“Fardelkada” Iruñean haur eskoletan euskarazko murgiltze ereduaren alde
Haur Eskolak Euskaraz plataformak deituta, herritar talde batek protesta egin zuen otsailaren 2an Nafarroako Legebiltzarraren aurrean, Iruñeko Udalak hiriaren haur eskoletan euskararekin duen jarrera baztertzailea salatzeko.
Haurren fardelak utzi zituzten asteazken arratsaldez Sarasate pasealekuan, Iruñeko Udalak hartutako erabakiak diren arren, Nafarroako Gobernuaren Hezkuntza Departamentuak duelako Iruñeko haur eskolen hizkuntza eredu banaketa onartzeko eskumena.
2022-2023 ikasturterako egindako plangintzan, UPNk gidatutako Iruñeko Udalak 1.069 plazetatik 130 bakarrik dira euskarazko murgiltze eredukoak (%12); eta beste 129 plazek ere euskara izango dute (%12), baina ingelesezko jarduerekin.
Plataformatik salatu dutenez, gainera, gobernuaren Hezkuntza Sailak zuzenean kudeatzen dituen haur eskoletan, proportzioan Iruñeko Udalak eskaintzen dituenak baino euskara plaza gutxiago dauzkate eta ez dute euskarazko murgiltzerik eskaintzen. “Hori gutxi balitz –gaineratu dute– Iruñeko Udalaren haur eskolen banaketa proposamen euskarafoboari oniritzia eman izan dio orain arte”.
Mobilizazioan talde parlamentariei eta Foru Gobernuari “mespretxu hau ez onartzea” exijitu zieten: “Nafarroako Gobernuarentzat, gaztelaniazko murgiltzea zilegi da, euskarazkoa ez, hori segregatzailea omen da. Hamar gaztelaniazko murgiltze eredu dauden bitartean, bakarra dago euskaraz. Estrategia garbia da, euskararen transmisioa oztopatzea 'bizikidetza-eredu' edo eredu misto batzuk jarrita. Iruindarrok ezin dugu gutxiespen hori onartu. Bizikidetza eredu bakarra euskarazko murgiltze eredua da. Horrek bakarrik ahalbidetzen baitu Nafarroako bi hizkuntzak menperatzea. Euskara gure eskubidea da eta babesa behar du, eta beste gauzen artean, murgiltzea beharrezkoa da”.
Egoera horren aurrean, plataformak eskatzen du Lezkairu eta Mendebaldea auzoetako haur eskola berriak euskarazko murgiltzean izan daitezela.
Hamabi haur eskola publiko daude Iruñean, eta horretatik bakarrean dago euskarazko eredua. Protesta egin dute dozena bat eragilek, eta euskal hiztunen “egoera berezia” aintzat har dezan galdegin diote udalari.
“Ez da posible hiri guztia zeharkatu behar izatea seme-alabak hemengo jatorriko hizkuntzan murgiltzeko” salatu dute guraso askok. Euskarazko plazak ere “oso urriak direla” salatu dute familia askoren artean eginiko bideoan.
Hilaren 29tik aurrera Sortzen Guraso Elkarteak Jauzi.eus bilatzailea martxan jarriko du. Xedea da euskararen normalizazioa bultzatzeko dagoeneko eskaintzen den aisia atari digital bakarrean biltzea.
Iruñeko Euskalgintza plataforman bildutako eragileek egin dute deialdia. Hiriburuan dauden hamasei haur eskoletatik batean eskaintzen da euskarazko murgiltze eredua. Iruñeko Udalari eta Nafarroako Gobernuari eskatzen diote auzo bakoitzean murgiltze ereduko haur... [+]
Inoiz baino jende gehiago bildu da Iruñerriko III. Mintzodromoan. 180 pertsona inguru aritu dira euskara praktikatzen eta sare euskalduna zabaltzen.
Iruñeko zein Antsoaingo udaletan EH Bildu dago. Herritar batek errekurtso bat jarri du Antsoaingo Udalean, eta ez dutenez errekurtsoa onartu, Nafarroako Administrazio Auzitegira jo du.
Iruñeko auzo guztietako haur eskoletan murgiltze eredua ezartzeko eskatu dio euskalgintzak udalari. Horrez gain, salatu du duela 35 urteko egoera berean daudela.
Maiatzaren 9an atera dira aurrematrikulen zerrendak, eta Haur Eskoletako Gurasoak elkarteak salatu du Iruñeko Udalak %20ra “mugatu” duen euskarazko eskaria izatez %35,2koa dela. Gainera, azpimarratu dute euskara ezin dela neurtu eskaintza-eskaria... [+]
Hiriko errepideak “oztopatuko” lituzkeela argudiatuz Korrika iragartzen duen haurren Korrika txikiari trabak jarri dizkio Iruñeko Udalak, haurrei, musikariei eta erraldoiei errepidetik ibiltzea ukatuz.
Iruñeko Euskalgintzak azaldu duenez, hirian dauden 12 udal haur-eskoletatik bakarra dago euskaraz murgiltze ereduan: "Horrek esan nahi du eskola horietan eskainiko diren 1.069 plazetatik 130 bakarrik izango direla euskaraz (%12'16a)". Eskaintza murritz hori... [+]
2022-2023 ikasturterako eskaini dituzten 1.069 plazetatik soilik 130 dira murgiltze eredukoak. Beste 129 plazek euskaraz gain ingelesezko jarduerak ere izango dituzte. Haur Eskolak Euskaraz plataformak eta EH Bilduk salatu dute Navarra Sumak euskarari egindako beste eraso bat... [+]
Iruñerrian 'Parkean euskaraz' egitasmoa abian da. Heldu eta haur euskaldunak astero biltzen dira auzoan edo herrian elkarrekin euskaraz hitz egiteko. Helburua haurrek haien artean euskaraz egitea da eta horretarako guraso, senide edo lagun helduak eredu izatea da... [+]
Goiz osoko festa izan zuten larunbatean, eta Iruñeko euskaldunen komunitatearentzako elkargunea izango den Gazteluko plazako lokala erakutsi zuten.
Bi eta sei urte bitarteko umeei eta beren familiei zuzendutako egitasmoa da. Astean behin, zazpi auzotako parkeetan elkartuko dira jolasak eta beste hainbat ekintza egiteko. Izen-ematea zabalik dago irailaren 23ra arte.
