Andaluzian milaka lagun atera dira protestan faxismoaren aurka
Ia 400.000 boz lortu ditu Vox-ek. PSOEk beherakada nabarmena izan du, gehien bozkatu den alderdia izan den arren. Faxismoaren aurkako mobilizazioak izan dira astelehen gauean.
Hauteskundeen biharamunean manifestazio jendetsuak izan dira Andaluziako zenbait hirietan. “Ez dira pasako” eta “gure auzoetatik faxismoa kanpora” lelopean, milaka pertsona kalera atera dira, Vox alderdiaren eta faxismoaren gorakada salatzeko.
Malagan, Sevillan eta Granadan bildu zen jende gehien: 1.000, 2.000 eta 4.000 herritar inguru, hurrenez hurren. Azken honetan gazteenek izan zuten protagonismoa. Ikasleak ziren gehiengoa, eta kaleak errepublikako banderez eta ikur antifaxistez bete zituztela adierazi dute zenbait hedabidek. Granadan kanpaldia abiatu dute.
Sevillan adierazpen eta aldarrikapen esanguratsuak egin zituzten: “Ez ahaztu ordua aldatzea, goizaldeko ordu bietan 1936 izango da” eta “380.000 andaluziarrek Garcia Lorca berriz fusilatzea bozkatu dute”, besteak beste.
Eskuinaren gorakada
Bigarren aldia da, 1982az geroztik, parte hartzea %60tik jaisten dela. 1990an %54k baino ez zuen bozkatu, eta orain %56,6k soilik. Beste behin sozialistak gailendu dira, baina ez gehiengo absolutuarekin; 400.000 boz galdu dituzte. Gobernua osatzeko akordio posiblea hiru alderdi eskuindarren artekoa izatea aurreikusten da: PPk 26 eserleku eskuratu ditu, Ciudadanosek 21 eta Vox alderdi ultraeskuindarrak 12. Gehiengoa lortzeko 55 eserleku behar dituzte, eta hiru hauek elkartuz gero 59 izango lituzkete.
Aurreikuspen guztiak gainditu zituzten igandeko hauteskundeetako emaitzek. Susana Diazen gobernuak beherakada izango zuela espero zitekeen, baina ezin zen inola ere aurreikusi 400.000 boz galtzea. Dena dela, gehien bozkatutako alderdia izaten jarraitzen du PSOEk, eta Diaz gobernua osatzen ahaleginduko da. “Boto asko galdu ditugun arren ez dut kargua utziko; andaluziarren gehiengoa ordezkatzen dut”, adierazi du Susana Diazek.
Luego dirán que somos pocos... #Granada #MVTAndaluzasUltraVOX #FuturoAndalucíaARV pic.twitter.com/NbUqJISeqI
— Aitor Valera (@drums20) December 3, 2018
Sevilla, en estos momentos frente al Parlamento de Andalucía. #2D pic.twitter.com/q8U6V7UYHY
— Nacho Tudela (@itudela) December 3, 2018
Rectorado de la Universidad de Sevilla. Justo ahora #AndaluciaAntifascista pic.twitter.com/RXuOtvzfgf
— Javi ψπ (@JavierSpike) December 3, 2018
Atxuriko irakasle eta ekintzaile batek uko egin dio akordioari kontzientzia arrazoiak direla eta. Voxek bost urteko kartzela-zigorra eskatzen du auzokidearentzat, Fiskaltzak aldiz zazpi hilabeteko espetxe-zigorra hauteskunde-delituagatik eta hiru hilabeteko isuna mehatxu... [+]
Duela bost urte Bilboko Atxuri auzoan Voxen diskurtsoaren aurka mobilizatu ziren bederatzi gazte epaituko dituzte. Goizean bildu dira Bilboko Probintzia Auzitegiaren aurrean zenbait kide, akusatuen absoluzioa eskatzeko eta faxismoaren gorakada salatzeko.
Hainbat eragile antifaxista eta antirrazistak antolatuta, Lo que no te cuentan de Donosti (LQNTCDD) taldearen kontrako elkarretaratzea antolatu dute, datorren astelehenean 20:00etan, Amarako Easo plazan. Telegram kanal horretatik, leku horretan deitua dute asteroko... [+]
Voxek lau eta zortzi urte arteko zigorrak eskatzen ditu haientzat. 2019an, faxistek jarritako propaganda-postu baten harira egin zuten protesta.
Bederatzi lagun epaituko dituzte azaroan, Bilboko Atxuri auzoan Voxen aurka protesta egiteagatik. Gorroto-delitua egozten diete “Voxen hauteskunde-ekitaldi bat oztopatzeagatik”. Fiskaltzak zazpi eta hamalau hilabete arteko espetxe zigorrak eskatzen ditu, eskuin... [+]
Azken egun hauetan, "Faxistak kanpora!" lelopean EHUko Zuzenbide fakultatean eramandako borroka antifaxistaz hitz egin dugu anonimotasuna atxiki nahi izan duen ikasle batekin. Sare sozialetan frankismoa goraipatzen eta mezu xenofobo, matxista eta homofoboak zabaltzen... [+]
Orgullo Cazurro talde faxistako kide bati kontra egin zion atxilotuak, eta bideo batean jaso zuen hori. Guardia Zibilak atxiki du berriki, eta badirudi "gorroto-delitu bat" egotzi diola.
Sindikatuek eta Alda elkarteak deituta karrikara atera dira herritarrak eskuin muturraren gorakada salatzeko.
Larunbaterako 11:00etan jarri dute hitzordua Baionako geltoki aitzinean sindikatuek. Deialdiari juntatu dira beste elkarte, kolektibo zein alderdi zenbait ere, tartean, Cimade edota Alda elkarteak.
Frantziako Estatuan zein Ipar Euskal Herrian RN Batasun Nazionala eskuin muturreko alderdia lehen indar atera izanari erantzuteko manifestazioa egin dute Baionako karriketan gaindi, oihu eta txistu artean.
Iazko uztailean eraso zion faxista talde batek, labanaz. Orain, erasotua izan zen pertsona horri jarri diote 600 euroko isuna, faxistetako bati aurre egitea leporatuta.
Loiolako kuartelen salerosketa behingoz sinatuta, udalak auzune berri bat sortuko du han. Beste esku hartze batzuen artean, kuartelen eta Loiolaren arteko zubia botako dute, ibaiarentzako oztopo bat delako. Aurretik, ordea, komeni zubi esanguratsu horren historia errepasatzea.
Idazle frantziarrak Euskal Herriaren askapenarekiko abegikortasun handia zuen. Nazismoaren biktima izan zen, eta Marokoko erregimenaren indarkeriak argitara ematen erreferentea. Normandiako bere etxean hil da, 92 urterekin.