Existentzia mugimenduan jartzea
TU-K
Non: Ahotsenean (Plateruena, Durango)
Noiz: Abenduaren 8an
-----------------------------------------
Bufandak, aterkiak eta begi-zuloak ditu abenduaren 8ak Durangon. Azokaren azken egunari igande eguerdia eta negu giro sarkorra gehitu zaizkio eta erdi hutsik daude Landako inguruetako kaleak. Haatik, bada planik egun hauetan Plateruena hartu duen Ahotsenean: beste lau disko aurkezpen arratsaldea epeltzeko.
15:40 jotzear direla egin du Miren Narbaizak Tu-k taldearen aurkezpena. 1980ko hamarkadan kaleratutako bi maketa digitalizatu eta masterizatuta –Existentzia (1987) eta Beltza (1989)–, eta argitaratu gabe geratutako hiru kanta gehituta, Tuka esaten da biniloa kaleratu du taldeak. Behin abestiak berreskuratuta, zuzenekoak ere berreskuratzera doaz orain; etapa honetako lehenengoa da gaurkoa.
Tu-k existitu dadin eta atzera begira baina gauza berriak egiteko gogoz daudela esanda, lanaren aurrerapen gisa sei abesti jo ditu laukoteak: Txomin eta Markel Uribek, Josu Aranbarrik eta kajarritmosak.
Izenak berak aditzera ematen duenez, erritmo kutxa baita taldearen bereizgarrietako bat, testuak bezainbat. Geunden tokitik garaiko Ondarroara eraman gaitu Tu-k bandaren melodia, riff eta letren unibertsoak, patriketan gauza abarrak eta asmo ederrak zituzten eskuak tabernetan, itsasertzetan eta kale grisetan irudikatzera, oihartzun egiten digutela inguruko talderen batek eta Britainia Handiko garaiko beste zenbaitzuk. Oihartzun horretan, baina, ezinbestean azaltzen dira egungo irudi eta taldeak ere.
Hala, oholtzan egoten dakiten musikarien aisetasunarekin eta asmo zaharberrituei darraien ilusioarekin, ordu erdi eskasean mikroklima bat eratu dute Plateruenan. Aterkipe hotzeko etxera buelta aho zapore ederrarekin egiteko beste; karamelua probatuta, zuzeneko oso bat ikusteko gogoa irentsita. Gaurtik aurrerakoak, duela lau hamarkada bezala, irudien proiekzioekin egingo dituztela iragarri dute gainera, orduan erabiltzen zituztenekin eta berri batzuekin.
Duela aste batzuk, hurrengo zuzeneko kronika hautatzen nenbilela entzun nuen lehen aldiz taldearen lana. Ekidin ezin izan nuen kalkulua etorri zitzaidan burura: minus zortzi urte nituen haien azken lana kaleratu zutenean. Denbora-jauzi horrek eta, batez ere, orduko martzianoek egun izan dezaketen freskotasunak ekarri nau Tu-k taldeak zuzenean ze forma hartzen duen ikustera. Ez baita lehen aldia gu jaio orduko jotzen ari ziren taldeen itzulerak zuzenean ikusi ditudana. Baina nekatu ninduen iraganaren purutasuna loriatzeko eta ordukoan katigatzeko joera batek. Are, nostalgiaren errentagarritasunak. Besterik da, ordea, iraganean sortutakoa hartu, oraineko eskuekin ukitu eta joan-etorri horietan esperimentatzea. Existentzia mugimenduan jartzea. Hartzea ematea bada, herenegungoak gaurtik eta biharkoak atzotik ere behar duelako hartu eta eman.
Hiuzz + Bloñ + Adur
Noiz: otsailaren 15ean.
Non: Iruñeko Aitzina tabernan (Egun Motelak kolektiboa).
--------------------------------------------
Larunbat goiza Iruñean. Neguko eguzkitan lanera doazen gizon –eta ez gizon– bakarti batzuk... [+]
Gauzak ez dira izatez errazak, eta, izango da batagatik edo besteagatik, baina, azken boladan, mingainari behar baino gehiagotan egin diot kosk bi kontu hauengatik: sold out-aren kultura eta FOMOa –azken hori agian azaldu behar da, ez baita hainbestetan esana: esperientzia... [+]
EMEADEDEI + MAHL KOBAT
NOIZ: otsailaren 2an.
NON: Zuiako gaztetxean, Murgian.
----------------------------------------------------
Iazko irailaren 20an izan genuen lehen aldiz musika kolektiboaren berri, sortu berri zuten sare sozialeko profilean: “Hemen da Hil da... [+]
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
Dena
NOIZ: urtarrilaren 18an.
NON: Gasteizko Jimmy Jazz aretoan.
----------------------------------------------
Galdera bat dabilkit buruan azken aldian: zenbat aldatzen dira gauzak 30 urtetan? Bai, irakurle, asmatu duzu: hiru hamarkada bete berri ditut. Laugarren... [+]
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.