Haur jaioberria duen familia bat etxegabetze arriskuan dagoela salatu dute Gasteizen
Alokabidek gutxienez sei etxegabetze prozesu ireki dituela salatu du Gasteizko Etxebizitza Sindikatuak. Horietako bat uztailaren 18an izanen da.
Alokabideren iruzur baten biktima izandako familia bat etxegabetzeko arriskuan zegoela salatu zuen Gasteizko Etxebizitza Sindikatuak duela hilabete. Sindikatuak etxegabetzea atzeratzea lortu bazuen ere, iragarri dute uztailaren 18an, goizeko 10:30ean familia etxegabetuko dutela. Dei egin dute egun eta ordu horretan, Salburua bulebarreko 64 zenbakira joan, eta elkartasuna adieraztera.
Bertan, bi hilabeteko haur bat daukan familia bat bizi da. Sindikatuak azaldu duenez, web orri batean iragarrita aurkitu zuten etxebizitza, eta 2.000 euroko ordainketa egin zuten: “Ordaindu ostean, familiak jakin zuen iruzur egin ziotela etxegabetze demanda jaso zuenean”. Gaineratu dute egoera “zaurgarrian” egon arren, “alternatibarik gabe” bota nahi dituela Alokabidek.
Sindikatuak azaldu dudezn, Espainiako Etxebizitza Legeak dionez, horrelako egoeretan, protokolo bat martxan jarri, eta gizarte zerbitzuak automatikoki aktibatu beharko lirateke etxegabetzea aztertzeko: “Sindikatura heldu diren kasu guztietan, ez Alokabidek, ez epaitegiek, ez diete gizarte zerbitzuei egoeraren berri eman”. Hori beharrean, familiaren egoerari “entzungor” egiten diotela eta “arduragabekeriaz” jokatzen dutela salatu dute: “Familiek kontraturik ez duten kasuetan, Alokabidek zuzenean prozedura judizialetara jotzen du, barne protokoloa aktibatu gabe”.
Etxegabetzen %20,6 erakunde publikoen eskutik
Sindikatuak salatzen duena ez da kasu isolatu bat; pertsona ugariri eragiten die. Euskal Herriko Etxebizitza Sindikatu Sozialistak emandako datuen arabera, Alokabidek 2023an 80 etxegabetze-demanda abiarazi zituen eta 50 etxegabetze gauzatu zituen; horietatik 21 Araban. Horregatik, esan dute Alokabide bezalako erakunde publikoek ez dutela “inongo” borondaterik pertsona horien egoerei irtenbide “duin” bat emateko: “Alokabideren etxebizitzetan bizi diren pertsona gehienek egoera ekonomiko ezkorra dute”.
Sindikatuak duela gutxi ateratako 2023-2024 ikasturteko balantzearen arabera, 1.055 pertsonari aholkua eman dio azken ikasturtean. Ondorioztatu du etxegabetze kasuen %20,6 erakunde publikoek, Alokabide kasu, agindutakoak direla.
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Lau hilabeteko eta lau urteko bi ume dituen familia bat etxetik bota dute astelehen goizean Bilbon. AZET Etxebizitza Sindikatua azken egunotan etxegabetzea bide judizialetik geldiarazten saiatu bada ere, astelehen goizean bota ditu poliziak etxetik. Manifestazioa deitu dute... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Iruzur baten biktima izan da emakume bat, eta horren ondorioz bota nahi dute bere etxetik. Kaleratzeari aurre egitera deitu du Uribe Kostako Etxebizitza Sindikatu Sozialistak: asteartean, 09:00etan, Astrabuduako Aldaieta Bideko 7. zenbakian elkarretaratuko dira.
Berakah fundazioa “baliabiderik ez duten pertsonei laguntzeko” sortua bada ere, aurten familia bat baino gehiago kalean utzi du. Urriaren 31n izan da azken etxegabetzea, Gasteizko familia bat kaleratu dute parrokoak etxegabetze demanda firmatu ostean.
Etxea uzteko agindua zuen gaurko emakume batek Artikaberrin eta momentuz bertan behera gelditzen dela jakinarazi du Iruñerriko Etxebizitza Sindikatu Sozialistak. "Emakumearen abokatuak atzo jaso zuen deia epaitegitik eta ebazpenaren berri eman zioten", azaldu du... [+]
Alfaro kontseilariak “aurreko hamarkadetako politika espekulatiboak” kritikatu ditu eta kolaborazio publiko-pribatuaren aldeko apustua egin du Foru Legebiltzarrean. Helburu gisa jarri du Europa erdialde eta iparraldeko datuetara heltzea. Etxebizitzaren esparruan lan... [+]
Poliziak hiru pertsona etxegabetu ditu asteartean Alde Zaharrean, eta protesta egiten ari zirenen kontra jo du.
Zaurgarritasun ekonomikoaren baldintzak betetzen dituzten arren, Santander bankuak ordainketak epe batez etetea ukatu die bi familiei.
Alokabideri, Gasteizeko Udalari eta Gizarte Zerbitzuei konponbide bat bilatzeko exijitu die Auzoan Bizi Etxebizitza Sareak. Eusko Jaurlaritzarena da etxebizitza.
Fuera Okupas desokupazio-enpresa gutxienez bi aldiz joan da haiek jazartzera. Gaur Bilboko Udaltzaingoa eta Ertzaintza bertaratu dira, eta eraikinetako batean sartu dira: pertsona bat kanporatu eta atxilotu dute.
SAREBek egin nahi zuen etxegabetzea geldiarazteko eta alokairu soziala lortzeko hilabetetan borrokan aritu ondoren, Haritu Elkarlaguntza Sareak iragarri du “mobilizazioari, presio sozialari eta antolakuntzari esker” familiar honentzat alokairu soziala lortu dela.