Fiskaltzak espetxe zigorra eskatu du Sara Majarenas eta honen alabaren erasotzailearentzat
Asteartean egin da Majarenas eta honen alabaren kontrako erasoaren auzi saioa. Fiskaltzak erasotzailearentzako 30 urteko espetxe zigorra eskatu du, eta akusazio partikularrak eskariarekin bat egin du.
2017an, Majarenas preso zela, honen bikotekide ohia bi urteko alaba hiltzen saiatu zen, haurra bere kargu zuen asteburu batean. Sara Majarenas eta honen alabaren kontrako erasoaren auzia Valentziako Lurralde Auzitegiaren esku dago, eta asteartean egin dute auzi saioa. Bertan, Fiskaltzak erasotzailearentzat 30 urteko espetxealdia eskatu du, eta eskaerarekin bat egin du akusazio partikularrak.
Bat etorri da zigor eskaerarekin Majarenasen abokatua, nahiz eta adierazi duen formazio saioekin lotura duten onura penitentziarioen aldekoak direla. Behin erasotzaileak zigorra beteta, segurtasun neurriak beharrezkoak liratekeela ere azpimarratu dute.
Erasotzailea otsailaren 15ean geratu zen aske, Picassenteko epaileak (Valentzia, Herrialde Katalanak) argudiatu zuelako mediku txosten baten zain zeudela eta ordurako ikerketa “gehiegi” luzatua zela. Epailearen hitzetan, behin-behineko espetxealdia “salbuespen neurria” zen, soilik “objektiboki beharrezkoa” izatekotan ezarri beharrekoa. Ordutik behin-behinean aske da gizona, eta indarrean ditu Majarenas eta labarengandik urruntze agindua, EAEn sartzeko debekua eta pultsera telematikoa soinean eramateko derrigortasuna. Mararenasen senideek jakinarazitakoaren arabera, ordea, pultserak dagoeneko huts egin du pare bat aldiz. Hargatik, sententzia eman artean erasotzailea espetxeratzeko eskatu du akusazio partikularrak.
Majarenasek “salbuespen egoera” bizi duela adierazi zuten atzo senideek, baita erasotzailearen beldur ez ezik justiziaren beldur ere badirela salatu: “Beldurra bikoitza da; libre den hiltzailearena eta Espainiako justiziarena”.
Valentziako Probintzia Auzitegiak 28 urteko kartzela-zigorra ezarri dio Stytianos Messinezisi, Izar alaba hiltzen saiatzeagatik eta Sara Majarenas amari lesio psikikoak eragiteagatik.
Urriaren 16ra atzeratu da epaiketaren hirugarren saioa, eta ihes egiteko arriskua argudiatuta, Izar Majarenas larri zauritu zuen Stytianos Messinezis espetxeratzeko eskatu dute fiskalak eta akusazio partikularrak. Eskaera onartu egin du epaileak.
Hasi da Valentzian Sara Majarenasekin izan zuen alabari bi labankada eman zizkion gizonaren aurkako epaiketa. Erasoa onartu eta damututa dagoela, baina zehaztasunik ez duela gogoratzen esan du erasotzaileak. Alabak ondorio psikologikoak sufritzen jarraitzen duela adierazi du... [+]
Estropaden egun nagusian manifestazioa egin dute Sara Majarenas eta Izarri elkartasuna adierazteko, eta justizia gizartearen presioarekin soilik lortu daitekeela esan dute.
Agerraldia 25 emakumek egin dute, Egiako parkean, astelehenean. Igandean beste justizia eredu bat aldarrikatzeko egingo den manifestazioan parte hartzeko deia ere egin dute.
Kontxako Banderaren bigarren igandean egingo den manifestaziorako deia egin du Sara Izarrekin plataformak. “Bizi nahi dut” lelopean abiatuko dira Bulebarretik, irailaren 8an, 13:30ean.
Valentziako Lurralde Auzitegiak erabaki du Stytianos Messinezis erasotzaileak libre jarraitzea behin behinean, baldintzazko neurriak bete dituela argudiatuta. Uztailean egingo da bere kontrako epaiketa.
Sara Majarenasi ongi etorria egin diote Donostiako Intxaurrondo auzoan. 13 urte egin ditu espetxean.
13 urteko espetxealdia amaiturik, aske geratu da Sara Majarenas euskal preso politikoa. Haren izenak oihartzun handia eduki du iazko urtarrilean bi urteko alaba labankadaz bere aitak larriki zauritu ostean.
Michel Foucault eta enparauak irakurriz beti pentsatu izan dut Frantziako Iraultzaren ostean kontrola gorputzaren barneraino sartzeko mekanismo gisa antolatu zutela kartzela egitura osoa. Aurretik, zigor publikoa jasotzen zuten araua betetzen ez zuten horiek: urkamendia, eskua... [+]
Ostegun arratsaldean Donostiako Piratek jakinarazi dutenez, Sara Majarenas eta Izar izango dira aurtengo Aste Nagusi Piratako txupinazoko protagonistak. Larunbatean ezingo dira Alde Zaharreko "La Flamenka" gunean egon, etxean preso baitaude Madrilen. Beren presentzia... [+]
Eusko Legebiltzarreko EAJ, EH Bildu, Podemos eta PSEren taldeek Sara Majarenas euskal presoa askatzeko eskatu dute legez besteko proposamen batean. Legebiltzarreko mahaiak tramitera onartu du, eta beraz osoko bilkuran eztabaidatuko da proposamena. Majarenasen eta beraren... [+]
Sara Majarenasek bigarren gradua eskuratuko duela jakin ostean, 5.000 pertsona baino gehiago batu dira Donostian, ama-alaben askatasuna eta etxeratzea eskatzeko. Majarenasen abokatuak ziurtatu du lanean jarraituko dutela hirugarren gradua lortu arte.