“Hazkundea bueltatuko dela esatea gezurretan aritzea eta frustrazioa sortzea da”
Florent Marcellesi ekintzaile eta ikerlari ekologista (Angers, Frantzia, 1979) elkarrizketatu dute eldiario.es egunkarian. Desazkundeaz eta gizartea antolatzeko modu berriez mintzatu da. Hona, euskaratuta, elkarrizketako hainbat pasarte.
"Desazkundea ez da utopia eta kapitalismoak inposaturiko kontsumo erritmo honetan jarraitzea aldiz, bada. Nahi duten bezala hazkundearen bidera itzultzea ez da bideragarria, hazkundeak kolapso ekologikora, klima, elikagai eta energia krisira garamatzalako (...) Baliabide naturalak amaitu ditugu. Ez daukagu energia nahikorik krisiaren aurreko balioetan kokatzeko. Garai horiek ez dira inoiz itzuliko".
"Murrizketak eta hazkundearen aldeko politikak utzi eta trantsizio sozial ekologikoari ekin behar diogu. Hiru adar landu behar dira. Lehenik, enplegu berde eta duinaren aldeko apustua egin behar dugu. Lanaren Nazioarteko Erakundearen arabera, enplegu berdearen aldeko benetako apustua eginez gero 2020rako milioi bat postu sor daitezke Espainian eta 100.000 Euskadin. Bigarrenik, aberastasunaren eta lanaren banaketa birmoldatzea ezinbestekoa da. Lortu ditugun errentekin onartezina da maila moral, politiko eta ekonomikoan pertsona bakar batek oinarrizko premiak ase gabe izatea. Horrekin amaitzeko herritarrentzako gutxieneko eta gehienezko soldatak adostea beharrezkoa da".
"Aberastasunaren banaketari dagokionez, ziurtatzen dizut gure proposamenak jarraituz gero jende asko hobeto biziko litzatekeela. Hobekuntzak herritarren %90ari eragingo lioke eta soilik biztanleriaren %1ak izango luke soldata txikiagoa, gehien irabazten dutenek alegia. (...) Beharrezkoa da enplegua birbanatzea, hazkunderik gabeko enplegua sortuz, hots, gauza kopuru bera ekoiztea baina gutxiago lan egiten duten jende gehiagoren artean. Hala, gainera, planeta babestuko genuke (...) Azkenik, demokrazia landu behar da. Guk geuk, herritarrok definitu behar ditugu zeintzuk diren oinarrizko premiak eta zeintzuk azalekoak".
"Behetik borrokatu behar da. Gure eskuetan uste duguna baino askoz botere handiagoa daukagu eta baliatu egin behar dugu. Sistema aldatu dezakegu. Hain justu, ahalduntze edo enpoderamentua ematen ari da dagoeneko. Kooperatibak ugaritzen ari dira arlo energetikoan, etxebizitzetan, produkzio eta kontsumoan, banku etikoak ere hor daude... Nagusi diren botereetatik aparte garatzen ari diren eta parte-hartzean oinarritzen diren benetako boterearen adibide dira. Berdintasuna, parte-hartzea, ekologia eta autonomia bultzatzen dute halako ekimenek, baina ez dira nahikoa, irlak direlako. Euren artean loturak eta sareak sortzeko ahalmena izan behar dugu, jauzi kualitatiboa eman. Ez dugu beldurrik izan behar eta erakundeen baitan aldaketa sustatuko duen sistema politiko eta soziala planteatu behar dugu".
Elkarrizketa osoa irakurri eldiario.es gunean.
Marcellesik ekologia politikoaz idatziriko hausnarketa kaleratu genuen Larrunen: Ideologia berdearen genesia, teoria eta praxia.
Aurrekontuak eta urteko kontuen itxiera, ez da besterik urteko garaiotan; etxeko ekonomiatik hasita, partekatzen ditugun espazio sozioekonomiko gehienetara. Enpresa handiak hasi dira kalkulagailuak ateratzen eta 2025ari begira asmo handiak martxan jartzen. Erakunde eta eragile... [+]
Proiektu ekonomiko kooperatibo eta komunitarioak abian jartzeko grina duten pertsona eta taldeentzako doako eskola da KoopFabrika. Dagoeneko izena emateko epea irekita dago. Urtarrilaren 28an egingo da lehenengo saioa. Olatukoop, Gezki eta Lankiren baliabideei esker antolatu... [+]
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Urriaren 17tik 19ra Burujabetzak izeneko jardunaldiak antolatu dituzte Oiartzun Burujabek eta Udalbiltzak. Tokiko esperientzia eraldatzaileak ezagutzeaz gain, Gironako alkate Lluc Salellasek eta CUPeko parlamentari-ohi Mireia Vehík ere parte hartuko dute hitzaldi banatan.
Lerro hauek idazterako, gazta egiteari utzi diogu eta antzutze prozesu betean gaude. Horrek esan nahi du jetzaldiak gero eta sakabanatuagoak direla denboran, ardiei esnea desagertu arte. Batzuen kasuan, egun gutxitan bukatuko da prozesua, eta gutxi batzuei gehiago kostako zaie.
Bilboko Euskalduna jauregian egindako urteroko kongresuan Mondragoneko lehendakariaren errelebo aldaketa irudikatu dute, orain arte taldeko buru izandako Iñigo Ucinek eta hemendik aurrera kargu hori hartuko duen Pello Rodriguezek. Horrez gain, hurrengo urteetarako bide... [+]
Europako Parlamenturako hauteskundeen biharamunean idazten ditut lerro hauek, garai ilunak, Internazional Erreakzionarioaren garaipena europar legebiltzarrerako hauteskundeetan. Lehenagotik ere bazetorren bolada, eta bizi dugun fase kontserbadorearen berrespena da, baina... [+]
Kale Nagusiko 54. zenbakian dagoen XVIII. mendeko eraikina eskuratu dute, egun Katakraken liburu-denda dagoen ondoan. “Eraikin honetan ez da egongo hostelik, ez luxuzko hotelik, ezta inguruko auzokideek ordaindu ezingo luketen etxebizitzarik ere, hemen hiri-lurra eraikiko... [+]
Ordiziako Orkli kooperatibak 50.000 euroko funtsa jarriko du "komunitatetik sortutako ekimenak" laguntzeko. Orklidea izena jarri diote programari eta Euskal Herri osoko proiektuak aurkeztu daitezke.
Ekonomia Sozial Eraldatzailearen Sareak, Olatukoopek, hamar urte bete ditu, eta larunbatean festa egin dute Donostian, sareko kide eta partaideen artean. Ekonomia eta kooperatibismoa beste ikuspegi batez landu litezkeela aldarrikatu (eta frogatu) dute: herrigintzatik, herritar... [+]
80 bat lagun batu dira Iruñeko Katakraken aretoan, ekonomia sozial eraldatzailearen erreferentzia bihurturiko Olatukoop sarearen hamar urteak ospatzeko. Ekonomia eta lurraldeak eraldatzeko proposamenak zehatz-mehatz aurkezteko ekimena izan da.
Mondragon taldeko banaketa kooperatiba baikor azaldu da 2023an izandako etekinekin; inflazioak eta kostuen gorakadak jotako testuinguru batean "sendotasunez" erantzun duela azaldu du. Espainiako Estatuan hedatzen jarraitzeko ahalmena eman dio horrek eta 74 supermerkatu... [+]