Ezker independentista, ETAren biktimei: “Gure egiten dugu mina, ez zen inoiz gertatu behar”
Adierazpena egin du euskal ezker independentistak, Aieteko Adierazpenaren eta ETAren indarkeriaren amaieraren 10. urteurrena dela-eta. Arkaitz Rodriguezek eta Arnaldo Otegik irakurri dituzte hausnarketak. ETAren indarkeriak eragindako biktimei aipamen berezia egin diete, eta preso politikoen auziari irtenbidea eman behar zaiola azpimarratu.
“Urriaren Hemezortziko Adierazpena” egin du gaur goizean euskal ezker independentistak, Donostiako Aieteko Jauregian egindako agerraldian. Arkaitz Rodriguez Sortuko idazkari nagusiak eta Arnaldo Otegi EH Bildu koalizioko koordinatzaile nagusiak irakurri dute bost puntuko adierazpena. Euskal, espainiar eta frantziar gizarteekin zein nazioarteko iritzi publikoarekin hausnarketak partekatzeko ekitaldi soila izan da, Aieteko Adierazpenaren hamargarren urteurrenaren biharamunean.
ETAren indarkeriaren amaiera zein haren armagabetze eta desegite prozesua izan dute lehenik hizpide. Prozesuaren arrakasta euskal gizarte osoarena dela onartuta ere, erakunde armatuak erabakiak batasunez hartu izanari balioa aitortu diote adierazpenean, zatiketak eta horiek dakartzaten arazo larriak saihestu direla nabarmenduz.
Biktima guztien aitortza eta erreparazioa ere izan dute ahotan, eta ETAren indarkeriak eragindako biktimei aipamen berezia egin diete: “Gure egiten dugu haien mina, eta sentimendu zintzo horretatik baieztatzen dugu hura ez zela inoiz gertatu behar, inork ezin du gogoko ukan hura guztia gertatu izana, ezta denboran hainbeste luzatu izana ere. Aietera lehenago iristea lortu behar genuen”.
Iraganak atzera bueltarik izan ez arren eta mina esandako ezerk ezabatuko ez duen arren, errespetuan, adeitasunean eta memorian oinarrituta arintzea bederen posible dela konbentzituta daudela eta horretarako pausoak emateko konpromisoa adierazi du ezker independentistak.
Preso politikoen auziari ere heldu diote adierazpenean, hari irtenbidea ematea beharrezkoa dela esanez. Hain zuzen ere, presoek estrategia armatua gainditzeko izandako parte hartzea ere ekarri dute gogora: “Haiek gabe, ez zen posible izango”.
Azken puntuan ezberdintasun politikoei irtenbidea emateko metodo eraginkor eta demokratikoa elkarrizketa, negoziazioa eta adostasuna direla eta ezker independentista horien aldeko konpromisoan berresten dela adierazi dute. Gatazkaren jatorrian dagoen arazo politikoari oraindik ere irtenbidea eman behar zaiola eta arazo nazionalari konponbide demokratikoa ematea “ezinbestekoa” dela gaineratu dute: "Gure nazio nortasunarekiko errespetua beharrezko eta lehen pausoa da bestelako etorkizuna eraikitzeko, zeinetan erabakia gure herriko gizartearen esku egongo den".
Agerraldia osorik:
Frantziako Ministerio Publikoak hamar egun zituen Parisko auzitegiak harturiko erabakiari helegitea jartzeko, baina ez du halakorik egin. Hortaz, ETAren armagabetzean lagundu zuten Beatrice Molle eta Jean Nöel Etcheverry Txetx bakegileek ez dute zigorrik jasoko, epaimahaiak... [+]
Hobengabetzea eskatzen zuten bakegileek, baina Parisko Zigor Auzitegiak errudun jo ditu Jean Nöel Etcheverryi Txetx eta Beatrice Molle Luhusoko armagabetzean parte hartu zuten bakegileak. Hala ere, ez dute zigorrik izango.
Apirilaren 2 eta 3an Parisen iragan zen epaiketa, dudarik gabe, judizialki memento historikoa izan zen. Lehen aldikotz euskal afera judizialetan, defentsa eta estatuaren ordezkariak aho batez mintzatu ziren.
Madrilgo Ateneoan ETAren amaierari buruzko zikloa egiten ari da azken asteetan, eta bertan astearte honetan egindako adierazpenetan, Irlandako bake prozesuan izandako jendea euskal bake prozesuan izatea oso garrantzitsua izan zela aipatu zuen José Luis Rodríguez... [+]
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
ETAren armak eta lehergaiak garraiatzea leporatzen diete Beatrice Molle-Haran eta Jean-Noël Etcheverry 'Txetx’ bakegileei, 2016ko Luhusoko operazioaren harira. ETAren armagabetzea gauzatzen ari ziren. Egindakoaz harro dagoela eta berriz ere egingo lukeela adierazi... [+]
Xabier Atristain eta Juan Manuel Inziarte euskal presoak Martuteneko espetxera itzuli ziren joan den martxoaren 13an, Auzitegi Nazionaleko Espetxe Zaintzak haien hirugarren graduei fiskaltzak jarritako helegitea onartu ondoren.
Otsailaren 2an epaituko dituzte beste hamaika bakegile, uztailaren 23an autopista blokeatzeagatik. Elkarretaratzera deitu du Bake Bideak, datorren ostegunean 13:00tan jarriz hitzordua Baionako auzitegi aitzinean.
Etxera bidea gertu lelopean manifestazio bateratua egingo dute Sarek eta Bake Bidea-Bakegileek, pandemiagatik bi urtez mobilizazio jendetsu hori egin gabe egon ostean. “Duintasuna eta bizikidetza lortzeko itxaropena” ere izango dituzte aldarri, euskal presoen... [+]
Hori adierazi dute Bake Bideaneko ordezkariek ostegun honetan Luhuson egindako agerraldian. Azkenekoz, ekainaren 9an eta 15ean aztertu zuen Frantziako justiziak Ion Parot eta Jakes Esanen askatasuna, eta epaileek haien baldintzapeko askatasunaren alde egin zuten, baina... [+]
Jakes Esnal baldintzapean aske uzteari buruzko erabakia uztailaren 21era atzeratu dela jakin aitzin izan da ARGIA Anaiz Funosas Bake Bidearen bozeramailearekin –Ion Paroten kasuan, datorren astean jakinen da erabakia–. Badu 32 urte kartzelan direla. Pairaturiko... [+]
Ostegun honetan aztertuko du Parisko Dei Auzitegiak presoaren baldintzapeko askatasun eskaera. Karia horretara, Jakes Esnalen aldeko elkarretaratzea antolatu du Bake Bidea-k Donibane Lohizunen.
Elkarretaratzea eginen dute egun berean arratsaldeko zazpietan Baionako herriko etxearen aitzinean. Jakes Esnalena berriz maiatzaren 19an aztertuko dute. 32 urte daramatzate preso.
Ion Parot eta Jakes Esnal euskal presoek auzi saioak dituzte maiatzean. Auzi saioen datekin bat eginez, elkarretaratzeak deitu dituzte Bake Bideak eta Bakegileek, bata maiatzaren 13an Baionan, eta bestea maiatzaren 19an Donibane Lohizunen. Ekainaren 11n, aldiz, manifestazioa... [+]
Elkartasuna adierazi dio Bake Bideak zendu berri den Yvan Colonna preso korsikarraren familiari. Korsikar presoekin bezala, euskal presoei begira Frantziako Gobernuaren "ezaxolakeria, mespretxua eta isiltasuna" salatu ditu elkarteak.