Filosofia derrigorrezko hezkuntzatik desagerrarazi nahi du Espainiako lege berriak
LOMLOE legearen diseinu berria prest du Espainiako Hezkuntza Ministerioak: bigarren hezkuntzan ikasgai gehiago izango dira eta Batxilergoan bost adarren artean aukeratu beharko dute ikasleek –orain hiru dira adarrak–. Bigarren hezkuntzatik Filosofia ikasgaia desagertzen dela-eta, kritikak jaso ditu erabakiak, hainbat ikaslek inoiz Filosofia jaso gabe egingo duelako hezkuntza ibilbidea.
Euskal Herrian, Filosofiaren aldeko apusturik ez
Orain arte bigarren hezkuntzan hautazko ikasgai gisa zuen Filosofia Espainiako legeak, eta derrigorrezkoa zen Batxilergoko lehenengo mailan. Orain hautazkoa desagertzen da eta Batxilergoko lehenengo eta bigarren mailan izango da derrigorrezko, baina gogoratu behar dugu ikasle guztiak ez direla Batxilergora iristen.
Erkidegoko administrazioak hala erabakiko balu, aukera legoke hautazkoen artean Filosofiari lekua egitea, baina Hego Euskal Herrian ez dirudi horretarako asmorik dagoenik, Iñigo Martinez Peña Filosofiako irakasleak azaldu zigunez: “Legeak zirrikituak uzten ditu erkidego bakoitzak nahi izanez gero moldaketak egiteko eta batzuek Filosofiaren aldeko apustua egin dute, baina Hego Euskal Herrian ez. Bestalde, ikaslearen hezkuntza ibilbidean Filosofia ez da existitzen eta bat-batean Batxilerrean agertzen da, parakaidista baten moduan eta gutxi batzuentzat; isolatuta geratu da”.
Itxaropena bazuen Martinez Peñak, Espainiako Gobernuak legearen diseinu berrian Filosofiari lekua egingo ziola, “eta nolabait presionatzea Hego Euskal Herriko gobernuak berdin egitera”, baina ez du norabide hori hartu Madrilek.
Irakasleak berak erantzun zigun zergatik den inportantea filosofia eskolan ematea: “Filosofia da dena ez dakigula onartzearen eta jakiteko dugun gosearen arteko motorra; pertsonon berezko zerbait. Gure galderak, hutsuneak eta ahuleziak elkarrizketa filosofikoan partekatzeak balio politiko interesgarria du, bestela gaur egun ikusten dugun bezala adituek eta kudeatzaile ekonomikoek baino ez dute hitz egiten, beraiek balira bezala jakintzaren jabe. Sokratesek zioen auzitan jarri behar dela boterearen alde dagoen eta jakintza bere esku dagoela dioenaren hitza”.
Ikasgai berriak eta bost adar Batxilergoan
Ikastetxeek Erlijioa eskaintzea derrigorrezkoa izango da, nahiz eta hautazko ikasgai izango den ikasleentzat.
Gainerako aldaketak bitan laburbildu ditzakegu. Bigarren hezkuntzan, ikasgai berriak izango dira (Teknologia eta Digitalizazioa, Formazio eta Orientazio Pertsonal eta Profesionala...). Batxilergoan, gaur egungo hiru adarren ordez (Zientziak, Humanitateak eta zientzia sozialak, eta Arteak), bost adar izango dituzte ikasleek aukeran: Zientziak, Humanitateak eta zientzia sozialak, Arte plastikoak, Arte musikal eta eszenikoak, eta Batxilergo orokorra (arlo humanistikoak eta zientifikoak barne hartuko dituena).
Espainiako Gobernuak planteaturiko legea erkidegoetako gobernuetara iritsi da dagoeneko, kontrastea abiatzeko, baina Madrilek du azken hitza. Hurrengo ikasturte hasieran jarri nahi dituzte martxan aldaketak.
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Eguneroko abiadura itogarritik atera eta eskola-proiektua amesteko, gogoetatzeko denbora hartzea aldarrikatu dute solaskideek, Superbotereak liburua aurkezteko mahai-inguruan. Patxadatsu aritu dira, hain justu, eraldatzeaz, inpotentziaz, ilusioaz, eskola bakoitzak egin beharreko... [+]
EHUko errektoretzarako hauteskundeak irabazi ditu Bengoetxearen hautagaitzak, botoen %63,6 lortuta. Beste taldeak berriz, Eva Ferreirarenak, botoen %36,3 jaso du. Parte hartzea %21,9koa izan da eta gora egin du aurreko hauteaskundeekin alderatuta
Hainbat ikaslek egin dituzte salaketak. Irakasleetako bat sare sozialen bidez ikasleei egindako jazarpenagatik eta sexu proposamenengatik salatu dute. Bigarrena, berriz, ikasgelan izandako jarrera desegokiengatik eta iruzkin sexistengatik. Hirugarrenari dagokionez, ikasleen... [+]
Palestinan genozidio bat burutzen ari den Israelgo estatu eta berarekin batera diharduten enpresa eta erakunde guztiekin eteteko asmoz sortu zen EHU Palestina. Israelen inpunitatea Europan eta Estatu Batuetan dituen harreman politiko, militar, ekonomiko, zientifiko zein... [+]
Esloveniako eskoletan izan duen arrakastari tiraka, Alberdania argitaletxeak Euskal Herriko ikastetxeetara ekarri du Joko Ona Denontzat irakurketa-lehiaketa: DBHko ikasleek “kalitate handiko liburuak” irakurriko dituzte taldeka, eta avatarra aukeratuta, horiei... [+]
Larraulgo eskolan da hitzordua, azaroaren 27an, 17:30ean. 'Superbotereak' liburuaren egile Koldo Rabadan ez ezik, hitzaurrea idatzi duen Nora Salbotx eta hainbat kide izango dira mahaiaren bueltan: Ainhoa Azpirotz (Hik Hasi-ko koordinatzailea), Irati Manzisidor... [+]
Asteartean, hilak 26, egingo dira EHUko errektoretzarako hauteskundeak. Kanpaina nahasia izaten ari da, eta, horren erakusgarri, Joxerramon Bengoetxearen taldeak eskatu izana "ustez Eva Ferreiraren hautagaitzako pertsonek edo ingurukoek egindako ekintzak eta kanpainako... [+]
Askotan gertatu izan zait etxetik lanbroari so egon ostean, blai bukatuko dudala jakin arren, aterkirik ez hartzea. Zergatik ote? Beharbada, aterkia hartzeko gogorik eza? Beharbada, bustiko ez naizen itxaropena? Kontuak kontu, ondorioa beti berbera izan da. Esaerak dio, euri... [+]
Egunik goibelenetan ere, Larraulgo (Gipuzkoa) eskolako ateak ireki orduko irauli egiten da aldartea. Haurreskolako haurrengandik gertu, metro eskasera dago liburutegi-txokoa. Ordenagailuaren parean topatu dugu neskato bat, entzungailuak jantzita, arkatzez idazten eta koadernoari... [+]
19 urte ditu Maddik, Matematika Gradua ikasten ari da Leioan, EHUko Zientzia eta Teknologia fakultatean, musika ikasketak eginak ditu, eta gazteagatik ere, bertsolari iaioa da. Eta bertsolari ona baino hobea izateko zumitzak ditu, bateko eta besteko plazetan ikusi dugunez... [+]
Hezkuntzaren Soziologian bada galdera klasiko bat: zertarako existitzen da hezkuntza sistema gizarte batean? Galderari emandako erantzunak ugariak dira, eta aldatuz doaz garaiaren arabera. Baina horien artean nabarmentzekoak ondoko hauek izan ohi dira: eskolak nagusiki... [+]
Bi ordu edo bi ordu eta erdiz haur eta gazte andana hartzen ditu jantokiaren tarteak eskoletan. Jateko, jolasteko eta elkarbizitzeko espazio horretan jantokiko arduradunak esku hartzeko dituen mugez, jarraitzen diren irizpideez, begiraleen rolaz eta duten formazioaz arituko... [+]
.jpeg)
Azaroak 20an, Haurren Nazioarteko Eguna, ikastetxe sarreretan krespoi belzdun bandera palestinarra eta bi zapata pare jartzea proposatu du hezkuntza arloko ekimen herritarrak. Azaroaren 30etik urtarrilaren 31ra bitartean haur palestinarrentzako elkartasun mezuak jaso eta ondoren... [+]