Familien %36k euskaradun ereduak nahi dituzte Iruñeko haur eskoletan, udalaren inkestaren arabera
Egun haurren %36 ari dira euskarazko ereduan. Navarra Sumak iragarritako aldaketekin, ordea, euskarazko plazen eskaintza %14ra jaitsiko litzateke. Oposizioak hilabeteak zeramatzan inkestaren emaitzak eskatzen, eta Maia alkateak alarma egoeraren erdian plazaratu ditu.
Martxoaren 6an, Iruñeko Udalbatzak Hezkuntza, Kultura eta Herritarren Parte Hartze zinegotzi Fernando Sesma erreprobatu zuen, EH Bildu, Geroa Bai eta PSNren botoekin. Hiru taldeok haserre azaldu ziren Sesmarekin, ez zizkielako argitzen haur eskoletako hizkuntza ereduen inguruko inkestaren emaitzak. Navarra Sumak datuok orain ezagutaraztea erabaki du, alarma egoeraren erdian, eta Enrique Maia alkateak koronabirusa pairatu ondoren lanean hasi eta berehala.
Zenbait hedabidek diote inkestaren arabera familien %22k nahi dutela euskarazko eredua. Haatik, hori ez da egia osoa. Galdekatutako familiek egungo hiru ereduen artean hautatu beharko balute, %66k eginen lukete gaztelania eta ingelesaren alde; %22k euskararen alde; eta %7k gaztelaniaren alde. Baina esan gabe doa hautu horietan distortsio handia eragiten duela egungo ereduetan badagoela ingelesa eta gaztelania uztartzerik; ez, ordea, ingelesa eta euskara.
Eredu aukera zabalduz gero, erantzunak bestelakoak dira: sendien %55ek gaztelania eta ingelesa nahi dute; %13k, euskara soilik; %10ak, euskara eta ingelesa; %8k, gaztelania eta euskara; %5ek ingelesa, euskara eta gaztelania; %6k gaztelania soilik; %2k beste aukera batzuk; eta %1ek ez du adierazi zein hizkuntza eredu nahiko lukeen. Gauzak horrela, inkestaren arabera, euskara duten ereduak nahi dituzten familiak %36 dira. Ñabardura adierazgarri bat: inkestan euskararik gabeko gaztelania eta ingelesdun ereduaren alde gehien egiten dutenak haurrak jada haur eskola pribatu batean dituzten sendiak dira: %77.
Egun, hain zuzen ere haur eskoletako familien %36k daramate haurra euskarazko eredura; %36k gaztelania eta ingelesa uztartzen dituenera; eta %28k gaztelania hutsezko eredura. Halaber, egun, Iruñeko 10 udal haur eskolek 941 haur dauzkate. 301 daude itxaron zerrendan. Horien %28 euskarazko eredurako, eta %72 gainontzekoetarako.
Haatik, Navarra Sumak haur eskoletan iragarri dituen aldaketak gauzatuko balira, euskara duten ereduen eskaintza %14ra jaitsiko litzateke. 2016-2017 ikasturtean, aurreko udal aginte taldeak euskarazko eredua ezarri zuen Donibane eta Printzearen Harresi haur eskoletan. Eta, hartara, euskarazko haur eskolak hamarretik bi izatetik hamarretik lau izatera igaro ziren. Epaileek erabaki horren aurka ebatzi dute, Nafarroako Gobernuaren onespena ez zutelakoan. Eta ebazpen horri helduta, Maiak iragarri du aldaketotan atzera eginen duela, bi ikasturte barru euskarazko haur eskolak hamarretik bat eta erdi izan daitezen. Udalbatza, alta, kontra dauka.
Mercatec enpresak urtarrilaren 29tik otsailaren 12ra egin zuen inkesta. 1.000 galdeketa egin zituen, 0 eta 3 urte arteko haurrak dituzten familien artean. Erroldaren arabera, Iruñean adin horretako 6.464 haur daude 0 eta 3 urte artekoak, 5.531 familiatan.
“Ez da posible hiri guztia zeharkatu behar izatea seme-alabak hemengo jatorriko hizkuntzan murgiltzeko” salatu dute guraso askok. Euskarazko plazak ere “oso urriak direla” salatu dute familia askoren artean eginiko bideoan.
Hilaren 29tik aurrera Sortzen Guraso Elkarteak Jauzi.eus bilatzailea martxan jarriko du. Xedea da euskararen normalizazioa bultzatzeko dagoeneko eskaintzen den aisia atari digital bakarrean biltzea.
Iruñeko Euskalgintza plataforman bildutako eragileek egin dute deialdia. Hiriburuan dauden hamasei haur eskoletatik batean eskaintzen da euskarazko murgiltze eredua. Iruñeko Udalari eta Nafarroako Gobernuari eskatzen diote auzo bakoitzean murgiltze ereduko haur... [+]
Inoiz baino jende gehiago bildu da Iruñerriko III. Mintzodromoan. 180 pertsona inguru aritu dira euskara praktikatzen eta sare euskalduna zabaltzen.
Iruñeko zein Antsoaingo udaletan EH Bildu dago. Herritar batek errekurtso bat jarri du Antsoaingo Udalean, eta ez dutenez errekurtsoa onartu, Nafarroako Administrazio Auzitegira jo du.
Iruñeko auzo guztietako haur eskoletan murgiltze eredua ezartzeko eskatu dio euskalgintzak udalari. Horrez gain, salatu du duela 35 urteko egoera berean daudela.
Maiatzaren 9an atera dira aurrematrikulen zerrendak, eta Haur Eskoletako Gurasoak elkarteak salatu du Iruñeko Udalak %20ra “mugatu” duen euskarazko eskaria izatez %35,2koa dela. Gainera, azpimarratu dute euskara ezin dela neurtu eskaintza-eskaria... [+]
Hiriko errepideak “oztopatuko” lituzkeela argudiatuz Korrika iragartzen duen haurren Korrika txikiari trabak jarri dizkio Iruñeko Udalak, haurrei, musikariei eta erraldoiei errepidetik ibiltzea ukatuz.
Iruñeko Euskalgintzak azaldu duenez, hirian dauden 12 udal haur-eskoletatik bakarra dago euskaraz murgiltze ereduan: "Horrek esan nahi du eskola horietan eskainiko diren 1.069 plazetatik 130 bakarrik izango direla euskaraz (%12'16a)". Eskaintza murritz hori... [+]
Haur Eskolak Euskaraz plataformak deituta, herritar talde batek protesta egin zuen otsailaren 2an Nafarroako Legebiltzarraren aurrean, Iruñeko Udalak hiriaren haur eskoletan euskararekin duen jarrera baztertzailea salatzeko.
2022-2023 ikasturterako eskaini dituzten 1.069 plazetatik soilik 130 dira murgiltze eredukoak. Beste 129 plazek euskaraz gain ingelesezko jarduerak ere izango dituzte. Haur Eskolak Euskaraz plataformak eta EH Bilduk salatu dute Navarra Sumak euskarari egindako beste eraso bat... [+]
Iruñerrian 'Parkean euskaraz' egitasmoa abian da. Heldu eta haur euskaldunak astero biltzen dira auzoan edo herrian elkarrekin euskaraz hitz egiteko. Helburua haurrek haien artean euskaraz egitea da eta horretarako guraso, senide edo lagun helduak eredu izatea da... [+]
Goiz osoko festa izan zuten larunbatean, eta Iruñeko euskaldunen komunitatearentzako elkargunea izango den Gazteluko plazako lokala erakutsi zuten.
Bi eta sei urte bitarteko umeei eta beren familiei zuzendutako egitasmoa da. Astean behin, zazpi auzotako parkeetan elkartuko dira jolasak eta beste hainbat ekintza egiteko. Izen-ematea zabalik dago irailaren 23ra arte.
