Familia bat ur-hornidurarik eta erroldarik gabe ditu Gasteizko Udalak, auzotarrek salatu dutenez
Gasteizko Alde Zaharreko etxe abandonatu batean bikote bat bizi da, hiru alabarekin. Udalak ez ditu erroldatu eta, beraz, oinarrizko eskubiderik eta baliabiderik ezin dute eskuratu. Legearen kontra, Udalak ur-hornidurarik gabe utzi dituela ere salatu du Auzoan Bizi elkarteak.
"Erroldarik ez izateak eskubiderik ez izatea dakar, administrazioarentzat ez baitzara existitzen", diote Gasteizko Alde Zaharreko auzo elkartetik: errolda izatea ezinbestekoa da osasunerako eskubidea izateko, zerbitzu publikoak erabiltzeko, boto-eskubiderako, elikadura eta etxebizitzaren inguruko laguntza eta prestazioak lortzeko, egoera administratiboa erregulatzeko, haurren hezkuntza eskubidea bermatzeko… Udalak errolda oztopatuta duela salatu eta familia guztia berehala erroldatzeko eskatu dute auzokideek.
"Etengabe errepikatzen" den zerbait dela gaineratu du Auzoan Bizi elkarteak: norberaren bizilekuan erroldatzeko oztopoak jarri ohi dituela udalak, "baldintza oso zailak betetzeko eskatuz"; eta erresidentziarik ez duten pertsonen kasuan ere errolda ezin lortzeak beraien egoera administratiboa erregulatzeko lehen urratsa blokeatzen duela.
Urik gabe, baliabiderik gabe, eta negua gertu
Fatima, Budia eta hiru alabak urik gabe daudela ere azpimarratu du elkarteak, eta gogoratu du legeak debekatu egiten duela egoera zaurgarrian direnei hornidura moztea abenduaren 31 baino lehen. Kontua da, burokraziaren jokoan harrapatuta geratu dela familia: "Udalak, familiaren errolda oztopatuta, uko egin dio familiari estatus burokratiko ‘zaurgarria’ esleitzeari, nahiz eta administrazioak berak sortutako estatusa izan".
Negua hurbiltzen ari den honetan, baldintza oso kaskarreko etxebizitza batean hornidurarik eta eskubiderik gabe daudela salatu du Auzoan Bizik. Gasteizko Udalari errolda eta ur-hornidura eskatu dizkio familiarentzat; "gure baliabide guztiak erabiliko ditugu hori lortzeko".
Donostian, 300 pertsona baino gehiago “pobrezia eta muturreko bazterkeria egoeran” bizi direla salatu dute Kaleko Afari Solidarioak (KAS) eta Hiritarron Harrera Sarea taldeek. “Michelin izarrak dituzten zortzi jatetxe dituen hirian eta Basque Culinary Center... [+]
181 milioi haur inguru bizi dira egoera larrian eta gobernuz kanpoko erakundeak dio hilgarria izan daitekeen desnutrizio-motaren bat jasateko %50 aukera gehiago dutela. Desberdintasunak, gatazkak eta krisi klimatikoa dira arrazoi nagusiak.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]
Populazioaren %10,9 bazterkeria egoeran dago, eta %14,5 arriskuan, biak Espainiako Estatuko daturik txikienak Arope tasaren arabera, Unai Hualde Foru Legebiltzarreko lehendakariak azpimarratu duenez.
2022an, egoera hori jasaten zuten ia hogei milioi haur eta nerabe zeudela kalkulatu du Eurostatek. Espainiako Estatuak Europar Batasun osoko hirugarren markarik altuena du, %32,2koa.
Etxerik gabeko pertsonen aldeko eta bizileku-bazterketaren aurkako BesteBi plataformak, azken asteetan Santurtzin eta Bilbon hil diren etxerik gabeko emakume eta bi gizonen heriotzak salatu ditu.
Iruñeko Arrotxapea auzoko Plazaolako tunelean aurkitu dute astelehenean 44 urteko gizonezkoaren gorpua. Martxoan Jesus eta Maria aterpetxea itxi zuten eta zazpi elkartek salatu egin zuten. Iruñean gutxienez 40 lagunek egiten dute lo kale gorrian urte osoan.
EAEko parlamentuan aurrera egin du Inklusiorako eta Diru Sarrerak Bermatzeko Euskal Sistemaren lege aldaketak. Badago zer aztertu legearen eztabaidak, aldaketa egiteko ezker zein eskuin egin den akordioak, eta legeak ekartzen dituen berrikuntzak izan duten oihartzun eskasari... [+]