Finlandia eta Suedia NATOn sartzeko betoa kendu du Turkiak
Hiru herrialdeek akordioa sinatu dute, Turkiaren eskaerei men eginez. Kurduen aurkako borrokan inplikatuko dira Suedia eta Finlandia. NATO Europa ekialdera zabaltzen jarraitzeak tentsioa areagotuko du Errusiarekin.
Finlandia eta Suedia NATOn sartzeko prozedura abiatzeko aukera zabalik da, behin Turkiak bi herrialdeen aurkako betoa altxatuta –kide berri bat NATOn sartzeko beste guztien aldekotasuna beharrezkoa da–. Betoa ezarri zien hasiera batean, bi herrialdeak “terrorista” kurduak babesten dituztela argudiatuta, bereziki Kurdistango Langileek Alderdiko (PKK) eta Herriaren Babes Unitateetako (YPG) kideak.
Madrilen sinatu dute akordioa hiru estatuetako buruek, NATOren goi bilera aurreko egunean. Eta elkarrekin eman dute horren berri prentsaurrekoan, NATOko idazkari nagusi Jens Stoltenberg-ekin batera. Turkiako Gobernuak ohar bidez adierazi du Suediak eta Finlandiak “guztiz kooperatuko” dutela “PKKren eta bere adarren aurkako borrokan”. Eskakizunetako bat da YPGetako eta PKKko kidetzat jotzen dituen 40 pertsona estraditatzea bi herrialdeek, eta Turkiak adierazi du Stockholm eta Helsinkik “neurriak” hartuko dituztela zentzu horretan. Stoltenberg pozarren agertu da akordioarekin: “Pozik iragarri nahi dut akordio bat dugula Finlandia eta Suedia NATOn sartzeko. Hirurek memorandum bat sinatu dute Turkiaren kezkei erantzuteko: armen esportazioa eta terrorismoaren jazarpena. Inork ez du sufritu terrorismoa Turkiak beste. Hiru gobernuek terrorismoaren aurkako lankidetza hobetzea adostu dute. Aliatu gisa, Finlandiak eta Suediak Turkiako segurtasunarekin lankidetzan aritzeko konpromisoa hartu dute. Horrek esan nahi du estradizioak adostea, Turkiari armen inguruko enbargoa kentzea, eta terrorismoaren eta PKKren aurkako borroka. Segurtasun krisi handienaren aurrean gaude eta Finlandiaren eta Suediaren sarrerek NATO indartzen dute”.
Errusia jo-puntuan
Historikoki herrialde neutralak izan diren Finlandia eta Suedia NATOn sartzeak eragin nabarmena du mundu mailako geopolitikan. Errusiako Gobernuak urteak daramatza salatzen NATO Europa Ekialdeko herrietara zabaltzen ari dela, bere mugak militarki inguratuz. Ukrainako inbasioa ere testuinguru horretan kokatu du Putinek. Maiatzean, gobernuak adierazi zuen bi herrialdeak NATOn sartzea berez ez dela arazo, baina armak ezarriz gero “erantzun” egingo lukeela. Finlandia eta Suediak 1.300 kilometro dituzte Errusiarekin mugan.
Azken egunetako giroa baretzeko asmoz eta Ukrainako Gerraren bukaeraz hitz egiteko elkartuko dira Trumpekin, ondoko astean, Emmanuel Macron Frantziako presidentea eta Keir Starmer Erresuma Batuko Lehen ministroa. Auzi bera aipagai, ostegun honetan elkartzekoak dira ere... [+]
Palestinan genozidioa, Europan gerra eta potentzia nuklearren artean tentsioa. Ez daukagu berri on askorik emateko, baina bada bat, hondamendi orokorretik eratorria, aipatzea merezi duena: aldeko baldintzak sortzen ari dira kontrainformaziorako, informazio independenterako,... [+]
Ukrainako gerra hasi zenetik, bi potentziak ez dira mahai beraren bueltan eseri. Negoziatu egingo dute nola amaitu gatazka belikoa. Ukrainako presidenteak, ordea, esan du ez duela mahai horretan adosten den ezer onartuko, bera ez baitute gonbidatu.
Macronek egindako deiari erantzunez, NATOko eta Europako agintariak Parisen elkartuko dira astelehen honetan, AEBek eta Errusiak iragarri ostean Ukrainako gerra amaitzeko elkarrizketei heltzekotan direla. Europak diru asko xahutu du Ukraina laguntzen, eta gerra amai dezakeen... [+]
Trumpek eta Putinek ordu eta erdiz hitz egin dute telefonoz. Biek hala biek baieztatu dute ados direla Ukrainako gerra amaitu dadin "elkarrekin lan egiteko", baina argi utzita Ukraina 2014ko mugetara itzultzea ez dela "errealista". Zelenskyrekin ere hitz egin... [+]
Mark Rutte NATOko idazkari nagusiak arrazoia eman dio Trumpi eta esan du "Europak inbertsio militarra handitu" behar duela.
Urtarrilaren 20rako bidea. Donald Trump urtarrilaren 20an izendatuko dute AEBetako presidente. Demokraten aldeko elite ekonomikoak hainbat aldiz saiatu dira Trump hiltzen. Lortuko al dute helburua urtarrilaren 20a baino lehen? Hortaz gain, guda fase berri garratzagora eraman... [+]
Gazpromekin zuen kontratua ez du berritu Volodymyr Zelenskyren gobernuak eta, asteazken goizean, Europa ekialdea hornitzeko gasaren fluxua eten du errusiar konpainiak.
.jpg)
Atentatua astearte goizean izan da, Kieveko auzitegi batek Kirillovi Ukrainako tropen aurka arma kimiko debekatuak erabiltzea leporatu eta hurrengo egunean. 300 gramo TNTko karga zuen lehergailuak, eta Errusiak jazotakoa argitzeko ikerketa bat jarri du abian.
Moskuk erakutsi du bere disuasio ahalmena areagotu dezakeela arma nuklearrik erabili gabe eta modu horretan bere arerioen gorakadari erantzun diezaiokeela. Bide batez, errusiar erruletan jokatzen ari diren europar erakundeetan arrakalak zabaltzen ditu.
Arma nuklearrarekin erantzuteko aukera dakarren dekretua izenpetu du Vladimir Putin presidenteak. Hegazkinekin, gurutzaldi misilekin zein droneekin "eraso masibo bat" pairatzeak ondorioztatu dezake arma horren erabilpena.
Urtarrilaren 20an utziko du AEBko presidente kargua Joe Bidenek, lekukoa Donald Trumpi emanda –zeinak AEBen norabide aldaketa marka dezakeen Ukrainako gerran–. Agintaldia amaitu aurretik, baina, irakurri dugu Ukrainari baimena eman diola Errusiako Kursk eskualdean... [+]
Errusian Ukrainarekiko gerra-frontean arituko liratekeen iparkorear soldaduena bezalako kontakizunak entzuten direnean, kosta egiten zaio behatzaileari bereiztea zer izan daitekeen gerra-lainoak lausotzen duen errealitatea, eta zer maskirovka klasikoenekoa.
Dagoeneko milioi bat pertsona hil dira Errusiaren eta Ukrainaren arteko gerra hasi zenetik, hainbat informek jaso dutenez. Hildako gehienak soldaduak dira, eta ondoren zibil ukrainarrak. Udara honetan izan dira kopururik altuenak 2022tik.
Asteazken honetan Ukrainako lehendakari Volodimir Zelensky Londresen bildu da Keir Starme lehen ministro britainiarrarekin eta Mark Rutte NATOko idazkari nagusi berriarekin. Ondoren bildu da ere Europar Batasuneko beste buruzagi garrantzitsuekin. Helburua da “garaipenerako... [+]