Ezagutza elitistaren irla
Azkeneko hilabeteetan, maila instituzional ezberdinetako gobernuetatik unibertsitateko hezkuntzarekin lotutako hainbat proiektu aurkeztu dira, etorkizuneko Bilbo ezagutzaren hiri moduko baten antzera azalduz.
Turistifikazioaren garaian, ez da berri txarra gobernuek beste motatako jarduera ekonomikoetan pentsatzea, batez ere ikerketa eta hezkuntza ardatz nagusi moduan dituzten jarduera ekonomikoak badira, baina larritzekoa da aurkeztutako ekimen guztiak pribatuak izatea.
Egun, Bilboko udal gobernutik, zazpi proiektu mahai gaineratu dira: Digipen, bideojokoen diseinurako unibertsitatea; Kunsthal, goi mailako diseinu zentroa; Mondragon Unibertsitateko As Fabrik; Londreseko bi diseinu eskola; Nafarroako Unibertsitatea arkitektura eta diseinuko master ezberdinekin; Deustuko Unibertsitateko Medikuntza fakultatea. Proiektu pribatuak denak, ordainezinak diren gradu eta masterrekin. Orokorrean, 5.000 eta 10.000 euro bitarteko kurtsoetaz ari garela gogoratu beharra dago.
Bitartean, unibertsitate publikoko campus nagusia, hiritik 12 km-tara kokatzen da, frankismoaren garaian sortutako dekretu bati jarraituz, zehazki 1943.urteko “Unibertsitateen Antolamendurako Legea” jarraituz. EHU-UPVko ikasleek urteak daramatzate unibertsitatera heltzeko dituzten arazoak salatzen, egunero jendez gainezka dauden autobusetan ia ordu beteko bidea egin behar dutelarik. Era berean, zenbait fakultateetan barrakoietan ematen dituzte klaseak eta hainbat ikasgelen egoera zaharkituak ikasle zein irakasleen egunerokotasuna oztopatzen du.
Gauzak horrela, orain dela hainbat urte, Leioako campusa Bilbon kokatzeko proposamena helarazi zen EHUtik baina badirudi proiektu hori urrun dagoela, batik bat unibertsitate publikoko Medikuntza Fakultatea hirian kokatzeko ekimena bertan behera geratu dela ikusita. Unibertsitate pribatuak gure hiriko espazio edota bere momentuan udal eraikinak zirenetan finkatzen diren heinean, unibertsitate publikoaren etorrera gero eta urrutiago somatzen da. Arangoiti auzoan kokatuta zegoen EHUko Magisteritza Fakultatea Leioara eraman zuten bitartean, Arangoiti bertatik ikusi daitezkeen hiri eremuetan Mondragon edo Deustuko Unibertsitateko fakultateak eraikiko dira.
Deustuko Erribera, batzuek Zorrotzaurre deritzotena, aukera urbanistiko egokia zen EHUk planteatutako proiektua aurrera eramateko, baina gobernutik, auzoa hezkuntza pribatuaren esku uztea nahiago izan dute. Hiritarren gehiengoak ordaindu ezin ditzakegun ikasketak eskainiko dituzten zentroen aldeko apustua egin dute gobernutik, auzokide eta hiritarron iritzi eta beharrak kontuan hartu gabe, ezagutza elitistarako irla bat sortuz.
Iritzi testu hau Uriola-k argitaratu du eta CC-by-sa lizentziari esker ekarri dugu ARGIAra.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Azaroaren 25ean, Indarkeria Matxistaren Aurkako Nazioarteko Egunean, Steilas sindikatuko Idazkaritza Feministak kartel bat argitaratu du: Gure gorputza gudu zelai bat da du leloa, eta Hego Euskal Herriko ikastetxe guztiek jaso dute. Gatazka armatuetan emakumeek eta adingabeek... [+]
Mundu-mailan antifeministak eta arrazistak diren gorroto-diskurtsoak larriki areagotzen ari diren testuinguruan bizi gara. Mundu zabalean sare sozialek zein agenda
politikoek txertatzen dituzte eskuin-muturreko narratibak. Arrazismoa eta antifeminismoa tokian tokiko... [+]
Askotan gertatu izan zait etxetik lanbroari so egon ostean, blai bukatuko dudala jakin arren, aterkirik ez hartzea. Zergatik ote? Beharbada, aterkia hartzeko gogorik eza? Beharbada, bustiko ez naizen itxaropena? Kontuak kontu, ondorioa beti berbera izan da. Esaerak dio, euri... [+]
Gogoan daukat, 16 urterekin, Bergarako epaitegi aurrean egindako euskararen aldeko elkarretaratze batean identifikatu ninduela Ertzaintzak lehen aldiz. Euskal Herrian epaitegiak euskalduntzeko aldarria zilegi zela pentsatzen genuen, baina, orduan ere, faltako zen baimenen bat,... [+]
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Nafarroako Energia Planaren eguneraketa oharkabean igaro da. Nafarroako Gobernuak jendaurrean jarri zuen, eta, alegazioak aurkezteko epea amaituta, gobernuko arduradun bakar batek ere ez digu azaldu herritarroi zertan oinarritzen diren bere proposamenak.
Gobernuak aurkeztu... [+]
Sobietar Batasuna desagertu zenetik errusofobia handituz joan da. NBEko Segurtasun Kontseiluaren 2002ko segurtasun kontzeptua oso argia da, eta planetaren segurtasun eta egonkortasunak AEBei erronka egiteko asmorik ez duen estatuen menpe egon behar dutela adierazten du. AEBei... [+]
Andoni Urrestarazu Landazabal Araiako herrian 1902ko uztailaren 16an jaio zen eta 1993ko azaroaren 21ean hil zen Gasteizen. 31 urte bete dira jadanik eta bere izena eta izana aitortzeko une aproposa dela deritzot, ez baita ongi ezagutzen utzitako ondarea. Umandi, bere herriko... [+]
Autobiografia idaztea omen da garapen pertsonalerako tresnarik eraginkorrena, askatzaileena. Iraganeko kontuei tira egin eta gogora ekartzeak, orainaldiko korapiloak askatzen laguntzen omen du. Bai, laguntzen du orainaldia ulertzen eta komeni zaigun etorkizun bat marrazten... [+]
Pandemiaren iragarpenetik Valentziako tragediarainoko errepasoa egin eta ondorioztatu dut gezurra eta forupea suhesi gisa dituen kudeaketa instituzional negargarria klase gobernariaren konstantea dela.
Ez dugu gobernari ordezko baliogarririk sistema pendular hau aldatzen ez... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
“Ibiliz ikasten da ibiltzen, eta kantuan kantatzen”. Horixe izan da aste honetako ikasgaietako bat C2ko taldeetan. Helburua ez zen abesten edo oinez ikastea, gerundioa behar bezala erabiltzea baizik. Zer pentsatua eman dit jarduerak, eta irakasten nola ikasten dugun... [+]
Adimen artifiziala gizakion eremu asko ordezkatzen ari dela badakigu: erosotasuna, abiadura, efizientzia... Mundu kapitalista honen abiadura beharretan, gizakion ahalegina oztopo dela sinetsarazi digute. Gure, klase xumeen, egiteko eta sortzeko aukerak murrizteko erasoak leku... [+]
Azken asteotan, arkitekturan dihardugunontzat ez da posible izan Valentziako klima gertaera gure lan hizketaldira ez ekartzea. Uraren ibilbidea eraikinen estalkietan, estolderietan, plazetan eta parkeetan pentsatu eta diseinatu behar ditugulako. Ongi dakigu giza eskalako ur... [+]
Autoestimuak batzuetan gauza intimoa dirudi. Baina autoestimuak zerikusia baldin badu norberak bere buruaz duen irudiarekin, norbere buruari ematen zaion balioarekin, zerikusia izango dute hartu ditzakeen erabakiek ere. Zer balio du erabakirik hartu ezin duen norbaitek? Eta... [+]