“Feministok gerraren aurka gaude, edozein lurraldetan, edozein arrazoi edo aitzakiatan”
Bai gerraren aurka, bai horri eusten dion makineria guztiaren aurka borroka egiten duten emakumeak gogora ekarri ditu Armiarma Talde Feminista eta Antimilitaristak. Gerrari eta industria militarrari ezetz esateko, Bilbon elkarretaratzea deitu du astearte arratsalde honetan.
Maiatzaren 24 bakearen eta armagabetzearen aldeko emakumeen nazioarteko eguna dela eta “inolako gerrarik ez babesteko eta horren kausa guztiak ezabatzeko borroka egiteko konpromisoa” berretsi du Armiarmak, “gerrak hiltzen ez duen eta bakeak zapaltzen ez duen gizarte bat eraikitzeko” konpromisoa.
“Gerrak hil eta bortxatu egiten du. Gerrak etxeak suntsitzen ditu, komunitateak apurtzen ditu eta pertsonak deserrotzera behartzen ditu. Gerrak lurraldea eta bertan bizi diren herriak suntsitzen ditu. Gerra indarkeria matxistak maximizatzen diren agertokia da, patriarkatuaren adierazpena eta betikotzea da”, azpimarratu du talde antimilitaristak.
Munduan dozenaka gatazka armatu daudela gogoratu dute (Ukraina, Yemen, Somalia, Afganistan, Txad lakuaren eskualdea, Sudan, Sahel, Etiopia, Afrika Erdiko Errepublika, Mali, Mozambike, Irak, Siria, Myanmar, Kamerun…) eta gerraren testuinguruan gatazkei aurre hartzen eta bakea negoziatzen ari diren emakumeak erdigunera ekarri dituzte: Beltzezko Emakumeak, Feministak Errusian eta beste leku batzuetan, 1980ko hamarkadako bakezale antinuklearrak, Israel-Palestinan Bat Shalom eta Zipren Lerroa gurutzatzen duten Eskuak taldea, Maiatzeko Plazako Ama eta Amama argentinarrak, Guatemalako Alargunen Koordinadora Nazionala edo El Salvadorren Desagertutako Amen Komitea, Hegoafrikako, Ipar Irlandako edo Guatemalako bake negoziazioetan beren ahotsa erabili duten emakumeak, Kurdistango Bakearen Aldeko Amak, gatazka konpontzeko Turkiako amekin lan egiten dutenak, Kolonbiako Emakumeen Bide Baketsua…
Gure lurretan hasten da gerra
Gerra hau gure lurraldeetako arma-industrietan eta gastu militarretara bideratutako inbertsio publikoan hasten dela nabarmendu du Armiarmak eta elkarretaratzea deitu du astearte arratsalde honetan, 19:30ean, Bilboko Arriaga plazan. “Bada garaia armak eta industria militarra amaitzeko, eta bizitza politikaren eta sistemaren erdigunean jartzeko”.
Zerrenda honetan, 2016az geroztik armagintza programaren batean parte hartu duten enpresak sartu ditu Gasteizkoak taldeak, edo militarrentzako produktu espezifikoak garatu dituztenak (ibilgailuak, pinturak, bateriak…). Hego Euskal Herrian sortuak, edo Hego Euskal... [+]
"Ez gaude prest lauzpabost urte barru datorkigunerako. Arriskua ziztu bizian dator guregana. Aurre egin behar diogu: Ukrainan gertatzen ari dena hemen ere gerta liteke” (...) “Errusia, Txina, baina baita Ipar Korea eta Iran ere, gogor ari dira lanean Ipar... [+]
Lehen aldia da Hego Euskal Herriko euskal gehiengo sindikalak armagintza industriaren moldaketaz taldean eta modu publikoan hitz egiten duena. Aurreko hilabeteotan mugimendu antimilitaristak bilera bana egin du lau sindikatuokin, produkzio militarra “sozialki... [+]
Armagintzaren “moldaketa eraldatzailerako” proposamena publiko egin berri du mugimendu antimilitaristak. Conversión de la industria militar en Euskal Herria para no fabricar más guerras (Armagintza industriaren moldaketa Euskal Herrian, gerra gehiago ez... [+]
.JPG)
Lau ardatz nagusiren inguruan egin dute 2024ko azterketa: indarkeria matxista; lurraldea; gerra eta gatazka armatuak; eta eskuin muturra. Euskal Herrian “erresistentziak metatzea” funtsezkoa dela ondorioztatu du Talaia Feministak, eta analisiaren sozializazioaren... [+]
Duela aste pare bat Norvegiako zenbait datu plazaratu ziren. Ipar Europako herrialde hartan auto elektrikoak nagusitu dira, eta Tesla marka dute salduena; energia birziklagarriaz sortutakoa omen da han kontsumitzen denaren %90. Aldiz, Norvegiako enpresa publikoek ez dute inolako... [+]
Larunbatean Irala auzoko koarteleko ekintzarekin, #BotaKuartelak koartela eta armada guztiak desagertzea eskatu du. Gune horiek “benetako mehatxuetatik” babestuko dituen auzorako proiektuetara bideratzeko proposatu dute beste behin ere, hala nola desberdintasunetik,... [+]
Armagintzari loturiko Hego Euskal Herriko “enpresa, zentro edo erakundeak” hirukoiztu egin dira azken hamabost urteetan, Gasteizkoak talde antimilitaristak hurrenez hurren 2008an eta 2024an egindako ikerketen datuek azaleratu dutenez. Aurkeztu berri duten... [+]
Poligonoaren Aurkako Asanbladak deituta, igandean egin duten martxan 300 pertsona inguru izan dira. Tiro praktika eremua kentzeko eskaera izan da aldarri nagusia, baina beste bi gairi lekua egin nahi izan diete beren protestan. Batetik, Palestina eta munduan gerra jasaten ari... [+]
Ezohiko irudia ikusi zen Madrileko Moncloako jauregian martxoaren 18an: estatuko industria militarraren buru nagusiak Pedro Sánchez presidentearekin eta Margarita Robles Defentsa ministroarekin bilduta. Bertan ziren ere Hego Euskal Herriko enpresa militarretako buru... [+]
1997. Aguraingo Intsumiso Eguna. Antimilitarismoak milaka lagun biltzen zituen bere ekimenetan, artxibotik berreskuratu dugun argazki honetan ikusten den moduan. Aurten 30 urte beteko dira Intsumiso Eguna ospatzen hasi zirela.
Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]
Yurii Sheliazhenko Ukrainako Mugimendu Bakezaleko Idazkari Exekutiboa da, eta abuztuaren 15az geroztik preso dute bere etxean. Asteazkenean egin zuten bere aurkako lehen epaiketa eta intsumisioaren aldeko Europako mugimendua bere askatasunaren aldeko kanpaina egiten ari da.