“Euskaraz egitea errespetu faltatzat du epaileak, baina berak tratatu ninduen begirunerik gabe”
Larunbatean Donostiako Emakumeen Triatloian euskaraz egiteagatik deskalifikatu zutela salatu zuen kirolariarekin hitz egin du ARGIAk. Berak eta bere ahizpak publiko egin zuten kexa-idatzia goitik behera berretsi du. Gipuzkoako Triatloi Federazioak gertakizunaren bestelako bertsioa eman du eta kirolariak adierazi du bertsio horretan gezurrak esan dituztela. Helburu garbi bat dute bi ahizpek: horrelakorik ezin dela gertatu garbi geratzea.
“Erdaldun batzuk ez daude ohituta euskaldunek aurre egiten. Guk epaileei aurre egin genien eta errespetu faltatzat hartu zuten. Nik Marta Berasategiri esaldi batzuk euskaraz esan nizkion eta beste batzuk gaztelaniaz. Euskaraz egiten nion konturatzen nintzelako ulertzen zidala, erantzun egiten zidan".
Hizkuntza ohiturak aldatzeko hainbat herritan egin diren saioetan asmatutako ahobizi (ahal duen egoera guztietan euskaraz egiten du) eta belarriprest (euskaraz ulertzen duela adierazten du eta berari mesedez euskaraz egiteko, nahiz eta berak gaztelaniaz erantzun) rolak ezagutzen ditu, eta praktikatu du. "Badakit belarriprest-ekin nola jokatu. Euskaraz saiatu eta ulertzen ez didala konturatuz gero badakit gaztelaniara aldatzen, ohituta nago. Ez nintzen nire onetik atera, hasierako tonu berean aritu nintzen hitz egiten. Horregatik diot, ez daude ohituta jendeak aurre egiten eta errespetu falta dela uste dute. Nik hari errespetua galdu ala alderantziz?", galdetu du izen-abizenak eman nahi ez dituen kirolari donostiarrak.
Proba bukatu eta hainbat ordura konturatu ziren gertatu zitzaiena larria zela eta orduan kexa jartzea erabaki zuten. Behatokian, Elebiden, Donostiako Udalean, Atletico San Sebastian-en eta Gipuzkoako Triatloi Federazioan kexa aurkeztu zuten. Larunbateko probaren bi antolatzaileen erantzun ofizialik ez dute jaso asteartera arte. Astearte goizean, Atletico San Sebastian taldeari bilera eskatu eta baiezkoa jaso dute.
"Larunbat arratsalde hartan, hura gertatu eta ordu batzuetara, futboleko gertaera hartaz gogoratu ginen eta kexa publiko egitea erabaki genuen, jakinda saltsa sortuko zela eta horri guztiari erantzun beharko geniola”, esan dio ARGIAri kirolariak.
Bi kirolariek egin duten kexa-idatzian diote halako esaldiak entzun zituztela larunbat arratsaldean: "Yo soy la directora de carrera y a mí me vais a hablar en castellano", "Pues que se vayan a Cataluña y hablen en euskaera a ver qué les dicen", "si eso, empiezo a hablar en inglés, que también sé".
Gipuzkoako Triatloi Federazioak epailea mehatxatu izana egotzi diola adierazi diogu kirolariari. Kirolariak dio berak ez zuela epailea mehatxatu, litekeena dela "Marta Berasategi, proba bukatzen denean, gai honetaz hitz egingo dugu" esan izanari mehatxua deitzea, hori esan ondoren kartulina gorria atera eta deskalifikatu egin baitzuen Berasategik.
Jarraian emakume honek Hizkuntz Eskubideen Behatokian jarritako salaketa.
.jpg)
Ertzain patruila batek hizkuntz tratu desegokia eman diela salatu dute Donostiako bi herritarrek. Isuna jaso zuten, behin eta berriz euskaraz artatuak izateko eskatu ondoren. Arartekoak kargu hartu dio Ertzaintzari.
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
Euskalgintzaren Kontseilua hizkuntza larrialdia bizi dugula ohartarazten ari da azken astetan. Urte dezente pasa dira euskararen biziberritze-prozesuaren egoera bidegurutzean, errotondan, inpasse egoeran eta antzeko hitzekin deskribatzen hasi zenetik, hizkuntza politikek... [+]
Korsikako legebiltzarkideek ezin dute Korsikako Asanblean korsikeraz hitz egin, Bastiako Auzitegiaren 2023ko epai baten arabera. Ebazpen horri helegitea jarri zion Asanbleak, baina debekua berretsi du orain auzitegi berak. Epaiak tokiko beste hizkuntzei eragiten diela ohartarazi... [+]
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Donostiako Decathlon saltoki handiak errotulazioak euskaraz ez dauzkalako kexa jarri du kontsumitzaile batek Behatokian. Saltokiaren erantzuna (gaztelaniaz) esanguratsua da: Erkidegoko legeak ez du jasotzen inongo inposiziorik karteldegia euskaraz jartzeari buruz. Alegia, lege... [+]
Kabia organismoaren zaharren egoitzetan 54 plaza egonkortzeko 2022an onartutako lan-eskaintza bertan behera utzi du Donostiako epaile Gonzalo Pérez Sanzek. Gipuzkoako Aldundiaren erakundeak jarritako hizkuntza eskakizuna gehiegizkoa eta baztertzailea dela dio epaileak.
6.000 eurotik 10.000 eurorainokoak izango dira zigorrak. Katalana da Andorrako hizkuntza ofizial bakarra, nahiz eta biztanleen erdiaren ama hizkuntza gaztelania den.
Eusko Legebiltzarrera heldu da gaia, eta pobrea izan da Eusko Jaurlaritzaren erantzuna. Osakidetzak medikuak falta dituen arren, apenas handitu diren Medikuntza ikasteko plazak EHUn. Gainera, karrera euskaraz ikasteko plaza gutxiago eskaintzen dituzte espainolez baino, nahiz eta... [+]
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Justizian, osasungintzan eta gizarte zerbitzuetan euskara bermatu dadin, zerbitzu publikoak euskaraz jaso ahal izan daitezen, Nafarroako zonifikazioa amaitu dadin eta ETB3 Nafarroa osoan ikus dadin neurriak hartzeko eskatu dio Espainiako Gobernuari Europako Kontseiluko Adituen... [+]
Filosofiako laugarren mailan, EHUn, nahitaez ikasgairen bat gaztelaniaz hautatu behar dute ikasleek, ez baitago nahikoa ikasgai euskaraz. Gaztelaniazko ikasleek ez dute arazo hori, eta bitxia da, euskarazko ikasle gehiago dagoelako gaztelaniazkoak baino. Beste karrera batzuetan... [+]
Irailaren 18koa da azken sententzia: Donostiako udaltzaingorako lanpostu deialdiaren euskara eskakizuna atzera bota du EAEko Justizia Auzitegi Nagusiak. Euskalgintzaren Kontseiluak eta Donostiako Bagera Euskaltzaleen elkarteak elkarretaratzea deitu dute Donostian, Alderdi... [+]
Herritarrak eskatzen du seinaleak euskaraz jartzeko. Gobernuak erantzuten dio legeak ez duela horretara behartzen. Behatokiak erantzuten dio, legeak ez badu derrigortzen ere, euskaraz jartzeko debekurik ez duela. Gobernuak bereari eusten dio. Alabaina, herritarrak tematzen dira... [+]