Ez da eskiatzeko elurrik izango Pirinioetan, baina Canal Roya berriz arriskuan Aragoiko PP-Voxekin
Joan den maiatzean Aragoiko Gobernuak (PSOE) atzera egin zuen Pirinioetako Canal Roya bailarako telekabina proiektu erraldoiarekin, ordura arte kemenez bultzatu zuena. Orain laino beltzenak ostera ere itzuli dira natur gune preziatura.
Maiatzeko hauteskundeen ondoren PPren eta Voxen koalizio batek gidatzen du Aragoiko Gobernua eta Heraldo de Aragón egunkarian Mar Vaquero Ekonomia kontseilariak adierazitakoaren arabera, ahaleginak egingo dituzte ikusteko ea zer aukera dagoen proiektua berpizteko, gobernuak beharrezkoa ikusten baitu.
Proiektuarekin hiru eski estazio batu nahi dituzte, Astun, Candanchu eta Formigal, baina horretarako Canal Roya bailara txikituko lukete, era guztietako elkarte eta adituk salatu dutenez. Urteetan Aragoiko lehendakari izan den Javier Lambánek (PSOE) ere argi esan zuen proiektuari agur esaterakoan: “Pirinioetatik eskatu zidaten hau eta orain Pirinioek egiten dute zalantza”. Inguruko udal handienak diren Sabiñanigo eta Jacari egiten zien erreferentzia, hango udalak proiektuaren aurka agertu ondoren.
Orain, datorren irailaren 30ean hainbat elkartek deitutako mendi martxa bat egingo dute Canal Royara, Formigal aldetik abiatuta, eta proiektuaren itzulera salatzeaz gain, eskatuko dute Anayet eremua parke natural izendatzea, haien aburuz hori baita “proiektu suntsitzaileari galga jartzeko era bakarra”.
Pirinioetako eski estazioak arriskuan
Canal Royako proiektuari izaera suntsitzailea egotzi diote, baina surrealismoa ere bai, kontuan hartuta hiru eski estazio batzeko eraiki nahi dela, noiz eta ikerketa guztiek diotenean etorkizunean Pirinioetan ez dela pistetan eskiatzeko elurrik izango.
Abuztuaren amaieran Nature Climate Change aldizkariak argitaratutako artikulu batean azaltzen denez, klima %1,5 berotzen bada, Europako estazioen %32 elur faltan izango dira. Baina, aurreikuspenen arabera, hori baino gehiago igoko da eta datozen hamarkadetan hiru graduko igoera ere oso posible litzateke.
Azken eszenatoki hori emango balitz, Pirinioetako estazio gehienak arriskuan leudeke, Kazeta.eus-en agertu duten bezala. Pirinioetako estazioak dauden altueretan hiru graduko beroketa emango da, eta horrek arriskuan jarriko ditu estazioen %98.
Aipatzen den elur eskasia hori, dena dena, aspalditik sumatzen ari da Pirinioetako estazioetan. Horri aurre egiteko elur kanoiak gero eta gehiago ari dira erabiltzen, baina horrek ur eta energia xahutze handia dakar eta, gainera, hiru graduko igoera hori beteko balitz, alferrikakoa litzateke, ez duelako kanoiak erabiltzeko nahiko hotz egingo.
Ingurumena, bioaniztasuna, uraren gestioa eta haurren beharrak oinarri hartuta, ikastetxeetako patioak aldatzeko proiektu kolektiboa jarri dute martxan Pirinio Atlantikoetan; Euskal Herriko lau herrik hartuko dute parte. Iruñean ere, itzal eta landare gehiago izango... [+]
A zer lanak ematen dizkigun! Txoratzen gaitu tomateak (Solanum lycopersicum). Artaxoakoa dela, edo Tuterako Itsusia, edo Aretxabaletakoa, edo Erandiokoa, pikoluzea, gerezia dela, madari tomatea dela, Igeldo, mendigorria, transgenikoa dela, Eusko Labela dela, idi-bihotza, korta... [+]
Joxe Blanco Gomez laudioarra Lamuzanaturgunea blog-aren bultzatzaile eta Laudiokolore ekimeneko kidea da. Urteak daramatzate Laudion basa landareen inguruko sentsibilizazioa eta formazioa egiten, eta maiatzean, Arraño mendiko baso orkideen inguruko jardunaldiak egin... [+]
Kakalardo adar-luze honen irudiak ez du zalantza izpirik uzten: ez du parekorik. Gure lurretan, eta Europa osoan ere, genero honetako espezie bakarra da. Bere tamaina handiak (kakalardo bat izateko, noski) eta bere kolorazioak gure begietan betiko txertatzen dira ikusteko... [+]
Astebete pasatxo eman dut artaldeaz hausnarrean. Lehenago ere eskaini izan dizkiot tarteak artalde kontzeptuari ematen zaion erabilerari, baina orain dela astebete izandako elkarrizketak berritu du hari buruzko hausnarra eta paper honetara ekarri nau.
Zeintzuk dira gure benetako beharrizanak ondo bizitzeko? Zer da ondo bizitzea? Galdera hauei erantzutea funtsezkoa da gehiegikeriaren gizartean, are gehiago larrialdi klimatiko, ekologiko eta zibilizazio krisiaren garaiotan.
Europa mailako Critical Raw Materials Act edo Lehengai Kritikoei buruzko Legea indarrean sartu berri da. Klima larrialdiaren testuinguruan energia berriztagarriak garatzeko, mineralen eta metalen horniketa "seguru eta iraunkorra" bermatzera datorren legea izan... [+]
A69 autobidearen aurkako mugimenduaren topagune eta borroka gune izan da Okzitaniako Tolosa eta Castres hirien arteko lurraldea ekainaren 7tik 9ra. Dozenaka kolektiboren deiari erantzunez, 6.000 lagun batu dira bertan eta Frantziako Estatuko Barne ministro Gérard... [+]
Azken urteotan nabaritu den beroketa globalaren emendatzea neurri batean kutsadura murriztearen ondorioa da, hain zuzen, murriztuz doazen aerosol sufredunen isurketek, berez, berotegi efektuaren zati bat konpentsatzen dutelako. Paradoxa horrek egoera berri batean sartzen gaitu,... [+]
Urteak daramatza Cederna Garalur landa garapenerako elkarteak elikaduraren eta lehen sektorearen inguruko lanketa egiten Nafarroako Mendialdean. Elikadura osasuntsurako eta kontsumo jasangarriago baterako bidea egitea da asmoa, eta bide luze horretan, egitasmo berria gauzatu du:... [+]
Baso naturaletan estratu eta funtzio ezberdinak betetzen dituzten espezieak aurkitzen ditugu. Batzuek gaina hartuko dute, eta mende ugari bertan igaroko dituzte. Beste batzuek lehen urratsak emango dituzte, baso-kideengatik sakrifikatuko dira eta beraien gorpu ustelak sistemari... [+]
Gaztea denean ez du zalantzarako tarte askorik uzten. Suge gorbatadunak badu ezaugarri bat gainontzekoetatik bereizten duena: gorbata. Gorbata, edo batzuek deitzen dioten moduan, lepokoa. Izan ere, kolore arre edo ilun, berdexka edo urdina izan badaiteke ere gorputza, buruaren... [+]
Ostegunean hasi da uda. Hartara, udaberriko eguraldiaren balorazioa eta udakoaren iragarpena egin du gaur AEMETek. Apirila 1961az geroztik hilabeterik lehorrena izan den arren, udaberri “arrunta” izan da eta uda ohi baino beroagoa izatea aurreikusi dute.