Formazioa, aitortza, zaintza... enpresa baten partaide sentitzeko manerak
Beterri Saretuz programaren barruan, bigarren jardunaldia egin zuten hainbat enpresa eta erakundeetako ordezkarik Hernaniko Iturolan. Parte-hartzean oinarritutako enpresen ekosistema sortzeko gakoetan sakondu zuten.
Ez zen ariketa erraza izan. Oso gai labainkor eta lausoa da parte-hartzearena, are gehiago enpresa munduari egokitzen bazaio. Baina Hernaniko Iturolan otsailaren 13an elkartu ziren lagunek lortu zuten euren ekarpenak zehaztasunaren terrenora eramatea eta nork bere arloan ikusten zituen beharrak edo indar guneak azpimarratzea.
Beterri Saretuz programaren bigarren jardunaldian, gako batzuen bueltan aritu ziren hausnarrean Beterri-Buruntza eskualdeko enpresa eta erakundeetako ordezkariak. Asko jakin minez gerturatu ziren Hernanira, euren etxean parte-hartzearen inguruan dituzten zalantza eta kezkei argi gehiago eman nahian, baina antolatzaileek lanean jarri zituzten eurak ere, eta emaitza aberasgarriagoa izan zen inondik ere.
Formazioa, finantzak, balio eraldatzaileak, pertsonak erdigunean jartzea, ahalduntzea… Gai horiek guztiak xehatu zituzten, zehar lerro batzuen baitan langileen parte-hartzea nola bultzatu aztertzeko, hala nola enpresen jabetzan, kudeaketan, mozkinetan eta baita lurraldean bertan ere.
Seguruenik azken zehar lerro horrek ematen dio berezitasuna Beterri Saretuz programari, eskualdeko enpresa eraldatzaileen sare batetik sorturikoa izaki, inguru bizigarriago batean eragiteko nahiak ere balio baitu motibatzeko eta parte-hartzeko, honen arabera.
Tailer formatua izan zuen jardunaldiak eta hainbat saio egin zituzten taldeka, bai gakoen arabera bai sektoreak bananduz. Gako bakoitzaren definizioa, garrantzia eta eragiteko neurri zehatzak aztertu zituzten bertaraturikoek lehenik, eta kasu askotan balio izan zuen jabetzeko uste baina kontu funtsezkoagoek sortarazten dutela proiektu batean parte hartzeko grina, sarritan eguneroko lanak eta abiadurak estaltzen badituzte ere.
Esaterako, ondo egindako lana “ospatzea” eta “aitortzea” zein garrantzitsua den ondorioztatu zuten –kulturalki horretara ohituta ez gauden arren– egiten dugun horri zentzua emateko, arrakalak gainditzeko, etenaldia egin eta ibiliaren kontzientzia hartzeko…
Horrez gain, sektore bakoitzak, izan enpresa, ekintzaile, hezkuntza zentro zein administrazio, zertan lagundu dezakeen eta besteei zer eskatu beharko liekeen ere definitzen aritu ziren.
Orain arte jasotako ekarpenekin “gida” bat sortzea da asmoa, parte-hartzean oinarrituriko enpresen etorkizuneko ekosistemarako lan-tresna moduko bat litzateke. Hain zuzen, Iturolako saioa probestu zuten “gida” horrek izan ditzakeen formatuen inguruan hurbilketa bat egiteko.
Bira Produkzioak-ek jardunaldiaz ekoitzitako bideo laburpena:
Urriaren 17tik 19ra Burujabetzak izeneko jardunaldiak antolatu dituzte Oiartzun Burujabek eta Udalbiltzak. Tokiko esperientzia eraldatzaileak ezagutzeaz gain, Gironako alkate Lluc Salellasek eta CUPeko parlamentari-ohi Mireia Vehík ere parte hartuko dute hitzaldi banatan.
Lerro hauek idazterako, gazta egiteari utzi diogu eta antzutze prozesu betean gaude. Horrek esan nahi du jetzaldiak gero eta sakabanatuagoak direla denboran, ardiei esnea desagertu arte. Batzuen kasuan, egun gutxitan bukatuko da prozesua, eta gutxi batzuei gehiago kostako zaie.
Kale Nagusiko 54. zenbakian dagoen XVIII. mendeko eraikina eskuratu dute, egun Katakraken liburu-denda dagoen ondoan. “Eraikin honetan ez da egongo hostelik, ez luxuzko hotelik, ezta inguruko auzokideek ordaindu ezingo luketen etxebizitzarik ere, hemen hiri-lurra eraikiko... [+]
Ekonomia Sozial Eraldatzailearen Sareak, Olatukoopek, hamar urte bete ditu, eta larunbatean festa egin dute Donostian, sareko kide eta partaideen artean. Ekonomia eta kooperatibismoa beste ikuspegi batez landu litezkeela aldarrikatu (eta frogatu) dute: herrigintzatik, herritar... [+]
80 bat lagun batu dira Iruñeko Katakraken aretoan, ekonomia sozial eraldatzailearen erreferentzia bihurturiko Olatukoop sarearen hamar urteak ospatzeko. Ekonomia eta lurraldeak eraldatzeko proposamenak zehatz-mehatz aurkezteko ekimena izan da.
Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.
Hasiera batean, lehenengo ideia izan zen ekonomia... [+]
Gizartea eraldatzeko helburuz jaio zen Ekonomia Sozial Eraldatzailearen mugimendua Euskal Herrian duela hamar urte, Olatukoop sarean bilduta. Denbora honetan ez da gutxi egindakoa: hamaika kooperatiba eta ekimen jarri dituzte martxan, eta sarea zabaldu egin da. Baina erronkak... [+]
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Artzibarko Urdirotz herrian, Nafarroako Pirinioetan, proiektu berri batek zabaldu ditu ateak otsailaren 24an. "Azoka-Denda" deitu diote Txabi Bados Ruizek eta Rita Perandrés Martínezek haien etxe azpian ireki duten dendatxoari. Azokoop mikrokooperatibaren... [+]
Kataluniako Ekoedizioaren Institutuko bazkide egin da ARGIA, Europako bakarra, eta Euskal Herrian halako urratsa eman duen lehen eragilea da. Zigilu baten bidez, bere argitalpenen aztarna ekologikoa neurtu eta garbi adieraziko du hemendik aurrera. Dagoeneko sei liburu ekoeditatu... [+]
Andaluziako Marinaleda herrian dagoen Los Humosos lursaila saldu nahi du Andaluziako Juntak. Duela hamarkada batzuk lur horiek okupatu zituztenetik kooperatiba baten bidez landu dituzte hango jornalariek, baina 2021an desalojatzeko agindua jaso zuten eta horri jarritako... [+]
Hernani Burujabe herri proiektuak, Hernaniko Udalak eta Udalbiltzak hiru eguneko jardunaldiak antolatu dituzte urriaren 19tik 21era, burujabetzen gaia ardatz hartuta, herrigintza eta udalgintza ikuspegi eraldatzaile batetik jorratzeko. Hainbat esperientziren inguruko hitzaldiak... [+]
Bidasoaldeko irakurlea bazara, honezkero izango dira hiru urte Laia aldizkariaren lehen alea jaso zenuela etxean. BDSKOOP eraldaketa fabrikak –eskualdean Ekonomia Sozial Eraldatzailean dabiltzan kooperatiba eta proiektuak biltzen dituen elkartea– Behe Bidasoan eta... [+]