
Espainiako Gobernuak dokumentu bat helarazi die Salvador Puig Antichen arrebei, Oroimen Demokratikorako ministro Ángel Víctor Torresen eskutik. Frankismoak anarkista katalanari jarritako heriotza kondenaren “baliogabetasun akta” dela diote. Harrigarria... [+]
Ekitaldian 1969ko gertaera tragikoak gogoratzeaz gain, memoria historikoaren defendatzaileak ere omenduko dituzte.
Gasteiztarrarekin bederatzi dira ihesaldian parte hartu zuten identifikatutako pertsonak. Guztira, Nafarroako DNA Bankua sortu zenetik 43 pertsonaren datuak lortu dituzte.
Otxandioko bonbardaketaren erantzule nagusietako bat da Angel Salas Larrazabal urduñarra. Hortaz, herritarren aurka Euskal Herrian eginiko lehen bonbardaketan parte hartu zuen.
German Rodriguez eta Joseba Barandiaran omendu, eta langile mugimenduaren alde egindako lana txalotu dute Iruñean. Palestinari ere elkartasuna adierazi diote, sanferminetan urteroko zitan Iruñean.
Migratzaile familia batek irekitako denda baten aurrean ikur frankistak jarri dituztela salatu du Zurekin Nafarroa ezker koalizioak. Fiskaltzari eraman dizkiote datuak, gorroto delitu bat egon daitekeelako pankarta horren atzean.
1939 eta 1941 bitartean Igari eta Bidankoze arteko errepidea eraikitzera behartu zituzten frankismoaren 2.400 esklaboak omendu zituzten larunbatean, Igariko gainean. Errepresaliatu antifaxista haien memoriak gure bidea izan behar duela aldarrikatu zuten omenaldia antolatu zuen... [+]
Egin gintuztenen eta geure borondatearen kontra eraiki nahi izan zigutenen oinarria berriro ere indar berritzen ari ote den nago.
Eskolako Kontseiluaren izenean honako baldintza hauek jartzen zitzaizkien, gerraostean, gure herrietara maistra lanera zetozenei, derrigorrean... [+]