“Fantasiaz” beteko da Durangoko Azoka 58. edizioan
Abenduaren 6tik 10era bitartean Fantasia DA! lelopean ospatuko da euskal kulturaren aldeko urteroko ekimena. Kartel berria ere aurkeztu dute antolatzaileek, Ximon Agirre hernaniarraren eskutik.
58. edizioa beteko du Durangoko Azokak datorren abenduaren 6tik 10era. Fantasia DA! lelo berria ez ezik, aurtengo kartela ere aurkeztu dute Landakon eginiko prentsaurrekoan. Ximon Agirre (Hernani, 1994) izan da aurtengo kartelaren egilea. Antolatzaileen nahia euskal kulturari “bultzada” ematea dela adierazi du Gerediaga elkarteko presidente Nerea Mujikak: “Durangoko Azoka jendetsua eta aberatsa izatea da gure fantasia”. Aurtengo leloaren zergatia ere azaldu du: “Fantasia da sortzaile berrien ilusioa, liburuen usaina, diskoen kolorea, kulturzaleen irribarrea, boluntarioen lana, aspaldi ikusi gabeko lagunekin topatzea, sormen bakoitzaren istorioan dagoen magia, jende alaiaren berbaroa, bizigogoa, kulturaren beroa”.
Azoka “euskal kulturaren ezinbesteko hitzordua” bilakatu dela nabarmendu dute antolatzaileek: “Hasierako bultzatzaileen amets, fantasia hura errealitate bihurtu zen”. Mujikak azpimarratu du “denetariko eskaintzak” eta “emozioa eta fantasia” nabarmenduko direla aurten: hitzaldiak, musika, solasaldiak, proiekzioak, tailerrak, liburuak... Bestalde, Gerediagako koordinatzaile Beñat Gaztelurrutiak gogorarazi du egitarauaren inguruko proposamenak egiteko aukera zabalik dagoela urriaren 15era arte, www.durangokoazoka.eus webgunean.
Prentsaurrekoan parte hartu dute azokako gune ezberdinetako arduradunek: Miren Narbaiza (Ahotsenea), Irati Agorria (Irudienea), Diana Franco (Kabia), Martxel Zubia (Saguganbara), Arantza Arrazola (Szenatokia) eta Oihane Agirrek (Azoka Telebista), baita erakunde kolaboratzaile zein babesleen ordezkariek ere.
Aurten aurrez aurreko azokaren aldeko apustua egin dute antolatzaileek. 2020az geroztik online azokaren aukera mantendu dute, baina aurten presentzialtasuna lehenetsiko dute. Gaztelurrutiak adierazi du online ereduaren leihoa “itxi” egingo dutela, oraingoz behintzat: “Pertsiana guztiz bota barik; izan ere, etorkizunean horren premia egonez gero, egoerara egokitzeko adi egongo gara”.
Kartel koloretsua, 3Dn
Ximon Agirre (Hernani, 1994) da aurtengo kartelaren egilea. Artista hernaniarrak hainbat lan egin ditu musika talde ezagunekin, eta ilustrazioan, bideogintzan eta animazioan aritu da. Agirreren hitzetan, Durangoko Azoka “kulturaren erakusleiho handi bat” denez, “ilusio handiz” jaso zuen proposamena. “Kartelaren ideia nagusia mundu propio bat sortzea izan da, azokaren ohiko elementuak (liburuak, musika, bideogintza, teknologia berriak...) pertsonaia fantastikoekin uztartuz, kolore alai eta saturatuekin”, adierazi du. Errealitate birtualaren “askatasunaz” baliatu nahi izan du Agirrek kartela egiteko: “Hasieratik argi nuen 3Dn egin nahi nuela, gero mundu horren barruan sartu ahal izateko”. Kartelaren bidez Durangoko Azokaren “festa izaera” bistaratu nahi izan du artistak.
Mila lan egitetik bizi dira, sarri, marrazkilari eta ilustratzaileak. Ezaguna da sektorearen aspektu hori. Prekarietatea deitu ahal zaiona nagusiki; ikusezina izatea ere bai. Paula Estévez (Donostia, 1984), esaterako, ARGIAn ikusi izan dugu azken bost urteotan, sarri... [+]
Milaka eta milaka euskaltzale eta euskal kulturaren zale elkartu dira Durangon asteburu luzean, ondo asko egonkortua den urteroko hitzorduan. Sartzeko itxaronaldiak, ordubeterainokoak, euripean... Kultur-gosez egon da jendea. Eta asebeteko ziren, halaxe sumatu baita postuen... [+]
Salto batez jaiki da ohetik, pelikula txutxi-flower batean balego bezalaxe. Gelatik irten, sukaldera joan, amari muxu potolo bat eman eta dutxan sartu da, Deus ex machina kantua hartuta soinu-banda modura. Aurora borealak entzuten ditu letran, baina, egiazki, letraren fabulari... [+]
Oraindik ere ondo gogoan du amak nola esan zion atzo: “Iraitz, segiozu ohera, badela garaia. Eta utzi mugikorra, itsutu egingo zara-eta!”.
Nola ez, amak arrazoi. Gaurko betzuloek ez dute barkatzen. Ez du begirik bildu gauean. Ohean buelta eta buelta, maiz... [+]
Abenduaren 5ean ikasleei eta irakasleei zuzendutako tailer, hitzaldi eta ikuskizunak izango dira azokan. Dinamiken bidez sortzaileak ezagutu eta eurekin harremanetan jartzeko moduko aukera ere izango da. Edukiera guztia bete da jada ikasle goizerako. ARGIAk eskaintza zabala... [+]
Egotea egitea da. Hala dio aurten Durangoko Azokak, eta egia da, azokaren beraren kasuan behintzat eta Euskal Herria aintzat hartuta. Dagoeneko 59. azoka da aurtengoa, eta urtero egote hutsak frogatzen du euskara, euskal kultura, euskal nazioa egiteko modua dela Durangoko... [+]
Jakoba Errekondo eta Garbiñe Larrea han izango dira, baita Haziak liburuko egileak ere. Superbotereak hezkuntza liburua, Abentura erraldoia komikia... eta, jakina, Inor ez da ilegala-ren postutxoa ere ipiniko du ARGIAk. Aurtengo beste nobedadea: denda fisikoa Andra Mari... [+]
Azken 15 urteetan dugun Internetak hartu duen bilakaera ikusita, duen eredu teknologiko eta negozio ereduari lotuta, gizatasunaren alde txarrenak areagotzeko tresna dela pentsatu dezakegu. Ideia horrekin konforme ez dauden eragileak sortu dira mundu osoan zehar. Honako... [+]
Durangoko Azokaren alor digitala da Kabi@ espazioa eta egitaraua. Aurtengo edizioan, abenduaren 5ean eta 6an izango dira Kabi@ko ekitaldiak, Azokaren lehen bi egunetan (gero 8ra bitartean iraungo du). Ekitaldiak banatuko dira Durangoko Bizenta Migel Liburutegiaren eta Landako... [+]