“Ez da armagabetzerik izango Espainiako Gobernuaren konpromisorik gabe”
Brian Currin Nazioarteko Harreman Taldeko kidea elkarrizketatu du Diagonal hamabostekariak. Lokarriren agur ekitaldian izan da Currin eta azaldu du Espainiako Gobernuak presoen gaia ez eztabaidatzeak "bake prozesua luzatzea" dakarrela.
Euskal Herriko gatazka Irlandakoarekin alderatzean egoeren desberdintasuna azpimarratu du Currinek, Irlandan amnistia eskatzen zelako eta Euskal Herrian presoen gerturatzea. Arazo horrek ez lukeela gai politikoa izan behar uste du: “Nazioarteko Giza Eskubideen Konbentzioak presoek familiengandik gertuen dauden espetxeetan egon behar dutela dio”.
Frantzia Espainiako Gobernuarekin lerrokatzea “zoritxarrekoa da” abokatu hegoafrikarraren ustez. Horrelako prozesuetan erakunde paramilitar edo terroristekin lotura edukitzeagatik preso dagoen jendea aske utzi beharko litzatekeela adierazi du Currinek, “odol krimenik bere gain ez dutelako”.
Espainiako Gobernuaren konpromisorik gabe armagabetzerik ez dela egongo uste du Nazioarteko Harreman Taldeko kideak. Irlandako prozesuarekin alderatu du hau. “IRAri ez zitzaion eskatu armak Britainiako Gobernuari emateko –azaldu du Currinek–, ‘arma kaxetan’ sartu eta nazioarteko ikuskatzaileek hori egiaztatzea baizik. Kontua ez zen izan estatuaren aurrean amore ematea”.
Euskal Herriko gizartea blokeo egoeraren aurrean egiten ari dena oso positiboki baloratzen du Currinek: “Ikusgarria da gizartea ematen ari den erantzuna. Baita ere EAJrena, Eusko Legebiltzarrarena, bereziki Urkullu lehendakariarena, eta Bildu eta ezker abertzalearena, noski”.
Brian Currinek gidatutako Harremanetarako Nazioarteko Taldeak (HNT) iragarri du bere lana bukatu duela, agindu zitzaion lanaren parte handi bat bete dela ulertuta. Naiz-ek aurreratu duenez, hurrengo astean baloratuko dute Euskal Herriko gatazka armatuaren amaiera lortzeko... [+]
Harremanetarako Nazioarteko Taldea (HNT) urri bukaeran edo azaro hasieran iritsiko da alderdi eta eragile sozialekin hitz egiteko. Hauteskundeen ostean bakerako oztoporik ez egotea nahi dute.
Brian Currin mintzo: “Prozesua bide onean doa. EPPK-k eta iheslariek marko legala onartu dute. Politikoak engaiatu dira, gehienak, ez denak. EAJ eta Urkullu lehendakaria, lehen aldiz. Estatuak ez, orainokoan. NHTko ordezkariak poliziak galdekatuak izan ginen atzo... [+]
Brian Currin abokatu eta Harremanetarako Nazioarteko Taldeko (HNT) kidea elkarrizketatu du Público egunkariak. ETAren barruan gerta litekeen zatiketari dagokionez, argi utzi du berak ez duela halakorik aurreikustera eraman gaitzakeen inolako informaziorik. "Beste... [+]
"Brian Currin abokatu hegoafrikarra da ETA ez desagertzeko interes handiena duena, bere lanagatik kobratzen jarraitu ahal izateko", esan zuen atzo Antonio Basagoiti EAEko PPko buruak, Europa Press agentziari eskainitako elkarrizketan. "Euskal Herrian galdera... [+]
Josu Urrutikoetxea, David Pla eta Iratxe Sorzabal ETAko kideak Ram Manikkalingam eta Jonathan Powellekin harremanetan izan dira Oslon, Norvegiako gobernuaren baimenarekin, Efe agentziak argitaratu duenez. Nazioarteko Egiaztatze Batzordea (NEB) Euskal Herrian ere... [+]
Elkarrizketa eta bizikidetza izeneko nazioarteko mintegia egingo da Donostiako Kursaalen gaur; eta bihar Baionan berriz, Bake Foroa. Paul Rios Lokarriko koordinatzaileak Berriari adierazi dionez, ekitaldiarekin bake prozesuan herritarren parte hartzea eta elkarbizitzari... [+]
Lokarrik, Bake Bideak eta Baionako Unibertsitateak antolatu dute Baionako Bake Foroa. Aieteko bake konferentziako Adierazpena izango dute oinarri eta antolatzaileek adierazi dutenez, euskal gatazkaren konponbidea Ipar Euskal Herrian ere gizarteratzea da helburua. Herritarrek... [+]
Noticias taldeko egunkariek zabaldu dutenez, ETAren su-etenaren Nazioarteko Egiaztatze Batzordea aste honen amaieran Euskal Herrira dator. Alderdi politikoekin bilera erronda egingo dute, PPrekin izan ezik. Basagoitiren alderdiak ez du NEBrekin harreman zuzenik izan eta... [+]
Izenburuko esaldia hautatu zuten Hegoafrikako Egiaren eta Berradiskidetzearen Batzordearen lelo, honek 1995ean ibilbidea hasi zuenean. Gerora, komisio hau bakegintzan aditu direnek lehen mailako erreferentzia hartu dute. Ez zen hau izan halere munduan antolatutako halako... [+]
Presoak Euskal Herriko espetxeetara gerturatu behar direla esan du Brian Currin Nazioarteko Harreman Taldeko kideak, Gazta zati bat dokumentalaren estreinaldian. Bestalde, Jorge Fernandez Diaz Barne Ministroak baieztatu du ETAK ez duela armategirik eta, beraz, Currinen... [+]
EAEko PPko presidenteak, Antonio Basagoitik, Brian Currin abokatu hegoafrikarrak gidatzen duen Harremanetarako Nazioarteko Taldeaz adierazpen berriak egin ditu: "Ez du deus esateko eta soilik alde baten alde egin dezake lan".
Harremanetarako Nazioarteko Taldeak (HNT) batzorde bat sortuko du, pasa den urriaren 17an egindako Aieteko Adierazpenean adostutako gomendioen jarraipena egiteko helburuarekin.
ETAk jarduera armatua amaitu izana era berezian bizitu zuen Brian Currinek. Prozesu guztian protagonismo handia izaten ari da abokatu hegoafrikarra. Datozen pausoak Aieteko adierazpenak markatutako ordenean egingo direla aurreratu du.