Formatua aldatuta dator 55. Durangoko Azoka eta ez da erakusmahairik egongo
Testuingurua mesedegarri izan ez arren, Durangoko Azokaren 55. edizioa egitearen alde agertu dira antolatzaileak. Gerediaga elkarteak ostegunean eman ditu aurtengo azokaren lehen xehetasunak: ez da erakusmahairik egongo, eta zuzeneko zein aurkezpenetarako aldez aurretik eman beharko da izena.
Ostegunean Durangoko Plateruena kafe antzokian egindako prentsaurrekoan, Durangoko Azokaren aurtengo edizioaren xehetasunak eman ditu ezagutzera Gerediaga elkarteak. Ezohiko testuingurua alde batera, Durangoko Azokaren 55. edizioarekin aurrera egitearen alde agertu dira, eta hartarako koronabirusak eragindako egoerara egokitu dute azoka. “Agian errazena izango zen aurtengo azoka bertan behera uztea, baina uste dugu kulturak inoiz baino gehiago behar duela azoka”, adierazi du elkarteak. TaudaDA! izango da aurtengo azokaren leloa.
Azaldu dutenez, argitaletxeen eta diskoetxeen erakusmahairik ez da egongo aurtengo azokan, eta salmenta puntu fisikoa saltoki digitalarekin ordezkatuko dute. Denda digitala abenduaren 5etik 8ra egongo da martxan.
Zuzenekoeo eta liburu aurkezpenei dagokionez, izango dute tokirik. Hori bai, bertaratzeko asmoa duenak aurrez eman beharko du izena. Zuzenekoak Plateruenan eta Landako gunean egingo dira, eta streaming bidez ere egongo da horiek jarraitzeko aukera.
Aurtengo azokaren kartela aurkezteko ere probestu dute agerraldia. Ane Pikaza ilustratzaile eta aktorea da berorren sortzaile.
Amaitu da 55. edizioa eta balorazioarekin batera, Gerediaga Elkarteak datuak eman ditu: 7.800 erosketa, 27.758 produktu salduta eta 50.000 lagunek jarraitu dute egitaraua, gehienak streaming bidez. Lehen aldia izan da webgunearen bidez bideratu dituztela salmentak eta erronka... [+]
Urte gogorra izan da ARGIA egiten dugunontzat ere. Historiaren gurpila azkartzen sentitu dugu eta lurralde ezezagunera garamatzan fenomeno erraldoi hau periodistikoki jorratzen galtza bete lan izan dugu. Hala ere, ezin dugu ahaztu kazetaritza independentea egiteko aukera badugu,... [+]
Durangoko Azoka birtualki egingo da aurten, eta ostegunean egingo da publiko denda digitala. Produktuen salerosketaz gain, 100 ekitaldiko kultur egitaraua ere antolatu dute.
“Durango efektuak” mobilizatuko ditu kulturzaleak topaleku fisikorik gabe? Inkognita horren erdian Bingen Zupiria Eusko Jaurlaritzako Kultura eta Hizkuntza Politikarako sailburuak herritarrei eskatu die “modu kolektiboan” erantzuteko. Alegia, erosteko,... [+]
Durangoko Azokak iragarri du Euskal Herriko hainbat lekutan kontzertuak antolatuko dituela abenduaren 5etik 8ra. Helburua: pandemiaren aurkako neurrien eraginez Durangora joaterik izango ez dutenei ere Azokako giroa hurbiltzea. Gainera, urtarrileraino luzatuko dute Durangorekin... [+]
Kultur sortzaileak Durangoko Azokatik Euskal Herriko plazetara gerturatuko ditu Ahotseneak, Amurriora tartean. Urriaren 18an izango da eskualdeko emanaldia, Aresketa Ikastolak antolatutako Araba Euskaraz ekimenaren baitan.
Abenduaren 5etik 8ra egingo da Durangoko Azoka. Koronabirusa elkarri kutsatzea eragozteko neurriek markatuko dute aurtengo edizioa, beharbada Azokak inoiz ezagutu duen bereziena. Kulturgintzan bizi den larrialdi egoerak markatuko du, baina antolatzaileek baikortasunari eutsi... [+]