Ez Dago Hilda festibala urriaren 28an ospatuko da Berriozarren “eszena autogestionatuarentzat” lokal bat helburu
Ez Dago Hilda festibalaren antolakuntzak azaldu duenez, festibal honen helburua dirua lortzea izanen da Iruñerriko eszena autogestionatuak behar duen entsegu espazio bat eskuratzeko. Urriaren 28an Berriozarko Ilargi parkean ospatuko da hirugarren edizio hau.
Gaztetxeek eszenari emandako laguntza eskertze bidean, eta Iruñerriko gaztetxeek jasandako errepresioa apaltzeko 2 jaialdi ospatu ondoren, Ez Dago Hilda ekimenak eszenak dituen beharrak identifikatzeko inkesta bat zabaldu zuen musika taldeen artean. Helburua, behar horiei aurre egiteko tresnak lortu eta eszenaren eskutara jartzea.
"Inkestaren emaitzen bidez entsegu gela zein areto pribatuen presentzia altua nabaritu dugu", adierazi dute antolatzaileek. "Horretaz gain, eskaintza kulturala mugatua dago udaletxe edo interes pribatuentzat etekinak bermatzen dituzten eskaintzak direlako gehien ikusten direnak, gainontzeko eskaintzak espaziorik gabe geratuz. Azken finean, honek eskaintza musikala mugatzen du, entzuleak entzun eta musika taldeek jotzen dutena estandarizatuz".
Inkestaren datu hauekin, jaialdiaren antolatzaileek erabaki dute hemendik aurrera antolatuko den guztiaren etekina eszena autogestionatuak dituen beharrak asetzeko lokal bat lortzea non taldeek entseguak eta kontzertuak antolatzeko aukerak izango dituzten, beti ere modu autogestionatu batean.
Urriaren 28an Berriozarren
III. EDH Fest urriaren 28an ospatuko da Berriozarko Ilargi parkean. Aurten egun bakarrekoa izanen da, goizeko 12:00tan ateak ireki eta 12 talde izanen dira oholtza gainean gaueko 4:00rak arte. Ibil Bedi, Perlata, Xoriñoak Kaloian, Kaleko Urdangak, Streetwise, Katu, Burutik, Los Zopilotes Txirriaos, Skabidean, Attürri, Penadas Por La Ley eta Azken Sustraiak izan dira arituko diren musika taldeak.
Dagoeneko sarrerak salgai dira 22€ truke Iruñeko Aitzina, Ezpala eta Herriko tabernetan, baita, online ere festibalaren webgunean.
Berriozarko herriari eskerrak eman dizkiote laguntza guztiagatik eta herria errespetatzeko deia luzatu dute.
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.
Pasa den asteko "kaleratze ilegala" salatu dute hainbat herritarrek, ostiral arratsaldean.
Manifestazio jendetsu batek herriko kaleak zeharkatu ditu, Poliziaren gehiegizko dispositibo batek zainduta, gazteek kudeatutako guneen defentsan eta Gaztetxeak erasoen aurrean defendatzeko. Manifestazioaren amaieran, publiko egin dute iragarpena.
Amenabar enpresak Bilboko Udalaren eskutik apirilaren 4rako agindu duten desalojoaren kontra azaldu dira bilkuran. Poliziak indarrez kanporatu ditu. Ostiral honetan18.30ean, Errekaldeko Plazatik hasiko den manifestaziora batzeko deia luzatu dute gazteek, baita desalojoaren... [+]
Bilboko Udalak eta Amenabar enpresak proiektu urbanistiko baten pean itxi nahi dute 10 urtez auzoko bizitza sozialaren erdigunea izan den topalekua. Horren aurrean, hiriko 55 kolektibok baino gehiagok manifestu bat sinatu dute prozesua gelditzeko exijitzeko.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]
EH Bildu agintean dagoen udalak gaztetxearen etorkizuna ziurtatzeko aterabide bat adosteari "uko" egin diola salatu du Burlatako Gazte Asanbladak. Beste hainbat gaztek udaletxe kanpoan kanpatu dute, eta goizean zehar bertara hurbiltzeko dei egin dute.
Iruñerrian bat egin dute hainbat Gazte Asanbladak, Burlatako Gaztetxearen alde. Etxarriren desalojoa gelditzera deitzeko, bestalde, manifestazio bat antolatu dute Bilbon hilaren 28rako.
Asteburu honetan hasiko da Gaztetxeak Bertsotan egitasmo berria, Itsasun, eta zazpi kanporaketa izango ditu Euskal Herriko ondorengo hauetan: Hernanin, Mutrikun, Altsasun, Bilboko 7katun eta Gasteizen. Iragartzeko dago oraindik finala. Sariketa berezia izango da: 24 gaztez... [+]
Errekaldeko Gaztetxearen aurkako huste-agindua heldu da jadanik. Espazioa defendatzera deitu dute bertako kideek.
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
Larrabetzuko Hori Bai Gaztetxeak 60 urte bete ditu. Euskal Herriko Gaztetxe zaharrena da Larrabetzukoa.
1965ean sortu zen Larrabetzuko Hori Bai gaztetxea, frankismo garai betean. Ordutik ez ditu ateak itxi, eta 2025ean 60 urte bete ditu. “60 urte lotu barik” lelopean eman diote hasiera urteurrenari gaztetxeko kideek.
Eraikin osoan zehar egin dituzte margoketa faxistak. Erasoa salatzeko, protesta bat antolatu dute larunbaterako.
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko... [+]