Seattle hirian gune aske bat sortu dute, Floyden hilketak eztandarazitako protesten ondotik
Astebete baino gehiagoz istiluen agertoki izan dena poliziarik gabeko gune autonomo eta aske bilakatu da egun batetik bestera: Capitol Hill Autonomous Zone.
George Floyden hilketaren harira AEBetan hedatutako protestek Seatlle ere hartu dute, eta poliziaren errepresioarekin topo egin dute manifestariek han ere. Hiriko Capitol Hill barrutian astebetetik gora luzatu dira poliziaren eta manifestarien arteko istiluak, harik eta konfrontazio eremua gune aske eta autonomo bilakatu duten arte. Astelehenaz geroztik, poliziak eremua utzi zuela baliatuz, manifestariek barrutia kontrolpean hartu eta Capitol Hill Autonomous Zone (CHAZ) izendatu dute -Capital Hill Free Zone izenez ere deitzen diote-.
Ekainaren 7ko igandez herritar batek manifestarien aurka egindako erasoak aldatu zuen Capitol Hilleko gertakarien norabidea. Poliziaren errepresioa tarteko tentsioa nabarmena zen protestak hasi zirenetik, baina tentsioak goia jo zuen igandean, gizon batek manifestarien aurka egindako erasoaren ostean. Erasotzailea autoz gerturatu zen manifestariengana, bat-batean ibilgailutik atera eta 27 urteko Daniel Gregory manifestaria tirokatuz. Erasoa jasotzen duten bideoetan antzeman daiteekenez, poliziak ez zion inolako oztoporik jarri erasotzaileari, ezta momentuan bertan atxilotu ere:
A right-wing terrorist drove into a crowd and shot at least one protestor in Seattle. (📹@SpookeeACAB) #BlackLivesMatter pic.twitter.com/fJUsi7VW3S
— Anonymous (@YourAnonCentral) June 8, 2020
Gertakariaren ostean, poliziek Capitol Hilleko East Precinct egoitza utzi zuten, protestek eztanda egin zutenetik blokaturik mantendu zuten eremutik erretiratuz. Seattleko Poliziaren Departamentuak astelehenean jakinarazi zuen kaleak irekiko zituztela “manifestariei Capitol Hilletik ibiltzea ahalbidetzeko”. Poliziaren erretiroa “manifestarien eta poliziaren arteko interakzioak modu proaktiboan murrizteko ahalegina” zela adierazi zuen egun berean Seattleko alkate Jenny Durkanek.
In an effort to proactively de-escalate interactions between protestors and law enforcement outside the East Precinct, Chief Best and @SeattlePD officers have removed barricades surrounding the East Precinct while safely securing the facility.
— Mayor Jenny Durkan (@MayorJenny) June 9, 2020
Nazioarteko borroka politikoen berri ematen duen Enough 14 blogean Laura izeneko manifestariak egiten duen kontakizunaren arabera, baina, polizia estrategia bati jarraiki erretiratu zen: “Argi eta garbi, poliziek espero zutena zen jendea geltokira joatea edo honi su ematen saiatzea. Egurrezko oholak ere jarri zituzten inguruan eta paletak utzi zituzten alde guztietan”. Horrek beren aurka oldartzeko eta atxiloketa masibo bati bide emateko arrazoia emango ziekeen, manifestariek gertakizunez egiten duten irakurketaren arabera.
Alabaina, protestan diharduen jendeak oso bestelako bidea hartu zuen: poliziak jarritako hesiak behera bota zituzten, eta hesi horiez baliatuta barrikadak eraikitzeari ekin zioten askatutako eremuaren bueltan. Asteartean kaleak birkonfiguratuta, eremu autonomo bilakatuta, argitu zuen barrutiak. “Barrikadak mailakatuta daude jendetza erraz pasa dadin, baina automobilak barrikada batekin topo eginez gero, gelditu egingo lirateke. Igandeko erasoaren ondoren, ibilgailuen erasoetatik babestearekin oso kezkatuta zeuden denak”, azaldu du Laurak.
"Polizia Seattleko Kapitoliotik erretiratu zenean, batzuk kaosa espero zuten. Eremu autonomo berriak, aldiz, hitzaldiak, doako janaria eta elkarri laguntzen dioten pertsonak ditu", dio Twitter bidez bertan den pertsona batek:
When police retreated from Seattle’s Capitol Hill, some people expected chaos.
Instead the new autonomous zone has speeches, free food, and people helping one another.
Here’s a look inside the Capital Hill Autonomous Zone #CHAZ
— Joshua Potash (@JoshuaPotash) June 10, 2020
Sei eraikinen bueltan, barrikadekin segurtatuta dago eremua. Gune askearen baitan, hitzaldi, kontzertu eta askotariko ekimenak ari dira gauzatzen. Gertakarien bertatik bertarako jarraipena egiten ari dira Capitol Hill Seattle Blog atariaren bidez, eta bertan xedatu dutenez, antolatzaileek eremuan geratzeko asmo irmoa agertu dute beren eskakizunei jaramon egiten dieten arte -Poliziaren gastua programa sozialetara bideratzea kasu-.
Dena dela, eremu askearen sorrerak ez ditu protestak bertara mugatu. Gune askeaz harago, herritarrek aldarrikapenei eta salaketei eutsi diete. Horren adibide, asteartean Seattleko udaletxea hartu zuten hainbat pertsonek. Vitalist International-en arabera, “manifestariak Hong Kong-ekoen tankerako kale borroka taktikak ari dira baliatzen poliziaren erasoei aurre egiteko eta azpiegitura bereganatzen hasi dira”:
Thousands of protesters flood the Seattle City Hall, only one day after building a six-block autonomous zone in Capitol Hill. Protesters have adopted HK-style street fighting tactics to withstand police attacks and have begun seizing infrastructure. pic.twitter.com/ERu8E7q2up
— Vitalist International (@VitalistInt) June 10, 2020
Aterkia ikur gisa
Seattleko protestek bere egin dute aterkiaren irudia, poliziarekin aurrez aurrekoetan beren burua babesteko aterkiak erabili baitituzte manifestariek:
Seattle front liners using umbrellas and helmets to facilitate the resistance to police occupation of downtown pic.twitter.com/DqsLQrIMqc
— Vitalist International (@VitalistInt) June 8, 2020
Mendebaldeko herrialde aberats gehienetan ultraeskuina etengabe eztenka ari da migratzaileekiko gorrotoa eta arrazismoa akuilatzen. Deportazio planei ekitea izan da gobernu askoren erantzuna, izan afganiarrak talibandarren eskutan uzteko, Alemania pentsatzen ari den moduan, edo... [+]
Udan ohikoa izaten da albiste asko opor garaien etenak estaltzea. Eta egia esan, estalita baleude, kasik hobe. Gerra hotsen doinuak jarraitzen baitu dantzan jartzen kontinente zaharra.
Hamasek salatu du talde islamistak aurretik onartutako akordio proposamenetan Israelgo lehen ministro Netanyahuk baldintza berriak jarri dituela. Iran su-etenaren alde agertu da, baina Israel “zigortzeko eskubidea” aipatu dute, uztailaren 31n Hamaseko buruzagi Ismail... [+]
Hamasen erasoaren ezohiko muntak, eta Israelgo gerra-kabineteak hari emandako erantzunaren desmasiak zerikusi zuzena dute ondorio geopolitikoen sakonerarekin. Ekialde Ertainean eta nazioarteko aliantzetan aldaketak eragin ditu genozidioak: Israelek zer irabazi eta galdu du?... [+]
Munduko bigarren gizonik aberatsena, Elon Musk, gezurrak eta mezu sektarioak hedatzen, propaganda egiten ari zaio Donald Trumpi, inkestek gero eta gehiagotan diotenean Kamala Harris izango dela AEBetako hurrengo presidentea.
2022ko otsailaren 28an atxilotu ondoren, aske utzi dute bere aurkako frogarik eta bistako epaiketarik gabe. Bizkaiko kazetariaren talde juridikoak informatu du “preso dauden hainbat kazetari libre uzteko” Errusiak eta Poloniak adostu duten trukeagatik geratu dela... [+]
1959. urtea mugarri izan zen jazzaren bilakaeran: Miles Davisek A Kind Of Blue grabatu zuen martxoan eta apirilean; disko horretan parte hartu zuen John Coltranek Giant Steps plazaratu zuen maiatzean; eta, azkenik, Ornette Colemanek The Shape Of Jazz To Come argitaratu zuen,... [+]
Munduko erakunde militar suntsitzaileenak 75 urte bete ditu, eta eztei horiek behar bezala ospatzeko, esan du bere kideek gehiago gastatu beharko dutela armetan. Gainera, urtemugaren goi bileran beste potentzien kontrako gerra hauspotu du NATOk, Txinaren eta Errusiaren kontrako... [+]
Hamasen urriaren 7ko erasoa eraikin zahar bat astindu duen lurrikararekin konpara daiteke. Arrakalak agertzen hasiak ziren, baina orain begi-bistan daude, oinarrietaraino.
Joe Bidenen narriadura kognitiboaren eztabaidak bi urte inguru ditu. Batzuetan portaera bitxia zuen, beste batzuetan ez zitzaion ondo ulertzen edo egiak ez ziren gauzak esaten zituen, semea Iraken hil zitzaiola, adibidez. Halere, establishment liberalak bere egoera kognitiboari... [+]
900 milioi inguru eskatzen dizkio Energy Transfer Partners enpresak AEBetako Greenpeace erakunde ekologistari, 2016 eta 2017an oliobidearen aurkako protestetan kalteak eragin izana leporatuta. “Epaiketa honetan porrot eginez gero, Greenpeace justizia klimatikoaren aldeko... [+]
25 egun baino gutxiagoz egon da martxan hasieratik polemikoa izan zen portua. “Distrakzio neurria” izan dela salatu dute eragile ugarik.
“Indar guztiak presidente karguan zentratzea” erabaki duela adierazi du, eta Kamala Harris presideneteordeari “babes eta abal osoa” eskaini dizkio. Harrisek baieztatu du bere hautagaitza aurkeztuko duela Alderdi Demokratak presidentegai izendatu dezan... [+]
Trump tiroz zauritu dute larunbatean, kanpainako mitin batean. Atsedenerako hiru egun hartu ditu, gaur arte. Biden jada hiru aldiz agertu da komunikabideen aurrean, aurkariaren aurkako atentatua salatzeko. Azken adierazpenean kanpainaren erritmoa moteltzeko mezua luzatu du;... [+]
