Nafarroako euskal presoak Iruñeko kartzelara ekartzeko plan bat eskatu du Foro Sozial Iraunkorrak
Erakundearen bozeramaile den Expe Iriartek Nafarroako Gobernuari plan bat osatzeko eskatu dio, gaur egun Euskal Herritik kanpoko espetxeetan dauden preso nafar guztiak Iruñeko kartzelara eraman ahal izateko.
Expe Iriarte Foro Sozial Iraunkorreko bozeramaileak asteazken honetan Nafarroako Parlamentuan egindako agerraldian azaldu duenez, salbuezpenezko espetxe-legedia bertan behera geratu behar litzateke, ez baitu “inolako oztoporik” ikusten Euskal Herritik kanpo espetxeratuta dauden 34 preso politiko nafarrak Iruñeko kartzelara eramateko.
Iruñeko espetxearen edukiera 504 ziegakoa da, mila lagun inguru giltzapetzeko modukoa. Datu ofizialen arabera, otsailaren amaieran 286 pertsona zeuden bertan. "Beraz, badago nahikoa leku plan honi aurre egiteko eta jatorria, ohiko bizilekua edo familia Nafarroan duten 184 pertsonak Iruñeko espetxean birkokatzeko", gaineratu du, preso sozialak ere kontuan hartuta. Bere ustetan, neurriak “bizikidetza demokratikoa” eraikitzen lagunduko luke, eta horretarako plan bat martxan jartzeko eskatu dio Nafarroako Gobernuari.
Parlamentuko taldeen erreakzioa
Geroa Baiko Jabi Arakama, EH Bilduko Bakartxo Ruiz, Podemos-Ahal Duguko Ainhoa Aznarez eta I-Eko Marisa de Simón abegikor azaldu dira proposamenarekin. Navarra Sumako Iñaki Iriartek, kontrara, "adiskidetzearen beharra" azpimarratu du, baina horretarako aurrebaldintza gisa kaleetan oposizio ideologikoa erabat desagerraraztea eskatu du: "Terrorismoaren gaitzespena behar da, hiltzaileen loriatzearen amaiera. Zigorgabetasuna 40 edo 50 urtez hiltzaileentzako amnistia eskatzea da".
PSNko Inma Juriok positibotzat jo du Foro Sozialaren agerraldia, baina ez du uste dispertsio politikaren ondorioz eskubideak urratzen direnik. Hala ere, espetxe politika berri baten alde agertu da. "Egoera ezberdinetarako, irtenbide ezberdinak", gaineratu du.
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Bizkaia, Gipuzkoa eta Lapurdiko hamabost hondartzetan antolatu ditu mobilizazioak Etxeratek, Etxera lelopean.
Elkarretaratzea egin dute larunbata eguerdian Laudioko Herriko plazan, Pili Arsuaga eta Fontso Isasiren heriotzaren 33. urteurrena dela eta. Bi bizilagunak 1990ko uztailaren 1ean zendu ziren, Maribi Ramila euskal preso politikoa bisitatzera zihoazela izandako trafiko istripuan... [+]
Pasa den martxoaren 25ean ofizialki bukatu zen euskal presoen sakabanatzea. El Paíseko lerroburuaren arabera, "34 urte igaro eta gero, Espainiako Barne Ministerioak amaiera eman dio ETAko presoen sakabanatzeari". Euskal Herriko komunikabideek ere dataren berri... [+]
34 urtez luzatu den euskal preso politikoen sakabanatze politika amaitutzat eman dute Etxeratek eta Sarek, ostiralean Espainiako Gobernuak iragarritako bost Euskal Herriratzeekin. Pozez hartu dute berria bi elkarteek, eta iragarri dute orain lanean jarraituko dutela preso,... [+]
Urtarrilaren hasieran euskal preso politikoen eskubideen alde Bilbon egiten den manifestazioa beti da berezia eskubideen aldeko egutegian, baina aurtengoa bereziki nabarmendu da, besteak beste, dagoeneko sakabanaketaren amaiera irudikatu nahi delako.
Iñigo Guridi Lasa, Asier Badiola Lasarte, Iñaki Bilbao Goikoetxea, Orkatz Gallastegi Sodupe, Fermin Vila Mitxelena, Iñigo Zapirain Romano eta Alberto Viedma Morillas preso politikoak Euskal Herriko espetxeetara hurbilduko dituzte.
Espainiako Gobernuko Espetxe Zuzendaritzak eta Eusko Jaurlaritzak adostu dute beste hamahiru euskal preso Bizkaia, Araba eta Gipuzkoako espetxeetara hurbiltzea. Ez da jakinarazi zein espetxetara eramango dituzten; Lakuako Gobernuaren esku dago erabakia.
Etxarri Aranazko Jon Gurutz Maiza Artola preso politikoa Frantziako Estatuko Lannemezaneko espetxetik (Euskal Herritik 330 kilometrotara) Donostiako Martuteneko kartzelara hurbildu dute, Etxeratek zabaldu duenez.
Garazi Abrisketa (Zollo, 1988) eta Aitana Izagirre (Zollo, 1993) Mirentxin Gidariak ekimenaren parte izan dira eta euren esperientzia azaldu dute, baita taldearen disoluzioak utzi dien sentsazioa ere.
Raul Fuentes eta Gaizka Astorkizaga dira Euskal Herriko espetxeetara lekualdatuko dituztenak, eta Pedro Cano eta Orkatz Gallastegi hurbildu egingo dituzte. Horrez gain, Olga Comesi hirugarren gradua emango diote.