Filosofiaren eta etikaren alde
Aurreikuspen okerrenak ere gaindituz, Nafarroako Hezkuntza Departamentuaren curriculum zirriborroak Filosofiari gutxieneko eskola ordua ezarri dio. LOMLOEren ezarpenak Filosofia eta pentsamendu kritikoa indartzeko asmoa zuela uste bagenuen ere, harriduraz hartu dugu Nafarroako Hezkuntza Departamentuak egin duen legearen garapen-proposamena.
Derrigorrezko Bigarren Hezkuntzari dagokionean, Balio Zibikoen eta Etikoen hezkuntza irakasgaiak astean ordubete baino ez du izango, ikasgaiak planteatzen dituen hezkuntza- eskakizunak betetzeko nahikoa ez den esleipena, eta, gainera, guztiz gutxietsia izatera kondenatzen duena. Beraz, Balio Etikoak ikasmaila guztietan eskaintzetik (1. eta 2. DBHn bi ordu astero) bi ikasmailetan soilik ematera pasako da, eta ordu bakarrarekin gainera.
Zaila bada ere aurresaten zer eragin izango duen lege berriak, akats pedagogikoa iruditzen zaigu Balio Etikoen orduak DBHko ibilbidetik murriztea. Balio etikoetan lantzen diren edukiak eta gaitasunak garatzea ezinezko egiten baitu Hezkuntza Departamentuaren proposamenak.
"LOMLOEren ezarpenak Filosofia eta pentsamendu kritikoa indartzeko asmoa zuela uste bagenuen ere, harriduraz hartu dugu Nafarroako Hezkuntza Departamentuak egin duen legearen garapen-proposamena"
Horrez gain, inguruko autonomia erkidegoetan, esaterako Euskal Autonomia Erkidegoan, Filosofia eta pentsamendu kritikoarekin loturiko berezko ikasgai berriak sortu dira, eta ikasgai horiek duintasunez emateko ordu kopuru minimoa bermatu da, hala nola, DBHko ikasturte guztietan Filosofia diziplinarekin loturiko ikasgaiak ziurtatuz: Balio Zibikoen eta Etikoen hezkuntza (1.DBH), Pentsamendu kritiko eta autonomoa (2./3.DBH) edota Filosofia (4.DBH). Gainera, Batxilergoko etapan ere apustu pedagogiko bera egin dute: Antropologia Soziala, Mundu garaikideko gatazkak eta gizarte-harremanak edota Psikologia bezalako hautagaiak proposatuz. Nafarroan ere, antzeko lege-proposamena nahiko genuke, Filosofiak ibilbide akademiko guztietan duen garrantzia handituz.
Hori guztia dela eta, dokumentu hau sinatzen dugun irakasleok honako hau eskatzen diogu Hezkuntza Departamentuari:
Curriculumaren helburuak gauzatu ahal izateko Balio Zibikoen eta Etikoen hezkuntza ordubetetik bi ordutara pasa dadila ikasgaiari duintasuna eta eraginkortasuna emateko. Ordu bete soilik duen ikasgai baten gabeziak nabarmenak baitira ikasleen beharrei erantzuteko eta curriculum helburuak aurrera eramateko.
Lehengo neurriarekin loturik, Hezkuntza Arreta Filosofia mintegiari esleitzea proposatzen da, ikasgai berri horrek izan ditzakeen helburuak Balio Etikoen baliokideak baitira. Arrazoimenean oinarritutako pentsamendu kritikoa, elkarbizitzarako eta berdintasunerako jarrera aktiboa edota erantzukizun etikoari benetako garrantzia eman nahi baldin badiegu, ikasgaia gaian prestakuntza duten adituek eskaini behar dutelakoan gaude.
Gaitasun kritikoaren ildoa ziurtatzeko Filosofia diziplinarekin loturiko ikasgaiek DBHn eta Batxilergoan duten presentzia areagotzea eskatzen dugu, ikasleek hautazko ikasgaien bidez gutxienez aukeren artean honako ikasgaiak izan ditzaten: Pentsamendu kritikoa DBHn, edota Antropologia soziala eta Psikologia Batxilergoan.
Batxilergoan Filosofia diziplinarekin loturiko ikasgaiei (Filosofia, Filosofiaren Historia eta Psikologia) gutxienez aurreko hezkuntza erreforman esleitutako ordu kopurua mantentzea.
* Idatzi hau Nafarroako 150 irakaslek sinatu dute
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
Duela aste batzuk, Diputazio kalean, Gasteizko erdigunean, bi gizonek etxerik gabeko pertsona bat bota zuten lo egiten zuen lokalaren kanpoaldeko eskailera-buru txikitik. Bota ez ezik, berehala metalezko baranda bat ere jarri zuten lonjaren aurrean. Lokala luzaroan hutsik egon... [+]
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Intsumituek denbora luzez egindako borroka gogorra eta mingarria izan zen, baina irabazi zuten, eta garaipen hura behin betikoa izango zela uste genuen, atzera bueltarik gabea. Baina badirudi, politikari batzuen ahotik aterata, eskalada militaristari gorazarre egin eta berriz... [+]
Punto Bobo liburuaren irakurketan murgilduta, Itxaso Martin Zapirain egilearen Eromena, Azpimemoria eta Isiltasunak Idazten ikerketa lanean sentitu nuen egiazkotasun eta maila etikoarekin egin dut berriz ere topo. Eta hortaz, hara bueltatu. “Oihu izateko jaio zen isiltasun... [+]
Dirudienez, Euskal Herrian migrazioa arazo bilakatu da azken bi hamarkadetan. Atzerritarrez josi omen dira gure lurrak. Gure kultura arriskuan omen dago fenomeno “berri” horren ondorio. Lapurretak, bortxaketak, liskarrak… Bizikidetza arazo horiek guztiak... [+]
Azken hamarkadetan euskararen biziberritzeak duen erronka handienetakoa, euskararen ezagutzaren unibertsalizazioarekin batera, erabilerarena da. Askotan, gazteen euskararen erabileran jarri ohi dugu fokua, baita euskararen erabilerak izan duen eta izan dezakeen bilakaeraren... [+]
Goizean jaiki orduko hasten dira desegokitasunak. Beharbada lotarako erabili duzun lastaira ere ez zen egokiena. Baina, ezin ba idatzi desegoki sentiarazten nauten guztiez. Horregatik, udaberriko ekinozioa –egunaren eta gauaren arteko oreka– dela eta, oraindik ere,... [+]
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Antropozentrismoaren aldaera traketsena eurozentrismoa izan zen. Europako mendebaldea, geografikoki, Kontinente Euroasiarraren penintsula txiki bat besterik ez da, baina lau mende luzez gertaera demografiko, teknologiko eta ideologiko batzuk zirela medio, bazter horretako... [+]
Badakizuenok badakizue, beste gauza asko bezala, euskararen aldeko borrokan ere politikoek, eragile batzuek eta hedabideek beraien antzezlana saldu nahi digutela, benetakoa balitz bezala.
Lehen urtean pozik jaso nuen, "Euskaraldi" hau. Zer edo zer zen, ezer ez zegoela... [+]
Euskarak, mendez mende, zapalkuntza sistematikoa jasan du, eta oraindik ere borrokan dabil egunerokoan bere leku duina aldarrikatzeko. Hizkuntza baten desagerpena ez da inoiz berez gertatzen; planifikazio politiko eta sozialak eragiten du zuzenean. Euskaldunoi ukatu egin izan... [+]