Ez ordenagailurik, ez mugikorrik klasean, eta apunteak eskuz. Unibertsitateko hirugarren graduan esperimentua egin du irakasle batek, batez ere ikasleen kontzentrazioa eta arreta handitzeko helburuz. Ikasleen hasierako erresistentziak gaindituta, baikorra izan da emaitza.
Unibertsitateko klaseetan ordenagailu eramangarriak eta tabletak orokortu diren honetan, Komunikazio arloko bere ikasgaia “pixelik gabeko eremu” izendatu du Madrilgo unibertsitate publiko bateko irakasleak, hamar astez. “Aurreko ilarako ikaskidea YouTuben edo TikToken ikusten ari denarekin ez despistatzea eta notifikazioen tentazioan ez erortzea” izan ditu helburu, besteak beste.
Hasieran, ikasleek mesfidati ikusi zuten proposamena, baina kexak azkar amaitu zirela kontatu du irakasleak, eta azpimarratu du bere klase magistralez gain, material ugari dutela eskura ikasleek (oinarrizko irakurketak PDFan, aurkezpen grafikoak, bibliografia, artikuluak...).
Zein izan dira apunteak eskuz hartzearen eta teknologia klasetik ezabatzearen ondorioak? Hiruhileko horri dagokion azterketa %77ak gainditu du (%15ak Bikain kalifikazioarekin). Ebaluazio inkesta anonimoa ere bete dute ikasleek, eta ia denek diote pantailarik gabe eta apunteak eskuz hartuta gehiago kontzentratu direla klasean (%97,3ak), baita klaseak hobeto barneratu dituztela ere (%92ak). Esperientzia positiboki baloratu dute ikasleek, eta onena zer izan den idazteko eskatuta (hau ere anonimoki), esaldi errepikatuenetakoa izan da kontzentrazioa, arreta eta memoria hobetzeko balio izan diela. Txarrena berriz, irakaslearen azalpenen erritmoa jarraitzeko zailtasunak izan dituztela, apunteak hartzeko denbora gehiago behar izan dutelako eskuz idatzita, ordenagailuz baino.
Ikasle ia denek diote pantailarik gabe eta apunteak eskuz hartuta gehiago kontzentratu direla klasean (%97,3ak), baita klaseak hobeto barneratu dituztela ere (%92ak)
Hezkuntzaren digitalizazioa eztabaidagai
Hezkuntzak bizi duen digitalizazio prozesua eta teknologiak hezkuntzan (izan behar) duen lekua eztabaidagai dira uneotan. Suedian, eskolak digitalizatzeko plana eten eta testu-liburuak berreskuratuko dituzte; Frantziako estatuan, zuzenean eskolak pantailaz eta teknologia digitalez betetzen ari direla eta gogoetarik gabeko bide arriskutsua egiten ari direla salatu du CoLINE kolektiboak.
Unescok berak ohartarazpena egin zuen pasa den uztailean: Teknologia hezkuntzan: tresna bat, zeinen mesedetan? txostenean, gogoratu du teknologia eskolan inplementatzeko prozesuak hausnarketa behar duela, aintzat harturik gehiegizko teknologizazioak, irakasle kualifikatu ezak edota teknologia teknologia hutsagatik ezartzeak ez diela onurarik ekartzen ikasle eta irakasleei. Eraldaketa teknologikoaren erritmo azkarra hezkuntza sistemetan eragiten ari den presioa ere aipatzen du txostenak.
Gaiaz gehiago:
- "Teknologia pixka bat baliatzea ona da hezkuntzan, baina asko baliatzeak ez du laguntzen".
- "Eskolan pantailekiko gehiegizko esposizioa normalizatzen ari dela salatu dute".
- "Eskolak digitalizatzeko plana eten eta testu-liburuak berreskuratuko ditu Suediak".
Badirudi hamasei urteko semea buruhauste handirik gabe ari zaigula batxilergoaren ondotik jarraituko duen bideari buruzko gogoetak egiten. Batean, batxilergoko gai berezien hautaketari buruz hitz egiten digu, bestean, egin beharko dituen pausu administratiboei buruz, galderarik... [+]
DBH 3 eta 4. mailako ikasleek datorren ikasturtean beharko dituzten ikasmaterialak diruz lagunduko ditu Eusko Jaurlaritzak lehenengo aldiz, EHIGE Euskal Herriko Ikasleen Guraso Elkartearen aldarrikapen historikoari erantzunez. Seme-alabak maila horietan dituzten familiek, beraz,... [+]
EAEko ikasleen erdiak baino gehiagok eskola partikularrak jasotzen dituela eta jatorri migratzaileko ikasleak gehien segregatzen dituen Espainiako Estatuko bigarren erkidegoa EAE dela ere adierazi du Esade EcPol erakundeko Lucas Gortazarrek, EHUren udako ikastaroetan.
Gazteen artean teknologia libreen ezagutza zabaltzeko “Digitalizazio arduratsua” proiektua prestatzen ari dira Baionako Etxepare Lizeoa eta Iametza. Gipuzkoako Foru Aldundiaren “Ideiak2024” aurrekontu parte-hartzaileetara aurkeztu dute egitasmoa. Gaur da
Euskara eta euskal literatura, programaketatik ikasgelara jardunaldia antolatu dute elkarlanean Seaskak eta UEUk Baionan, Udako Ikastaroen barruan, eta bertan parte hartuko du Katixa Dolhare Zaldunbidek. Ezpeletan sortu zen 1982an, Lapurdin, eta familiarekin Nafarroa Beherean... [+]
Hezkuntzak aurreikuspena zuzendu eta onartu du institutuak Zientzia, Humanitate eta Gizarte Zientzien Batxilergoko lehen mailan bi talde izaten jarraitzea.
Ekain amaieran, Hezkuntza Sailak ehunka irakasle funtzionario izendatu ditu: praktikaldia egitea falta dute, bai eta, irailetik aurrera, mediku-azterketa ere.
Azkeneko deialdian, mediku-azterketa azpikontratatu egin zuen Hezkuntza Sailak. Azpikontratatu zuenean,... [+]
Zein egitura behar ditugu herrian, haurrek herriko erabakietan parte har dezaten edota beharren bat badute bideratzen jakin dezaten? Galderari tiraka esperientzia pilotua egin dute lau herritan eta emaitza ezberdina izan da lauretan. Prozesua gidatu duen Oinherri Herri... [+]
Irakaslea zara eta lanordutan nahiz lanorduz kanpo, berehala erantzun beharreko mezuz josten zaituzte ikasleek, haien gurasoek, ikastetxeko zuzendaritzak, lankideek? Deskonexio digitalaren beharraz gogoetatu dugu, Aitor Idigoras irakaslearekin: "Ateak ixten eta mugak... [+]
Ingurumena, bioaniztasuna, uraren gestioa eta haurren beharrak oinarri hartuta, ikastetxeetako patioak aldatzeko proiektu kolektiboa jarri dute martxan Pirinio Atlantikoetan; Euskal Herriko lau herrik hartuko dute parte. Iruñean ere, itzal eta landare gehiago izango... [+]
Barañaingo Alaitz institutuko 26 ikasle batxilergoko zerrendatik kanpo gelditu dira, Nafarroako Hezkuntza Sailak gela bat murriztu duelako. Murrizketa salatzeko mobilizazioa egin dute.