“Ez da oinarrizko prestazio sozialetan murrizketak egiteko sasoia”
LAB sindikatuak adierazi du gizarte segurantzak hartu duela beregain berez zerbitzu sozialen eskuduntza den gutxieneko diru-sarreren errenta. Hego euskal herritarrentzat ez dakarrela onurarik azaldu du, eta burokratizazioa gehitzea ekarriko duela, "jasotzaileen kaltetan". Zenbatekoa Laneko Gutxieneko Soldatarekin parekatzeko eskatu die Jaurlaritzari eta Nafarroako Gobernuari.
LABek adierazi du Espainiako Gobernuak onartutako bizitzeko oinarrizko errenta eta Nafarroako eta EAEko errentekin uztartu beharrak "konplexutasuna eta burokratizazioa gehitzea" ekarriko duela errenta hauen tramitazioan, "jasotzaileen kaltetan".
"Gizarte segurantzak hartu du bere gain, bere arautzetik kanpo zegoen gai hau"
Sindikatuak oroitarazi du gutxieneko diru-sarreren errentak asistentzia soziala eta zerbitzu sozialetako eskuduntza esklusiboen parte direla. "Hortaz, kontua ez da, EAJk esaten duen bezala, gizarte segurantza deszentralizatu denik. Gizarte segurantzak hartu du bere gain bere arautzetik kanpo zegoen gai hau".
Hego Euskal Herriko herritarrei onurarik ez
Espainiako Gobernuak onartu berri duen bizitzeko gutxieneko errentak "ez luke inolako eraginik izango EAEn DSBE eta Nafarroan Errenta Bermatua jasotzen dutenen prestazioetan, bere zenbatekoa apalagoa delako", LABek azaldu duenez. "Beharrizan egoeran dagoen jende gehigori estaldura zabaltzeko ere ez luke balioko, berau jasotzeko baldintzak murriztaileagoak baitira. Adibidez, 65 urtetik gorakoak eta paperik gabeko migranteak kanpo geratuko lirateke". Argilan-ESK plataformak adierazi du 21 urtez beherakoak ere kanpo geratuko liratekeela.
LABek EAEko zenbaki beltzak agertu ditu: "2018ko EAEko Pobrezia eta Gizarte-Ezbedintasunen Inkestak zehazten zuen moduan, 70.000 pertsona daude prestazio sozial bat jaso eta pobrezia egoeran daudenak eta beste horrenbeste, egoera berdina bizi arren babes sozialerako sistemara sarbiderik ez dutenak. Bizitzeko gutxieneko errentak ez dakar inolako aurrera pausorik honen inguruan".
Honen aurrean, sindikatuak dio gakoa dela "ea nola artikulatzen dugu babes sozialeko euskal sistema bat, bazterkeria sozialeko egoeran bizi diren guztiei estaldura bermatuko diena".
EAEn DSBE ez murrizteko eta Nafarroan Laneko Gutxieneko Soldatarekin parekatzeko eskaera
EAEn Diru Sarrerak Bermatzeko Errenta murrizteko erreforma bertan behera uzteko eskatu die EAJ eta PSEri eta Nafarroako Gobernuari Errenta Bermatua Lanegko Gutxieneko Soldatarekin parekatzeko. Azken hau izan zen Euskal Herriko Eskubide Sozialen Kartak bi parlamentuetan aurkeztu zuen proposamena (LGSrekin ekiparazioa), urtarrilaren 30eko greba orokorreko aldarrikapenetan jaso zena.
"Ez da oinarrizko prestazio sozialetan murrizketak egiteko sasoia. Babes soziala herritar gehiagori eta baldintza hobeetan zabaltzeko sasoia da, pandemiaren ondorengo zaurgarritasun egoeren gorakadari aurre egiteko" erantsi du LABek.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]
Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]
Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.
Amazon ondoren Glovo, Deliveroo eta Uber Eats-ek gure hiri eta auzoetako bizimodua hankaz gora jarri dutela uste baduzu, adi hurrengo uhinari: heldu dira Cajoo, Flink, Dija, Gorillas, PicNic , Everli... COVID-19 betean sortuta, tximista bezala zabaltzen ari diren banaketako... [+]
Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]
Nafarroako Gobernuak bart gauerditik aurrera indargabetu ditu COVID-19aren aurkako neurri murriztaile gehienak. Kalean eta ikastetxeetako patioetan ez da derrigorrean maskararik erabili beharko, gaueko aisialdiak eta ostalaritzak pandemia aurreko ordutegiak berreskuratuko... [+]
"Osasun Sailaren immobilismoaren eta konponbide ezaren aurrean", otsailaren 25ean greba deitu dute lehen arretan ELA, SATSE, LAB, CCOO eta UGT sindikatuek eta otsailaren 28an Osakidetzako esparru guztietan. Horrez gain, otsailaren 26an manifestazioak egingo dituzte... [+]
Zizt! Hor dator berriz ere, bularraldean sentitu dut goizean goiz, arraroa da benetan ziztada hau.
Zizt! Jertsearen gainetik bihotzaldea igurtzi dut, emeki. Ea pasatzen den, esan dut baxu, inork ez entzuteko moduan. Gaur egun kontuz ibili behar da nork-zer entzungo duen... [+]
La Bogue da Frantziako Limousin (okzitanieraz Limosin) eskualdeko hedabide alternatiboa. Kolektibo autonomo batek kudeatua, boluntarioek egina eta militantea, bere burua kokatzen du mugimendu anti-autoritarioaren baitan. Bertan agerturiko artikulua itzuli dugu euskarara.
“Proba bat egin ostean, COVID-19an positibo eman dut. Ondo nago, sintoma arinekin. Hurrengo egunetarako aurreikusitako agenda publikoa atzeratu eta konfinamendutik lanean segituko dut”. Kendu agenda publikoaren zera hori erditik, eta edonorenak izan zitezkeen... [+]
Igande eguerdian milaka lagun atera dira Donostia, Bilbo eta Gasteizko kaleetara gehiengo sindikalak deituta, kalitatezko osasun publikoaren alde eta Lehen Arreta jasaten ari den kolapsoaren aurka. Oso gogor mintzatu dira Iñigo Urkullu buru duen Jaurlaritza osasun... [+]
Osakidetzaren azken protokoloak dio positibo baten kontaktu estua izanagatik COVID-19a azken 180 egunetan pasatu duenak, txertatuta egon edo ez, ez duela etxean berrogeialdirik egin beharrik, baldin eta ez badauka sintomarik.
Txertoaren hirugarren dosia abian da herrialde aberatsetan eta laugarren dosia ere ezarriko zaie arrisku taldekoei. Denborarekin txertoek eragindako antigorputzak galdu egiten dira, eta horiek gehitzeko errefortzu dosiak jartzea da gobernuen estrategia. Baina txertoen alde... [+]
Zientzia politika publiko bihurtzen den modua kalkulu politiko eta ekonomikoek gidatzen dute, baita politikariek, alderdiek eta aholkulariek dituzten konpromiso moral eta ideologikoek ere”. Hala zioen Jana Bacevic soziologoak 2020ko apirilean The Guardian-en.
Denok... [+]