Moralesen alderdiko Arcek irabazi bide ditu Boliviako hauteskundeak, kontaketa azkarraren arabera
Boliviako Unitel telebistak egindako kontaketa azkarraren arabera, Evo Moralesen MAS alderdiko Luis Arcek irabazi izango lituzke hauteskundeak, botoen %52,4rekin. Bigarren geratutako Carlos Mesak %31,5 aterako lituzke. Datu hauek ez dira ofizialak, baina urtebetez presidente kargua bete duen Jeanine Áñez-ek ontzat eman ditu eta irabazleak zoriondu ditu sare sozialetan. Kontaketa ofiziala mantso doa: urriaren 18 gauerdian %5 zuten zenbatuta eta Hauteskundeetako Auzitegi Gorenak iragarri du emaitza osoak jakiteko egunak behar izan ditzaketela.
Boliviako Unitel telebistak Ciesmori etxeari kontratatutako hauteslekuetako inkestari sinesgarritasuna eman diote parlamentuaren herenaren babesarekin urtebetez presidente kargua bete duen Jeanine Áñezek, eta hauteskundeak irabaziak lituzkeen Luis Arcek zein bere alderdikide Evo Moralesek. BBC-k eta El Pais hedabideek dakarte albistea, besteren artean.
Aún no tenemos cómputo oficial, pero por los datos con los que contamos, el Sr. Arce y el Sr. Choquehuanca han ganado la elección. Felicito a los ganadores y les pido gobernar pensando en Bolivia y en la democracia.
— Jeanine Añez Chavez (@JeanineAnez) October 19, 2020
Lehen itzulian lehendakaritza lortzeko aukerak ditu Arcek
Bolivian bi itzulitan egiten dituzte hauteskundeak. Baldintza hauek emanez gero, ordea, lehen itzulian irabazi ditzake hauteskundeak lehen hautagaiak: botoen %40 eskuratzea eta bigarren hautagaiari 10 puntuko aldea ateratzea.
Arce eta Morales: "Demokrazia berreskuratu dugu"
Luis Arcek adierazpen hauek egin ditu Unitelek hauteslekuetan egindako galdeketaren emaitzak jakin ostean: "Demokrazia eta itxaropena berreskuratu ditugu. Lan egiteko konpromisoa dugu, gure programa aurrera ateratzeko". Sare sozialetan mezu hau zabaldu du: "Oso eskertuta gaude herri boliviarraren babes eta konfiantzarekin. Demokrazia berreskuratu dugu eta egonkortasuna eta bake soziala hartuko ditugu. Elkartuta, duintasunez eta burujabetzaz".
Muy agradecidos con el apoyo y confianza del pueblo boliviano. Recuperamos la democracia y retomaremos la estabilidad y la paz social. Unidos, con dignidad y soberanía #VamosASalirAdelante pic.twitter.com/vFO9Mr1o44
— Luis Arce Catacora (Lucho Arce) (@LuchoXBolivia) October 19, 2020
Argentinan errefuxiatuta dagoen Evo Moralesek ideia bera azpimarratu zuen prentsaren aurrean: "Demokrazia berreskuratu dugu. Aberria berreskuratu dugu". Sare sozialetan mezu hau zabaldu du: "Anai-arrebok: Herriaren borondatea ezarri da. MAS-IPSPren garaipena irmoa da. Gure mugimendu politikoak gehiengoa izango du bi ganbaretan. Milioiak itzuli gara, orain duintasuna eta askatasuna itzuliko dizkiogu herriari".
Hermanas y hermanos: la voluntad del pueblo se ha impuesto.
Se ha producido una victoria contundente del MAS-IPSP. Nuestro movimiento político tendrá la mayoría en las dos cámaras. Hemos vuelto millones, ahora vamos a devolver la dignidad y la libertad al pueblo.#JallallaBolivia pic.twitter.com/gTHa6qRhTB
— Evo Morales Ayma (@evoespueblo) October 19, 2020
Hauteskundeen aurreko gakoez idatzia du Lander Arbelaitzek.
Luis Arce Boliviako presidenteak armadaren "mugimendu irregularrak" salatu ditu. Komandante ohi bat La Paz hiriburuan dagoen Quemado jauregia hartzen saiatu da hainbat ibilgailurekin, baina inork ez dio babesik eman eta azkenean atxilotu egin dute.
Maiatzean Elena Quispe Tincuta (El Alto, La Paz, Bolivia, 1998) eta Cecilia Llusco Alaña (El Alto, La Paz, Bolivia, 1985) txolita eskalatzaileak Hego Euskal Herriko hiriburuetan izan ziren Cholitas dokumentala aurkezten Alboan, Entreculturas eta Oxfam GKEen ekimenez... [+]
Adriana Guzmán Arroyo herri-hezitzaile aymara eta Boliviako feminismo komunitario antipatriarkaleko erreferentearekin batu eta kolonialismoa, arrazismoa, estraktibismoa, nahitaezko heterosexualitatea, familia, komunitatea, Estatua eta pribilegioak izan ditugu mintzagai,... [+]
Berreskuratzeko gaitasuna galtzen ari da Amazonia, deforestazioak eta degradazioak larriki kaltetuta. Egungo egoeran, planetaren birika berdea deitu izan denaren zati handi batean karbono gehiago isurtzen da airera, xurgatzeko gai dena baino. Berehalako neurriak eskatu ditu... [+]
Asteburuan aurrekaria ezarri dute Bolivian estatu kolpea ematen saiatzen direnentzat, hamar urteko espetxe zigorra ezarriz Jeanine Añez senatari ohiaren, Williams Kaliman Indar Armatuetako komandante ohiaren eta Yuri Calderon Poliziako komandante ohiaren aurka.
Bolivian izan dira Garabide elkarteko hiru kide, plan estrategikoa prestatzeko lehen saioetan, eta euskararen biziberritzearen gakoak azaldu dizkiete ketxua komunitateko kideei.
Igandean eman du epaia Boliviako Regina Santa Cruz epaileak. Sei hilabetez prebentziozko espetxealdia bete beharko du presidente ohiak 2019ko estatu kolpean sedizio, terrorismo eta konspirazio delituak egotzita.
Astelehen arratsaldean Argentina eta Bolivia arteko muga oinez zeharkatu du, estatu kolpearen ondorioz herrialdetik ihes egin zuenetik lehenbiziko aldiz. Bolivian sartu aurretik ekitaldia egin dute Moralesek eta Argentinako presidente Alberto Fernándezek elkarrekin... [+]
Boliviako Estatu Plurinazionalean urriaren 18ko hauteskundeetan sektore herrikoiek egin zuten indar, antolaketa eta mobilizazio erakustaldiak eskuinaren balizko iruzurra eginezin bilakatu zuen. Izan ere, hori zen eskuinaren aukera bakarra: bigarren bueltara joatea MASen kontrako... [+]
Animoak pil-pilean daude Bolivian, Evo Moralesen aurkako kolpetik urtebetera. Presidentetzarako hauteskundeak egingo dituzte igandean, urriak 18. Inkesten arabera, Moralesen MAS alderdiko Luis Arce Catacora hautagaia da faboritoa.
Gobernu kolpistaren fiskaltzak 33 lider sindikalen aurka prozesu penala abiatzeko eskaerak jaso dituela jakinarazi du. Aurreko astean dinamitaz eraso zieten La Pazen bi sindikaturen egoitzei. Urriaren 18rako daude aurreikusiak hauteskundeak Bolivian.