Ezer erabaki aurretik, deitu Pedro Sanchezi
#m26-ko gauean hedabide espainiarrek 1930eko hamarkadako kontzeptu bikoitza berpiztu zuten: “las derechas” eta “las izquierdas”. Baliteke datozen hilabete eta urteetan berriro nagusitzea kontzeptuok, España versus ez-España aldarrikapenen inguruan gero eta gotortuago eta pixkanaka Europatik indarrez datorkigun europazaleak versus euroeszeptikoak binomioarekin gurutzatuta.
Ada Colauk Bartzelonako alkateak, 2008ko krisitzarrak berotutako marea ezkertiar-aldazaletik duin geratu den agintari bakarretakoak, uhin independentistak bataila irabazi diola aitortuz zorrotz laburbildu du 2019ko maiatzeko egoera: "Han canviat les prioritats de l'agenda política". Katalanez ez dakitenek ere ongi ulertzen dute, hain da orokorra…
Jendearen haserrea kapitalizatu zuen Podemos fenomenoak ez du funtsik erakutsi, komunikazioan ekarritako berrikuntzez gain, eta hura hondoratzearekin bateratsu indartu da Vox neofaxista. Aldaketa esperimentuak haizeak eraman ditu Podemosen oinarritzen ziren instituzioetan eta gudu berrietarako bizirik geratu dira soilik ezkerretik profil autonomo garbia daukatenak, Bartzelonan bezala Valentzian edo Cadizen.
Espainian ezkerra esatea gaur PSOE eta Pedro Sanchez esatea da, alderdian mututu zaizkio lotsagabeak, Europako establishment sozialdemokrata + liberalaren erreferentzietako bat da. Aldi berean, aurrean dauzka las derechas, oroitzapen gaiztoenak pizten dituen eskuin-eskuineko multzoa, PP hainbat instituziotan egonkortuta, Cs hizkera zentrista aparkatuta eta Vox neofrankismoa konplexu barik instituzio guztietaraino eramanez. Trifatxitoa berez itzaliko zelakoan, ala?
Ezusteko asko gerta litezke penintsulan Espainiako estatuaren instituzio gehienak berrantolatu behar diren honetan, jokoan baitaude Espainiako gobernu, udal, diputazio, horien inguruko zientoka erakunde, hainbat autonomi elkarte… ahaztu gabe gure eguneroko bizitza arautzen duen Europar Batasunaren agintaritza. Eta 1936an bezala, geopolitika ere jokalari ariko da zezen-larru maitearen edozein partidatan, Hego Euskal Herrikoetan barne.
Lerrook idaztean, Nafarroako lauko berriak akordio programatikoa hitzartu berri du. Berria da laukoa, PSN sartu eta EH Bildu aterako delako. Bi-biak batera etorri dira, gainera: sozialistek betoa jarri diete Bildukoei, haiekin berba ere ez dutela egingo ziurtatu baitute orbe... [+]
Ez gaude ohituta politikarien artean soldata murrizketak ikustera, alderantziz baizik, udal eta foru hauteskundeen, bai eta europarren eta autonomikoen ondorioz erakundeetan aldaketak dauden bakoitzean hala gertatzen da. Horregatik, justua eta beharrezkoa da Durangoko Udalak... [+]
1977ko udan Iruñea inguruko Arazuriko soroetan sartu ginen Askatasunaren Ibilaldia-ko milaka lagun, zutabeetan antolatuta eta ikurrinaz josita, Nafarroa Euskadi da oihukatuz. Hogei bat urte geroago, aukera izan nuen Juan Cruz Alli elkarrizketatzeko, eta pasarte hura... [+]
Ada Colauk Kataluniako hiriburuko alkate karguan segituko du, hauteskundeen kanpaina aurretik imajinatzen zaila zen testuinguru batean: PSCren aldeko zortzi botoen, lehen ministro ohi Manuel Vallsen hautagaitzaren hiru botoen –orain arte Ciudadanosek sostengatua– eta... [+]
Lehengo ekainaren 19an, Nafarroako Parlamentu berria eratzeko bilkuran ari zen bitartean, pareko espaloian, 25-30 bat gizon ageri ziren pankarta baten gibelean. Ez ziren presoen senideak, ez kolokan dagoen enpresa bateko langileak, ezta etor litekeen gobernuarekin kezkaturiko... [+]
Eratu dira udal berriak eta ezin esan ezusteko handirik egon denik. Udal hauteskundeen emaitzekin eta ondorengo itun iragarpenetik, dena edo gehiena aurreikusia zegoen. Beste behin ere, ezustekorik izatekotan Nafarroako herriren batzutan izango zen.
Azken minuturaino ibili dira negoziatzen PSN eta Geroa Bai. Azkenean PSNk haren alde egin du eta Hualde atera da legebiltzarreko lehendakari. EH Bilduk ere mahaian sartzea lortu du. Horrela lehen lau indarrak, Navarra Suma, PSN, Geroa Bai eta EH Bilduk ordezkaritza dute Mahaian.
Zer da hauteskundeetan emaitza onak lortzea? Ideologikoki, statu quo-arekin bat datozen alderdiek botere instituzionala eskuratzea izan ohi dute xede, eta gainera analisi politiko guztiak horretara makurtzea hobesten dute. Hauteskundeetan saritzen da ondo eginda dagoena. Eta... [+]
Zerk eragiten digu bozka egiten dugunean? Zer ideia, asmo eta emozio daude deman? Pentsamendu politiko lausoak ala sakon hausnartu eta gero geure pentsakeran erro sendoak hedatu dituzten kontsiderazio landuak? Ingurukoekin partekatzen dugun ideologia jakin bat edo inorekin hitz... [+]
Jose Luis Abalos PSE alderdiko Antolakuntza idazkari eta Espainiako Gobernuko Sustapeneko jarduneko ministroak iragarri zuen Maria Chivite lehendakari izateko aurkeztuko balitz EH Bilduren abstentzioa onartuko lukeela. Hala, Diputatuen Kongresuan UPNren babesik ez duela nahi ere... [+]
Ferrazek bidalitako mezuekin aste osoan zehar argi geratu da PSOEk ez zuela begi onez ikusten PSN Nafarroako Gobernuko lehendakaritza lortzeko saiakeran aritzea. Filtrazioez gain, Carmen Calvo Espainiako Gobernuko lehendakariordea eta Jose Luis Abalos ministroak PSNren bidearen... [+]
Xabier Iridoi zerrendaburu jeltzaleak bere burua hautagai ikusten du Irungo alkate izateko. Horrek PSE-EEren haserrea eragin du eta Irungo alkatetza haientzat izatea jeltzaleekin ituna osatzeko baldintzen artean ezarri dute sozialistek.
Horixe adierazi du Ramon Alzórriz PSNko antolaketa idazkariak asteazken arratsaldeko lehen orduetan Geroa Baiko ordezkariekin egin duen bileraren ondoren. Bilerak ikusmen handia sortu du eta hedabide ugarik jarraitu dute Foru Legebiltzarrean egin den haren aurkezpen... [+]
Maiatzaren 26ko udal eta foru hauteskundeen ondoren, EAJ eta PSE asteazken honetan bilduko dira akordioez hitz egiten hasteko. Bi alderdien arteko ituna berrestea da gertagarriena eta horren eraginez EH Bildu sei alkatetza gabe geratzea, baita PPk beste bat galtzea ere.