“Ez dugu ekimen erreformistarik nahi, Mozal Legearen indargabetzea eskatzen dugu”
Hogei eragile sozialek baina gehiagok eginiko deialdiak dozenaka pertsona bildu ditu ostegun ilunabarrean Donostian adierazpen askatasuna aldarrikatu eta Mozal Legearen indargabetzea eskatzeko. Lege horren bitartez, Hego Euskal Herrian 2020tik hona 30.000 zigor baina gehiago ezarri direla estimatu dute.
Adierazpen askatasunaren aldeko aldarriak dozenaka pertsona bildu ditu ostegunean Donostian, Espainiako Gobernuak Mozal Lege gisa ezagutzen den Herritarren Segurtasunerako Legea erreformatzeko abiatu duen prozesuaren harira. Guztira 22 eragile sozial, sindikatu eta alderdi politikoren artean eginiko deialdiari erantzunez, giza kate bat egin dute hiriko erdialdean, “eskubide sozialen aurkako tresna” gisa ikusten duten legearen erabateko indargabetzea eskatzeko: “Ez dugu ekimen erreformistarik nahi, Mozal Legearen indargabetzea eskatzen dugu”.
Hala, dei egin diete Madrilgo kongresuan errepresentazioa duten euskal indar politikoei, Mozal Legearen indargabetzea ez dakarren proposamen orori uko egin diezaioten, “baldin eta lege horren benetako eraldaketa ez badakar behintzat”. Espainian PSOEren eta Unidas Podemosen gobernua posible egin zuen gehiengo parlamentarioa gogora ekarriz, legearen indargabetzea bi alderdi horien programetan zegoela nabarmendu dute ere: “Orain arte ez digute kasurik egin, baina orain posible da”.
Alderdi Popularraren (PP) gobernuak 2015ean aurrera ateratako legeak zazpi urte eta erdi bete ditu indarrean, eta ordutik Hego Euskal Herrian izan duen eragina “izugarria” dela adierazi dute protestaren deitzaileek, denborak aurrera egin ahala joerak “asko okertu” direla azpimarratuz. Hain zuzen, 2020tik hona, Hego Euskal Herrian Mozal Legea baliatuz 30.000 espediente baino gehiago zabaldu direla estimatu dute, horietatik 10.000 inguru “eskubide sozial, sindikal eta politikoekin loturikoak” direlarik.
Haien ustetan, “urteotako datuek argi eta garbi erakutsi dute Mozal Legea eskubide sozial, zibil eta politikoei frenoa jartzeko nolako tresna errepresibo garrantzitsua eta indartsua den estatu espainolarentzat zein botere ekonomikoentzat”. Eta, zentzu horretan, “kolektiboen eta pertsonen protesta kritikoa suntsitzeko diseinatua” dagoela berretsi dute.
Jaurlaritza eta udala ere errudun
Mozal Legea Espainiako araua den arren, Eusko Jaurlaritzak eta Donostiako Udalak ere haren erabilera zuzena egiten dutela salatu dute protestan ari zirenek, Ertzaintzaren eta Udaltzaingoaren bitartez legea mugimendu sozialen aurka baliatzen dutela leporatuz: “Dena bihurtu dute delitu: biltzea, manifestatzea, abestea, idaztea, hitz egitea, informatzea, protestatzea…”. Hori dela eta, giza katearen ibilbideari jarraituz, Donostiako udaletxea inguratu dute eta bere sarreran lau metroko isun erraldoi bat itsatsi dute eraikina zaintzen duten udaltzainen begiradapean.
2024ko urriaren 29an epaiketa izan zuen Arabako Mendiak Aske taldeko kide batek, 2022ko otsailean jaso zuen isunaren harira. Isuna ordaintzera zigortu du epaileak Mozal Legea aplikatuta. Iturrietako mendietan oinez zihoazen, lehen mendi martxa antolatzeko prestaketa lanetan,... [+]
Apirilean Jaurlaritzako Segurtasun Sailak gazte antolakundeko 133 kideri jarritako isunen harira manifestua aurkeztu du Ernaik. Euskal Herriko 32 eragile sozial, sindikatu eta alderdi politikok egin dute bat idatziarekin. Isunek antolakundea “itoarazi eta politikoki... [+]
Urriak 29 goizean egin da Gasteizen, Arabako Mendiak Askeko ordezkari moduan identifikatu eta Mozal Legearen bidez jarri zioten isunari buruzko epaiketa. Lurraren defentsan ari diren kideak atarian batu dira elkartasuna adierazteko eta zera adierazi dute: "Nahikoa da esan... [+]
Harreman bertikal eta asimetrikoen adibideak asko dira, eta beti ez zaigu rol bera egokitzen. Horrela, zenbaitetan, batzuek erabakitzen dute eta erabakitakoa gauza dadin lan egingo dute; gainontzekoen funtzioa da “goian” hartutako erabakiak gauzatzea edota onartzea... [+]
Asteartean EH sareko partaide batek Mozal Legearen bidez jasotako isun baten harira epaiketa izango du. Mendian, sarraskitu nahi dituzten mendi horietan ibiltzearren eta lurraldearen, lurraren, zaintzan eta defentsan aritzearren ertzaintzaren jazarpena jasan zuen. Beste behin... [+]
Iturrietako Mendietako lehen mendi martxa antolatzen ari zirela, 2021ean, kide bat identifikatu zuen ordezkari gisa ertzaintzak eta Mozal Legearen bidez isuna ezarri zion. "Muntai poliziala" salatu du Arabako Mendiak Askek eta zera aldarrikatu du: "Lurraren eta... [+]
Foru Legebiltzarraren arabera, “oinarrizko eskubideak eta askatasunak murrizten dituen legea da, eta zigor-atal neurrigabea du, demokrazia aurreratu bati ez dagokiona”.
Amaiur Egurrola Ernairen bozeramaileak azaldu du Ernairen aurkako operazioari erantzuteko bildu direla, “baina batez ere gazteria independentista kalean dagoela esateko”. Eusko Jaurlaritzak ia 300.000 euroko isuna ezarri die Ernaiko 133 kideri, Aitor Zelaia eta... [+]
Astearte goizean iragarri du Díazek Mozal Legearen “indargabetzea”, baina eguerdian Pilar Alegría Espainiako Gobernuko bozeramaileak eta Enrique Santiago Sumarreko bozeramaile laguntzaileak adierazi dute 36. artikuluko arau-hauste batzuetara mugatuko... [+]
20 lagun baino gehiago elkartzeko baimena eskatu behar dela dio legeak, eta apirilaren 25ean Altsasun 22 lagun elkartu zirela argudiatuta zigortu dute ekimena. Aldatu Gidoiak salatu du “politikan parte hartzea eragozteko” legea dela.
Segurtasun Sailak Ernaiko gazteen aurka egin du, eta zigor desproportzionatua ezarri die bidezko protesta bat egiteagatik, hala nola Aitor eta Galder lankideen espetxeratze arbitrarioaren kontra egiteagatik. Herritarren Segurtasunerako Lege eztabaidagarria erabili du... [+]
Aske antolakundeak aldarrikatu du elkartasuna eta amnistiaren aldeko borroka ez dela delitua. Eta, Ertzaintzak indarkeria erabiltzeko duen inpunitatea kritikatu du. Antolakundekoei jarri dizkieten isunak ordaintzeko, urriaren 5ean antolatuko duten elkartasun egunerako deia... [+]
"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]