Ezkutuan dagoena pantailetara ekarriko du Bilboko “Film Sozialak” Zinema Ikusezinaren Nazioarteko Jaialdiak
Urriaren 10etik 17ra garrantzi eta gaurkotasun handiko gai sozialen inguruko hausnarketa era kontzientzia kritikoa sustatzen duten 81 film erakutsiko ditu Bilbon Zinema Ikusezinak. “KDC” (Kultura, Komunikazioa eta Garapena) Garapenerako Gobernuz Kanpoko Erakundeak antolatu du.
Jaialdiaren izena ez da kasualitatea: “Paradoxa iruditzen zait. Zinema ikusten den zerbait da, baina zinemaldi hau, berez, ikusezina da. Ezkutatzen dena ikustarazten da, identifikatu nahi ez dena izendatu, eta isilarazi dena entzun. Nire ustez oso jarduera baliotsua da”, aitortu du Roberto Vegak (El Salvador), Equipo Maíz, hezkuntza-erakundearen ordezkariak.
Inaugurazio gala urriaren 10ean izango da, 19:30ean, eta horretan Unai Celaya biolinista eta hainbat antzezle egongo dira. Bukaerako ekitaldia urriaren 17an izango da, 19:30ean, eta Senegaleko dantza garaikideko dantzariak eta The Cherry Boppers musika-talde bilbotarra arituko dira. Biak Azkuna Zentroko auditoriumean egingo dira.
“Jaialdia ere 19 ikastetxek osatzen dute, Kubako, Senegaleko eta beste hainbat herrialdeetako gonbidatuekin”, adierazi du Ainhoa Perez “KDC”ko Gizarte Eraldatzerako Hezkuntza teknikariak. Gonbidatuen artean dago Clara Morales (Mexiko), Ojo de Agua Comunicación Indigena erakundearen koordinatzailea eta ordezkaria eta esan du ikastetxeetan aritzea oso aberasgarria dela berarentzat: “Egiten dugun guztiaren aletxo bat uzteko aukera ematen digu”. Roberto Vegak gehitu du KDCk egiten duen estrategia oso baliotsua dela: “espazio hauetan erein ahal dugu hazia, ikasle gazte hauek beste errealitate batzuk ikus ditzaten.
Gogoetarako eta gizarte-aldaketarako gunea
Aurten ere, gai ezberdinak landuko dira, denak aldarrikapen soziala ardatz dutenak: gatazka armatuak, LGTBIQ+, inguru giroa, giza eskubideen defentsa, genero-berdintasuna, kulturartekotasuna, euskara, arte-sorkuntza…
Teresa Laespadak, Bizkaiko Foru Aldundiaren Enplegua, Gizarte Kohesioa eta Berdintasuna Sustatzeko saileko foru diputatuak, adierazi du jaialdian aurkezten diren filmen begiradak zirkuitu komertzialetatik urruntzen direla, eta beste gauza batzuk ikusten direla, beste begirada batzuk, bizitza ulertzeko beste modu bat. “Nire ustez, horrek gizartearen pentsamendu kritikoa eraikitzen du, eta ezinbestekoa da zinema beste era batean ikustea. KCD da, beharbada, hau aldarrikatzen bakarrenetakoa”, aitortu du Laespadak.
Horri gehituta, Monika Hernando Bilboko Udaleko Giza Eskubide, Bizikidetza, Lankidetza eta Immigrazio Saileko zuzendariak ezinbestekotzat jotzen du hausnartzeko eta elkarrizketarako guneak bilatzea. “Lan gehiago egin behar da hezkuntzan bakea, sentsibilizazioan, tolerantzia, bizikidetza eta enpatia sustatzeko”, aldarrikatu du Hernandok eta hori egiten duela jaialdiak: ”Gogoeta egiten, salatzen eta giza eskubideak urratzen dituzten pobrezia, diskriminazioa eta bidegabekeria eragiten duten egoera guztiei aurre egiten laguntzen digu”.
Itoiz, udako sesioak filma estreinatu dute zinema aretoetan. Juan Carlos Perez taldekidearen hitz eta doinuak biltzen ditu Larraitz Zuazo, Zuri Goikoetxea eta Ainhoa Andrakaren filmak. Haiekin mintzatu gara Metropoli Foralean.
Zeresana ematen ari da Rami Younis kazetari eta aktibista palestinarraren LYD animaziozko film-dokumentala. Fikziozkoa da, Israelek inoiz okupatu gabeko Lyd hirian kokatua, zeinean ez den sekula ere britainiarren koloniarik egon, eta juduak eta arabiarrak elkarrekin bizi diren;... [+]
Eusko Jaurlaritzaren esku geratu dira beste bi eskumen: Itsasertzaren Antolaketa eta Kudeaketa, eta Zinematografia eta Ikus-entzunezko Jarduera. Astelehenean bildu da Transferentzien Batzorde Mistoa, Madrilen, eta han adostu dute bi eskumen horiek EAEra eskualdatzea.
ETB1ek Bizkarsoro filma estreinatu zuen Euskararen Egunean iluntzean. ETB2ri aldi berean gaztelaniazko azpidatziekin ematea proposatu bazioten ere, kate horretan Tasio eskaini zuten gaztelaniaz azkenean, eta horrek haserrea sortu du euskaldun askorengan sareetan.
Inguruan dituen emakume sortzaileek halakorik izateak harritu egiten du, baina berak urte askotan izan du iruzurtiaren sindromea. Irauteak erakutsi dio, ordea, gauza asko ondo ere egin dituela. 2021ean Espainiako Estatuko Goya saria irabazi zuen
Maite Arroitajauregirekin... [+]
Irungo ospitale zaharrean jaio zen Fermin 1963an, Muguruza Ugartetarrenean. Azken hamarkadetan euskal musikan eragin nabarmena izan duen artista da. Ez alferrik, bera izan da Kortatu eta Negu Gorriak taldeetako abeslaria eta alma mater-a, Esan Ozenki zigilu independentearen... [+]
Bizkarsoro filma (Josu Martinez, 2023) Donostiako zinema aretoetan proiektatuko dute ostiral honetatik aurrera (hilak 22); SADEko Iñaki Elorzak azaldu duenez, bi aste inguruz proiektatuko dute printzipioz, eta, arrakasta baldin badu, denbora gehiagoz. Hala azaldu dute... [+]
Bizitegi elkarteak 2016a geroztik antolatzen duen duen film eta antzerki jaialdia jada abian da Bilbon.
Azaroaren 8tik 15era egingo dute zine jaialdia. Euskal Herriko zinema lanak ere izango dira pantaila aurrean, besteak beste Tasio filmaren bertsio zaharberritua eta La Muerte de Mikel, filmaren estreinalditik 40 urtera.
Jone Arriolaren “Dena asmatuta dago” filma izan da Urrezko Antzararen irabazlea larunbat honetan ospatutako sari banaketa ekitaldian. Euskal Zinemaren Begiradak Itziar Ituño aktorearen ibilbidea omendu du.
Aurtengoa hirugarren edizioa izango da, eta memoriaren gaia hartuko da ardatz, Kulturarteko Plaza Feministan.