Ez gai
Lantokirainoko ordubeteko joan-etorrietan, autoko irratia dut lagun. Atzoko bidaian, kontakizun laburrez osaturiko irratsaioaz gozatzeko aukera paregabea izan nuen, Karrantzara naraman bihurgunez betetako errepidearen azken mendateari ekiten nion bitartean. Kondaira motzak, bai, hitz gutxikoak, baina eduki handiko istorioak.
Edozein gertaera dela, egungo gizartean berehalako bideo edo argazkiak sare sozialetara igotzeko ohitura ez dago gelditzeko modurik. Batzuetan, harritzen nau irratiko esatariek jazoera gogorrak deskribatzeko erabili behar dituzten hitz-kopuru handiak. Beste batzuetan, gerrak, kasu, eskertzen diet kazetariei hura kontatzeko hitzik ez daukatela aitortzea, nire irudimena martxan jartzea lortzen baitute. Akaso, horixe baita helburua. Nork jakin!
Sarritan, berbak soberan daudelako pertzepzioa dut. Beilatokian, lagun bati ematen diogun besarkadak bost ele ordezkatzen ditu: "Ama bikaina izan duzu. Atsekabean lagun"
Sarritan, berbak soberan daudelako pertzepzioa dut. Gabonetan, aireportuko itxarongelako beiratearen beste aldean gaudela, besoa eta eskua altxatzeak lau hitzen esanahia du: “Ongi etorri etxera, alabatxo!”. Beilatokian, lagun bati ematen diogun besarkadak bost ele ordezkatzen ditu: “Ama bikaina izan duzu. Atsekabean lagun”. Ostiraletako poteoan, tabernara heldutakoan, aupa xume bat sei berbaren parekoa da: “Kaixo, lagunok. Zelan joan zaizue astea?”. Etxetik atera aurretik, bikotekideari ematen diogun musuak bederatzi berba aurrezten dizkigu: “Asko maite zaitut. Egun ona pasa eta kontuz errepidean”.
Ikasle batek HABEren azterketa baten idazlanaren emaitza ekarri dit gaurko eskolara, zuzenketaren irizpideak komentatzeko: egokitasuna, koherentzia, kohesioa, aberastasuna zein zuzentasuna; denetan C (nahiko). Berriz, emaitza ez gai. “Nolatan?”, galdetu diot. “Hamabi hitz faltan, Rafa, hamabi!” erantzun dit gixajoak.
Rafa Arriola
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Abenduaren 26an, aireko eraso batean, Israelgo armadak bost kazetari palestinar hil zituen. Haiekin 130 kazetari palestinar hil zituzten. Albiste horrek gauza pare bat gogorarazi dizkit, lehenengoa, benetako kazetariek jasaten duten jazarpena munduko edozein lekutan, adibidez,... [+]
Azken hilabete hauetan hainbat institututan lan egitea egokitu zait eta, uneren batean edo bestean, ikasleekin lan merkatuak eskaintzen dituen aukerez hitz egin behar izan dut. Ikasleen tipologia askotarikoa da eta hiri berean asko aldatzen da auzo batetik aldamenekora,... [+]
Historikotzat nekez har daitekeen argazkiaren erdian agertzen den neskatoa idazten ari da, zer eta izenorde zerrenda bat: ni, zu, hura, gu, zuek, haiek. Beherantz begira egonik, neskatoaren begirada nolakoa den antzeman ezinik gelditu naiz ni.
Argazkilariaren lanari soraio,... [+]
Barkatu hariztiak, artadiak, zumardiak, lertxundiak, lizardiak, haltzadiak, gaztainadiak, urkidiak, gorostidiak, sagastiak, pinudiak eta zuhaitzen elkarte guztiak, baina, gaur, pagadiak du hitzordua negu-mugako ospakizunak direla eta.
Errazagoa egiten zait negu-mugako... [+]
Badator Euskaraldia, berriz ere. Urte berriko udaberrian izango da oraingoan, antza. Dagoeneko aurkeztu dute eta, egia esanda, harritu egin nau; ez Euskaraldiak berak, ezpada beraren leloak: Elkar mugituz egingo dugu.
Irakurri edo entzun dudan lehenengoan, burura etorri zait... [+]
Ildo beretik dator Eusko Jaurlaritza berriaren politika. Hitzak bai, baina ekintzak ez dira argi ikusten Pradalesen gobernuak aurkeztutako aurrekontuan.
Nobedadea izan ohi da Durangoko Azokari lotzen zaion hitz entzunenetako bat. Nobedadea han, eta nobedadea hemen. Zenbaitetan, ordea, lehengokoari beste itxura ematea aski izaten da etiketa hori itsasteko. Talentu berriztagarriz birmasterizatutako CDek eta berrargitalpenek badute... [+]
Euskara txikitasunean handia den ur emaria dugu. Bertako tanta bakoitzak gure kultura ureztatzen eta biziberritzen du. Egarri den hari itsaso bete ur eskaini. Euskara putzu sakon eta ilun batetik etorri izan bada ere, guztiok atera dugu gure ur-gazi lagina, eta guztiok bilakatu... [+]
Gazteak gero eta lehenago hasten dira pornografia kontsumitzen; izan ere, bere sexu heziketa bakarra da pornoa. Nola demontre heldu gara honaino?
Gaur egun, onartu behar da Interneti esker pornografia ikustea askoz errazagoa dela. Tamalez, klik baten bidez 7-9 urte arteko... [+]
Joan den abenduaren 5ean, PPk lege proposamen bat aurkeztu zuen Nafarroako Parlamentuan, Nafarroako toki entitateetako Idazkaritza eta Kontu-hartzailetza lanpostuetan funtzionarizazioa lortzeko prozesuak bereizteko. Hori gertatuko balitz, 30 pertsona inguruk merezitako... [+]
Nazio Batuek abenduaren 10ean Giza Eskubideen Nazioarteko Eguna aldarrikatu zutenetik 51. urteurrena bete da aurten. Data horrek garrantzia hartu du Euskal Herrian eta Euskal Herriko Giza Eskubideen Behatokitik gogoetarako zenbait elementu eskaini nahi ditugu.
Nazioarteko... [+]
Bazen behin kulturaren gordailu bilakatu zen herria. Denboraren poderioz, munduko agintariek kultura adierazpide ororen aurka hartutako neurri murriztaileen erruz, herrien garra, sormena eta irudimena amatatuz joan ziren, emeki-emeki kandela bat bailitzan. Hala ere, herrialde... [+]
Elon Musken presentzia hedabideetan gora doa, suziri baten moduan, Etxe Zuriko lorategian lurreratu ostean. Lortzen ari den botereaz eta influentziaz asaldatuta omen daude beste botere batzuk eta, bere eragina gutxitzeko asmoz, X sarearen kontra kargatu dute. Azken asteetan The... [+]
Gure eskubideak, gure etorkizuna, orain! lelopean, Giza Eskubideen Nazioarteko Egunak 76 urteetako ondarea ospatzen du. Egunak mundu baketsuagoa, berdinzaleagoa eta jasangarriagoa eraikitzearen alde egitea du xede. Hala ere, aurrerapenak ospatzen diren bitartean, babesturik... [+]