Ezetz asmatu Zubietako Arkaitzerrekan hildako arrainen misterioa nork argitu behar duen
Gipuzkoako erraustegitik behera doan Arkaitzerreka errekan ehunka aingira eta arrain aurkitu dituzte hilda joan den larunbatean. Geroztik jakin denez, Uraren Agentziak hartu du bere gain ikertzea horren jatorriarekin zerikusirik ba ote duen Gipuzkoako Ingurumen Parke deituan diren azpiegituretakoren batek, Ekondakinen erraustegiak edo TMBak. Baina ezetz asmatu nork agintzen duen Uraren Agentzia horretan...
Zubietako erraustegitik Oria ibaierantz doan Arkaitzerrekan arrainak hilik aurkitu zituztela jakin eta ordu erdirako URA Uraren Euskal Agentziaren funtzionarioak lekuan bertan azaldu omen ziren laginak hartzera, hala deklaratu zuen igandean Euskadi Irratian agentzia horren Jabari Publikoa Kudeatzeko zuzendaria den Josu Pereak. Laginak hartzeaz gain bestelako zantzuak ere lekuan bertan aztertu eta errekan goraxeago joanda dagoen errauste planta ere ikuskatu omen zuten. Laginen azterketaren emaitzak jakiteko aste bete edo bi beharko direla, argitu zuen Josu Pereak.
Gertakizun horien haritik, GuraSOS elkarteak herritarrari ikerketari mesfidati begiratzeko moduko pista bat aurreratu du geroztik, hedabideei zabaldutako ohar batean: URA agentziaren zuzendaria da Ernesto Martinez de Cabredo, GuraSOSek salatu duenez Zuribar SL enpresako presidente dena, enpresa honen aholkularietako bat delarik Ignacio Barinaga Eguia, Verter Recycling 2012 enpresako nagusia. Martinez de Cabredo urte luzez eraikuntzaz gain kontrata publikoetan hain ezaguna den Amenabar konpainiaren kudeatzaile izana omen da.
Baina URA agentziaren organigraman Josu Perea Arandiaren gainetik Ernesto Martinez de Cabredo Zuzendari Nagusia dagoen moduan, honen gainetik ere ere egon behar zuen norbaitek... eta badago: URA Ur Agentziaren Administrazio Kontseilua. Hona nortzuek osatzen duten:
Presidentea: Iñaki Arriola López, Ingurumen, Lurralde Plangintza eta Etxebizitzako sailburua
Kideak:
Elena Moreno Zaldibar (Ingurumen sailburuordea)
Juan Miguel Bilbao Garai (Ogasuneko eta Finantza Politikako sailburuordea)
Elena Unzueta (Bizkaiko Foru Aldundiko Iraunkortasuna eta Ingurune Naturala Zaintzeko Saileko foru diputatua)
José Antonio Galera Carrillo (Arabako Foru Aldundiko Ingurumen eta Hirigintza Saileko foru diputatua)
José Ignacio Asensio (Gipuzkoako Foru Aldundiko Ingurumeneko eta Obra hidraulikoen Saileko foru diputatua)
Nork esan zuen EAJ-PSOE errejimenak ez duela maite Ekonomia Zirkularra? Planifikatu, erosi, egin, saldu eta kontrolatu... horra dena ongi antolatuta zirkulu berean.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]
Ingurumenaren aurkako ustezko delitu bat egin ote duen eta dokumentuak faltsutu dituen ala ez ikertzeko eskatu du Gipuzkoako Fiskaltzak, GuraSOS elkarteak jakinarazi duenez.
Donostiako suhiltzaileek jakinarazi dutenez, erraustegiko biolehortze-plantan gertatu da ezbeharra.
Ia bi hamarkada luzez egin duten moduan, "errausketarik ez!" aldarrikatu eta oihukatu dute, Kontxako Banderaren bigarren eta azken jardunaldi egun honetan, Donostiako hondartza inguratu duen giza katean.
“Behin-behinean” egin dutela adierazi dute, “mantentze-lanen" ondorioz. “Ingurumen eskaera guztiak” bete dituztela ere esan dute, eta araurik ez dutela apurtu.