Gernikako Eztenak salatu du beste desalojo ilegal baten saiakera izan dela larunbateko erasoa
Larunbat gauean zenbait gizon Bloke Naranjara sartu ziren, indarrez. Prentsaurreko baten bidez, Eztenak salatu du proiektuaren eta birjabetutako espazioaren aurkako eraso hau beste desalojo ilegal baten saiakera izan dela. Bi kide identifikatu zituen Ertzaintzak.
Larunbat gauean Eztena proiektua kokatzen den Bloke Naranjaren kontrako eraso baten berri eman dute Gernikako (Bizkaia) Eztenako kideek. Izan ere, bi gizonezko eraikinera sartu ziren, “indarrez”, eta bertan miaketak egin zituzten. Horren aurrean, hainbat izan ziren proiektua defendatu asmoz eraikinera bertaratu zirenak.
Beranduago jakin genuen beste bi gizonezko ere agertu zirela eraikinera eta aurreko biekin batera bertan bildutakoen aurka egin zutela. Hain zuzen ere, "eraikinera sartzeko mehatxuak" egin zizketen bertan zeudenei; gazteak, baina, atea barrutik itxi eta gizonezkoekin hitz egiten ahalegindu ziren, “egoera baretu asmoz”. Ertzaintzak bi kide identifikatu zituen.
Desalojo ilegalaren saiakera: aurrekariekiko antzekotasunak
Eztenako prentsaurrekoan aditzera eman dutenez, eraso honen atzean “azpijokoa” dago; 2018an Bloke Naranja birjabetu eta hilabete batera eman zen erasoaren “antzeko logika” duela iritzi baitiote. Orduko hartan, 2018ko apirilean, Ertzaintza, eraikinaren jabeak eta horien abokatuak eraikinera sartu eta etxebizitza batzuetako sarraila aldatu eta alarmak eta kamarak jarri zituzten. Berme juridikorik gabeko desalojo saiakera izan zela salatu zuten.
Bide judizialetik salatu zuten Eztenako kideek orduko ekinbide hura. Eztenako kideek adierazi dute, prozedura judizial hartan, auzitegian ertzainetako batek deklaratu zuela, Ertzain buruak, eraikinaren jabeek eta Jose Mari Gorroño alkateak bilera bat egin zutela "erasoa adosteko". Ildo horretan sakonduz, nabarmendu nahi izan dute prozedura berean jabeetako batek epaiketa egunean epaileari "desokupak" kontratatzeko asmoa zuela adierazi izana. Larunbateko erasoa "azpijoko" gisa definitzean, honek 2018ko apirilean eman ziren prozedura irregular haiekiko dituen antzekotasunak dira beraz Eztenako kideek seinalatzen dituztenak.
Eraso bat baino gehiago
Larunbateko gertakariei dagokienean, Eztenak ohartarazi du erasotzaileak “gezurretan” aritu zirela, eta eraikinera sartzeko “beste interes batzuk” zituztela, bertan bizitzeko beharrik ez zutelako. Are gehiago, salatu dutenez “bortizkeriaz” aritu ziren gizonezkoak eta bertan bizi diren bizilagunen inguruan “komentario arrazistak” ere egin zituzten. Tentsio une handiak pasa ostean, egoera kontrolatzera iritsi ziren azkenean.
Baina larunbatekoaz gain, Eztenako kideek beste eraso bat ere salatu dute. Izan ere, prentsaurrekoan azaldu dutenez, duela bi aste ere gizonezko bat aurkitu zuten eraikinaren portalean: "etxebizitza batzuk hutsik zeudela zekiela esan zigun, eta giltzak ematea exijitu zigun. Bestela, itzuli egingo zela atea eraitsiko zuela mehatxatu gintuen."
Autodefentsarako deia
Irakurritako oharraren amaieran erasoen aurrean “posizionatzeko” beharrizana azpimarratu dute Eztenako kideek, eta Bloke Naranja desalojatzen bada 10 pertsona etxegabetuko dituztela salatu dute berriz ere. Amaitzeko, “autodefentsarako zilegitasuna” dutela eta hori “beharrezko tresna eta mekanismo guztien bidez” egikarituko dutela jakinarazi dute.
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]
Donostialdeko okupazio bulegoak hamar urte beteko dituela eta, urteurren festa antolatu du astebururako. Ostiralean mahai ingurua egingo dute Parte Zaharreko Birunda gune autogestionatu berrian, Etxebizitzaren defentsan, antolakuntza esperientziak ezagutzeko. Bertan izango dira... [+]
Errekaleor Bizirik auzoaren hamargarren urteurrena ari da ospatzen. Adierazi dutenez, 24 orduan lau identifikazio eta hiru isun jasan dituzte. Isunak mozal legea aplikatuta jarri dizkiete.