Florentino Perez eta PP-PSOEko bost ministro auzitegira, Castor plataformaren iruzurragatik
Katalunian ODG Globalizazioaren Zorraren Behatokiak, Xnet elkarteak eta IDHC Kataluniako Giza Eskubideen Institutuak kereila kriminala aurkeztu dute Auzitegi Nazionalak epaitu ditzan ACS konpainiako buru Florentino Perez eta bost ministro, Castor gas hobi agortuarekin diru publikoaren iruzur erraldoia antolatu izanagatik. Prebarikazioa, administrazio publikoari iruzurra egitea eta diru publikoen okerreko xahuketagatik salatu dituzte otsailaren 21ean.
Castor gas hobi agortuan orain gas naturala metatzeko proiektua Espainiako Gobernuak kontzesio pribatu bati eskaini zion, zerbitzu publiko horren truke proiektua oker ateratzekotan kalte ordain handiak aginduz. Ebroren deltaren pareko hobi horretan gasa injektatzearen kontra azaldu ziren inguruko herritarrak eta baita zenbait aditu ere, lurrikara arriskua zegoela abisatuz. Hala ere gobernuak bezala ACS konpainiak aurrera egin zuten eta Castor sekula erabilgarri izatera iritsi gabe, 2012 eta 2013 artean mila lurrikara baino gehiago eragin zituen Montsia eta Baix Maestrat eskualdeetan.
Castor proiektua da globalizazio neoliberalaren ezaugarrietako baten adibide garbietako bat, erakusten duena nola Mendebaldeko multinazionalek Europara bertara ekarri dituzten lehen herri txiroetako finantza publikoak alferrikako azpiegitura erraldoietan xahutu eta zor publikoak etekin pribatu bihurtzeko teknika berak. Espainiari dagokionez, gauza bera ikusi da kiebra jotako autopistekin ere: alferrikako azpiegitura erraldoiak eraiki, horien desegokitasuna salatzen zutenei kasu egin gabe, eta horien kalte ingurumeneko eta ekonomikoak gero finantza publikoen zor bihurtu. Euskal Herrian ere ez da horrelako adibiderik falta, tamalez
Joan abenduaren 22an, Auzitegi Konstituzionalak indargabe utzia zuen 2014ko dekretua, zeinari esker Florentino Perezen enpresak sekulako dirutza jaso baitzuen Castor proiektua bertan behera uzteagatik kalte ordainetan (1,3 milioi euro gehi interesak, denetara 2,4 milioi euro administrazio publikoek ordaindu beharrekoak). Orain aipatu erakunde militanteek auzitara eraman nahi dituzte hondamendiaren erantzuleak: Florentino Perez Real Madrideko lehendakari izateaz gain ACSko buruzagia dena (baita, txinatarrei saldu aurretik, Urbaser erraustegi-enpresarena), Joan Clos Matheu, Miguel Sebatián Gascón, José Manuel Soria López, Magdalena Álvarez Arza eta Elena Espinosa Mangan ministro popular eta sozialistak eta beste zenbait.
La Directak zabaldu duenez, “elkarte horien helburua da kalte ordainari bidea etetea, Castor plataforma eraistea eta salatzea bai gobernuek ematen dieten babesa suntsiketazko operazioei eta bai gaur eguneko politika energetikoa”. Iazko ekainaren 17an Bartzelonan antolatu zuten Castor proiektua epaitzeko herri auzitegia; hartan azaldu ziren biltegiaren kalte sozial eta ingurumenezkoen lekukotasunak.
Orain kereilan salatu dutenez, Florentino Perezek antolatu zuen “delituzko plan bat Castor proiektuaren bitartez legez kontrako etekin enpresarial oso handia lortzeko”. 2008ko kontzesioan ipini zuten kontzesioa iraungi edo eten behar izatekotan, instalazioak Estatuari itzuliko zizkiola baina kalte ordain handi bat kobratuz. Hurrengo urtean Espainiako ministerioak Ingurumen Baimena eman zion aurretik salatutako lurrikara arriskuak kontutan hartu gabe. Gainera, kontratuan ondo lotu gabe utzitako hainbat atalek ekarri zuten proiektua garestitzea eta atal berriak ACS beraren beste enpresa batzuei ematea. Ez hori bakarrik, ACSk eta ministro sozialistek bezala PPkoek antolatutako operaziora erakarri zuten Europako Bankua ere bere finantziazioarekin.
Enpresa batek Irimo mendian zentral eolikoa eraikitzeko asmoa zuela iragarri zigun aspaldi batean haize kolpe batek. Gehienek ezin zuten sinistu, inondik ere. Are gutxiago Irimo mendiaren orografia eta izaera harritsua ezagutzen dituztenek. "Baina ba al dakizu ze nolako... [+]
Ostiral arratsaldean deportatu behar zuten, baina hegaldiaren komandanteak ez zuen sahararraren bidaia ahalbidetu, hegaldia segurua ez zela izango argudiatu zuelako, EFEk jaso duenez. Bilboko Guardia Epaitegiak larunbat goizaldean gaztearen “askatasun-gabezia... [+]
Ostiral arratsaldeko 15:00etan deportatuko dute Bilbotik Tangerrera doan hegaldi batean, EITBk informatu duenez. Espainiako Auzitegi Nazionalaren arabera, “gaur egun ez dago demandatzailearen bizitzarako edo osotasun fisikorako berehalako arrisku edo arrisku... [+]
Gizona Marokotik zetorren hegaldi batetik iritsi zen eta asiloa eskatu zuen, jazarritako ekintzaile politikoa zelako. Ukatu egin zioten eta gaur deportatu behar zuten, baina atzeratu egin dute. Abokatuek Auzitegi Nazionalaren aurrean aurkezturiko “erreguzko... [+]
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Zapatuan, ehunka herritarrek parte hartu zuten Bizkaiko Foru Aldundiak itsasadarraren azpian egin gura duen tunelaren proiektua geldiarazteko exijitzeko manifestazioan. Subflubiala Ez plataformako deitzaileek 500 parte-hartzaile inguru zenbatu zituzten Getxoko Itzubaltzeta/Romoko... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
CKU trenbide hori egitasmo mitikoa da, hitzaren adiera zuzenean: itxuraz, koherentea ez ezik desiragarria litzatekeena, baina ameskerien mundutik kanpo zertzeko aukerarik gabea, orain arte behintzat. Halakorik inoiz ez nuela ikusiko zinez sinesten nuen.
Enigma Green Power enpresak "Ikatz Gane" deitu dion proiektu eolikoa egiteko "aldez aurreko administrazio-baimena" eskatu du. Bost haize errota jarri nahi ditu. Enigma Green Powerren jabe bakarra Arena Green Power da, eta honen kargudunen artean da Endesa.
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Pasaiako Portuak eta Euskal Trenbide Sareak etxetik bota nahi dituzte hamabi familia. Ekainaren 1ean Trintxerpen mobilizatzera deitu du Oarsoaldeko Etxebizitza Sindikatu Sozialistak.