“Ez gara krisi ekonomikotik ateratzen ari”
Espainiako Estatuko ekonomia hobera doala dioten ahotsen aurrean, bestelako irakurketa eskaini du Jorge Fabra “Economistas frente a la crisis” elkarteko lehendakariak, La Marea hedabidean Olivia Carballarrek egindako elkarrizketan irakur daitekeenez. “Ez gara krisi ekonomikoa atzeaz uzten ari”, argitu du.
“Murrizketa politiken eta lan prekarioa dakarten erreformen aplikazioa eragin ditu krisi ekonomikoak. Defizit publikoa ez da behar beste murriztu, eta Gobernu berriaren politikak baldintzatuko ditu horrek”, adierazi du. Defizit publikoa %5,16koa dela jakinarazi zuen Espainiako Ekonomia sailburuak ostegunean; Bruselak finkaturiko %4,2ko helburua ez da bete. Horrek pentsioak, hezkuntza eta gisakoak hobetzea zailduko duela salatu du ekonomialariak.
Krisi ekonomikotik irteteko lagungarri izan daitezkeen zenbait neurri iradoki ditu Fabrak. Besteak beste, kanpora begira jardutea proposatu dio Gobernuari: “Aliantzak bilatu behar ditu Europan. Portugalen, Frantzian, Italian edo Grezian aurki ditzake”.
Ekonomia politikei begira, bestelako norabide bat proposatzen du ekonomialariak: “Atzean utzi behar ditugu herritarrak lehenesten ez dituzten neurriak”. Larritasun sozialari aurre egitea, lan erreformaren indargabetzea eta gutxieneko soldata igotzea dira proposaturiko neurri nagusiak.
Juan Torres ekonomialari katedradunak ere berdintasunean oinarrituriko neurriak bultzatzeko beharra azpimarratu du, “indartzaileak eta egonkortasun ekonomikoa lortzeko orekariak” direla argudiatuz. Kezka azaldu du krisi ekonomikoaren aurrean hartzen diren neurriek berdintasunaren printzipioa kaltetzen dutela ikusita.
Ingurumen sailburu ohi Cristina Narbonak ekologiak ekonomian duen garrantzia azpimarratu du: “Ekologiarik gabe ez dago ekonomiarik”. Ideia indartu nahian, energia berriztagarriak sustatzeko zenbait neurri ezabatzeak ekonomian izan duen eragina salatu du Narbonak: “80.000 lanpostu suntsitu dira Espainian”.
Gazteei PFEZa murriztea edota zenbait kasutan deuseztatzea proposatu du Portugalgo Gobernuak, baina momentuz hizpidea baino ez du ipini, ez baitago argi aurrekontuak onartu ahalko dituen, gobernua osatzen duten alderdiek ez baitute-eta gehiengo parlamentariorik. Espainiako... [+]
2023ko urtarriletik indarrean da oinarrizko elikagaiei –duela hiru hilabetetik, oliba olioa talde horretan dago– BEZik ez aplikatzeko neurria.
Europar Batasuneko Justizia Auzitegiak Apple eta Irlanda kasua ebatzi, eta Googleren aurkako zigorra berretsi du, nagusitasunezko posizioaz abusatzeagatik.
Aparteko ordu boluntarioekin betetzen ari dira medikurik gabeko zerbitzuak Elizondon. Xabi Zarandona medikuak salatu du ezinezkoa dela gaixoen jarraikortasuna bermatzea.
Kalera atera dira salatzeko Bortziri eta Baztanen mediku eta pediatren falta, itxaron zerrenda amaigabeak eta hitzorduen atzeratzea jasaten ari direla, besteak beste. “Landa eremuan bizi garenok ere merezi dugu behar dugun bezala artatuak izatea”.
Etxebizitzen eta alokairuen prezioek mugarik gabe jarraitzen dute gorantz eta milioika lagun egoera oso prekarioan utzi ditu horrek: gazteek ezin dute emantzipatu, herritar asko euren auzotik ostikoka bota dituzte, eta beste askorentzat infraetxeak partekatzea da irtenbide... [+]
Europako Banku Zentralak interes tasak jaitsiko ditu ostegun honetan, bi urtetako etengabeko gorakadaren ondoren. Diruaren garestitze edo merkatzeak zuzeneko eragina du Euriborrean eta herritarrek ordaindu behar duten hipoteketan. Baina nola nabarituko da aldaketa hori?
Europar Batasuna pandemia aurreko zerga arau zorrotzetara bueltatzeko bidean da, Europako Parlamentuak estatu kideek duten defizita eta zorpetzea mugatzeko neurri fiskal berriak onartu ostean. Ecofinek 2023 urte amaieran erabakitakoari jarraiki, austeritate eta murrizketa... [+]
Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".
Atera berri dituzte zerga bilketaren datuak Araba, Bizkaia eta Gipuzkoako foru ogasunek, eta ikusi dugu inoiz baino diru gehiago jaso dutela. Berehala iragarri dute erreforma fiskalari buruzko gogoetarako beharrezko tartea hartuko dutela, ez dagoelako presarik, ezta premia... [+]
Europar Batasuneko Ekonomia eta Finantza ministroen Ecofin kontseiluak arau fiskal zorrotzagoak ekarri dizkigu opari urte berriarekin. Pandemia ondorengo norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Hego Euskal Herrian, egun indarrean dagoen neurri mesedegarri batek soilik jarraituko du aplikatzen, gutxienez ekainera arte: oinarrizko elikagaiei BEZik ez ordaintzea.
Europar Batasuneko 27 herrialdeetako ekonomia eta finantza ministroen kontseiluak arau fiskal zorrotzagoak ezartzea adostu du abenduaren 20an. Azken urteetako norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Gaur egungo eta etorkizuneko mundua ulertzeko gakoak eskaintzen dituen ezinbesteko liburua kaleratu du ARGIAk, Pello Zubiria Kamino kazetariaren eskutik. Aldizkariaren Net Hurbil sailean hogei urtez egindako artikulu mamitsuetatik abiatuta, munduko bazter askotako krisi eta... [+]
Araba, Bizkaia eta Gipuzkoako sektore publikoan greba eguna da gaurkoa, ELA, LAB, CCOO, Steilas, SATSE eta ESK sindikatuek deituta. Goizaldean abiatu dira lehen zutabeak eta manifestazioa handienak eguerdian egingo dituzte hiriburuetan.