Ezkerrak hirukoiztu egin dio aldea ultraeskuinari Ipar Euskal Herrian
Ekainaren 30ean, lehen itzulian, 11.000 boto eskas gehiago lortu zituen Fronte Herritar Berria koalizioak Batasun Nazionalaren aldean. Orain, 30.000 boz atera dizkio. Parisera joango diren hiru hautesbarrutietako ordezkariak Fronte Herritar Berrikoak izanen dira.
Frantziako Estatu mailan bezalaxe, Ipar Euskal Herrian ere harresia ezarri dute herritarrek ultraeskuinaren aurka eta ezkerra batu izanak ezinbestean lagundu du horretan. "Eskuin muturrari dantzatzea ukatu diogu", esan dute Fronte Herritar Berria koaliziokoek Peio Dufau legebiltzarkide izango dela jakin ostean.
Euskal Irratietan hitz egin du Dufauk, pozarren, hitz egitea kosta egiten zitzaiola, eta zera esan du: "Ez naiz bakarrik. Beste bi hautesbarrutietan ere gailendu gara. Historikoa izatetik haratago doa". Horrez gain, adierazi du Ipar Euskal Herrian abertzaleekin kontatu izanak ekarri duela garaipena Frantziako Estatuan. Are, Frantziako Estatu mailako ikuspegia hartuta, ultraeskuina geratu beharraz mintzatu da: "Inportantea da konturatzea, gure esku izanen da, eskuin muturra geratzea. Hain azkar eta indartsu atera bada, entzun behar diogu jendeari, eta erakutsi ezkerrak balio duela lanerako. Batzen gaituena ainitz azkarragoa da bereizten gaituena baino".
Ipar Euskal Herrian, ezkerreko blokea, Fronte Herritar Berria, aise nagusitu zaio Batasun Nazionalari hiru hautesbarrutietan. Hurrenez hurren, laugarrenean Iñaki Etxanizek 11.000 bozetako diferentzia atera dio –7.000 ziren lehen itzulian–; Colette Capdeviellek, bosgarrenean, 16.000 boto –3.000 izan ziren aurrekoan–; eta seigarrenean, Peio Dufauk 6.000ko aldearekin irabazi du –erdia ziren lehen–. Azken hautesbarruti horretan, Ensemble-rekin estutu egin da bozen aldea; Dufauk ordezkari izatea lortu du 700 boz eskasen aldeagatik.
Udalerrika: 160tik 142tan, Fronte Herritar Berria garaile
Argigarria da mapak erakusten duena: Ipar Euskal Herria argiki mintzatu da ezkerraren alde. Lapurdin, 41 udalerritatik 30etan gailendu da; Nafarroa-Beherean 75etik 68tan; eta Zuberoan guztietan, 44tik 44tan.
Mapak are argiago erakusten du nagusitasuna. Macronistek segitu dute indartsu Donibane Lohizunetik Biarritzera, kostaldean, Bidarten salbu. Eta gainontzean, herri bakan batzuetan soilik irabazi du ultraeskuinak: Ainhoan, kasu.
Konparaketarako, erreparatu lehen itzulian udalerriz udalerriko mapari.
331 diputatuk bozkatu dute ezkerrak aurkezturiko zentsura mozioaren alde. Eskuin muturrak babestu du ezkerraren testua, eta horrek ekarri du gehiengoa lortu izana. Emmanuel Macron presidenteak hitza hartuko du ostegun honetan 20:00etan.
Larunbat honetan aurkeztu du Frantziako gobernu berriaren osaketa Michel Barnier lehen ministroak. Eskuin muturreko RN alderdiak defendaturiko ideiak dituzten hainbat politikari eskuindar jarri ditu gobernuko karguetan. "Legetimitaterik gabeko gobernua" dela salatu du,... [+]
Michel Barnier kontserbadorea ministro ohia da, Europako Batasuneko komisario ohia ere bai eta Brexiteko negoziatzailea izan zen.
Elkarrizketa-sorta hasiko du, beste behin, Macron presidenteak. "Ahalik eta gehiengorik zabalena eta egonkorrena osatzeko" egingo duela lan esan du Macronek, herrialdea ez dadin "blokatuta eta ahulduta" gera.
Laugarrenez altxatu da eguzkia Baionako besten eremu setiatuan eta uste dut, septentrioko Euskal Herri honetan, hatsa hobekiago hartzen dugula, batez ere gure hiru diputatuak Fronte Herritar Berrikoak direlako eta olde beltz-kakia hirugarren postura zokoratu dugulako. Bi gauza,... [+]
Ipar Euskal Herriak dituen militante nekaezin horietarikoa dugu Peio Dufau: ofizioz tren gidaria, CGT sindikatuan buru belarri inplikaturikoa, Bake Bidean dinamikan engaiatua eta alabari Wolfram sindromea izeneko eritasun arraroa atzeman ziotenaz geroztik izen bereko elkartean... [+]
Hirugarren kokatu bada ere, pozik izatekoa badu eskuin muturreko RNk: inoiz baino azkarrago da Frantziako Legebiltzarrean –2017an zortzi diputatu zituen, 2022an 88 eta orain 143–. Bere hauteslegoa azkarki emendatuz doan heinean, anitzez zabalagoa du oinarria:... [+]
Sei hautagai dira Frantziako Legebiltzarrerako presidente izateko lehian –ezkerretik bat, Macronen aldeko bi, eskuinetik bat, eskuin muturretik beste bat eta independente bat–. Horrez gain, dozenaka eragilek deiturik, FHB Fronte Herritar Berriaren garaipenaren... [+]
Nork aurreikusten ahal zuen 2024an Peio Dufau –Marie Heguy-Urain duelarik ordezko– EH Baiko hautagaia, diputatu izanen zela? Eskuin muturraren kontrako kanpainak eta estrategiak funtzionatu du. Ipar Euskal Herriak ez du faxistarik bidaliko Frantziako Asanblea... [+]
Ikasle batek erran zidan, behin, testu bat aztertzen ari ginela: “Pertsonaia eri da: geldi-geldia pentsaketa ari da bere buruan”. Bistan dena, erranaldi horrekin, gaizki adierazi zuen gogoan zuen iruzkina, erran nahi baitzuen pertsonaiaren ezontsa nabari zela haren... [+]
20:00etan atera dira lehen datuak, harridura orokorra eraginez: zundaketa guziek lehen kokatzen zuten eskuin muturreko RN hirugarren atera da eta ezkerreko FHB Fronte Herritar Berria garaile. Gehiengoan edota gehiengo osoan ikusten zen RN Batasun Nazionalarentzat zaplaztekoa... [+]
Iñaki Echanizek irabazi du Zuberoa, Nafarroa Beherea, Hazparne eta Biarnoko zati bat barnebiltzen dituen laugarren hautesbarrutian. 2022an bezala, garaile atera da, ezkerreko Fronte Herritar Berriaren izenean.
Ezkerrekoa beharko lukete Frantziako Lehen ministroak eta bere gobernuak, jakinik Fronte Herritar Berria garaile atera dela Frantziako Legebiltzarrerako hauteskundeetan. Baina, ezkerraren garaipenaren gainetik pasaz, bestelako gehiengo bat osatu nahian dabil Emmanuel Macron... [+]
