‘Eutsi geureari’ goiburuarekin abiatu da Errigoraren udaberriko kanpaina
Nafarroako erdialde eta erriberako nekazariei eta euskalgintzari babesa adierazteko produktu loteen eskaerak egin daitezke Errigora. eus webgunearen bitartez. 'Eutsi geureari' izeneko kanpaina abiarazi zuten atzo eta martxoaren 13ra arte aukera dago saski horietako bat produktuz osatu eta eskatzeko. Banaketa guneetara iritsiko dira eta norberak hautatu dezake non jasoko duen berea. "Bertako produktuak eta bidezko prezio batean eskuratzen ahal dira Errigoraren bidez", adierazi du Haizea Lizarbe ekimeneko kideak.
Nafarroako erdialdeko eta erriberako nekazariei eta euskalgintzari puzka egiteko garaia iritsi da. Errigoran saskiak jakiz osatzeko epea zabalik dago atzotik eta martxoaren 13ra arte 'Eutsi geureari' izeneko kanpainaren bidez. Oraingo kanpaina honetan norberak aukera dezake zein produktu lote eskatu nahi duen. "Urte osorako despentsak betetzeko aukera da. Katalogoa prest dago eta ikusgai errigora.eus webgunean", adierazi du Haizea Lizarbe Errigora ekimeneko kideak. "Lekaleak, olioa, arroza, piperrak edota zainzuriak daude aukeran", esan du. Norberak aukeratu dezake zer izan nahi duen bere jaki-tokian eta saskia modu horretan osatu.
Errigora.eus webgunean ikusgai dago produktu sorta. Bertatik egin daiteke eskaera edo baita telefono bidez ere 848 87 12 23. Astelehenetik ostiralera egin daitezke eskaerak telefono horretara deituta. Pausu horiek emanda norberaren saskia jasotzeko zein banaketa gunetan eginen duzun ere zehaztu behar da. Modu horretan, erdialdeko eta erriberako ekoizleei eta euskarari laguntza emanen diozu: "Errigora balioekin banatzen diren produktu guztiak Nafarroan ekoiztuak izan dira, ekoizle horiek euskararen aldeko apustua egin dute, auzolanaren parte dira eta nekazariekiko harremana egokia da; prezio duinak ordaintzen dira produktuengatik", azaldu du Lizarbek. Euskalgintzari ere ekarpen handia egiten dio Errigorak. Haizea Lizarberi Euskalerria Irratian egindako elkarrizketa osorik entzun daiteke argazkiak klik eginda.
Hamar urte dira saskiekin hasi zirela eta bi milioi euro bildu dituzte guztira.
50 euroko saski bakar eta "biribila" eta komunitatea batuko duen argazki erraldoia atera nahi dituzte urteurrena ospatzeko kanpainan. Azaroaren 9ra bitartean egin daiteke saskien eskaera.
Nafarroa erdi eta hegoaldean euskaraz ikasi bai baina erabiltzeko aukera gutxi du haur askok. Herri horietan aisialdia euskaraz gozatu ahal izateko asmoz jaio ziren Jolasteka ludoteka euskaldunak. Ikasturte honetan gutxienez 16 herri, 22 jolasteka eta 3 eta 12 urte arteko 211... [+]
Iazko udan suteek panorama iluna utzi zuten Nafarroan, argazkiko San Martin Unxen lurren %95 kiskali zuten. Asko hitz egin zen hedabideetan suteek eragindako kalteez, baina nola aurre egin gero eta sute gehiago eman daitezken testuinguruari? Nafarroako Gobernuaren interes falta... [+]
Errigoraren baitan dauden ekoizleetatik zazpik parte hartzen dute jantokietarako formatu eta eskaintzan egokitzapenak eginez. Ager eremuko baratzeetan dauden produktuak prestatzen dituzte. Produktu horiek jantokietan sartuz gero, euskal lurraldeen artean "harreman iraunkor... [+]
Osotara, 9.000 eskaera jaso ditu euskara eta elikadura burujabetzaren aldeko ekimenak 'Eskutik eskura' udaberriko kanpainan. Laster Euskal Herriko txoko guztietara iritsiko dira eskaerak.
Euskara, elikadura burujabetza eta auzolana bultzatzea dira Errigoraren helburu garrantzitsuenak. Bost ekoizlerekin hasi ziren 2013an, baina gaur egun dagoeneko 23 dira, eta beraz, urrats bat gehiago eman beharra sentitu dute: Errigora identifikatzailea.
Ekainean Nafarroak inoiz jasan gabeko kalteak izan zituen suteen ondorioz. Errigora ekimenak diru bilketa abiatu zuen uztailean, ondorioak bideratu ahal izateko eta "lurrarekiko begirunez jardungo duten ereduak" sustatzeko. 85.000 euro bildu dituzte Euskal... [+]
“Bat egiteko garaia da” lelopean burututako kanpainari esker 13.000 saski banatuko dira hurrengo egunetan eta 200.000 euroko ekarpen ekonomikoa bideratuko du Ager zonaldeko euskalgintzaren egitasmoetara. Euskaraldia azaroaren 18an hasiko da, eta ariketa sozial masibo... [+]
Euskararen Foru Legeak nafarrak diskriminatzen ditu, eta hizkuntza eskubideak esleitzen zaizkie bizi diren eremuaren arabera. Bada, duela urte batzuk ereiten hasi ziren hamaika ekimen zonifikazioari aurre egiteko, eta udazken honetan inoiz baino indartsuago hasi dira euskarari... [+]
Urriaren 22an egun osoko egitaraua antolatu dute Errigora, Agerraldia eta Hordago herri ekimenek, euskara ardatz hartuta, baina ostegunean jakinarazi dute udalaren traben erruz ezingo dutela aurreikusitako Deskontrolen kontzertua egin. Halere, 17:30ean Tuterako kaleak hartuko... [+]
Euskal herritarrei ekarpena egiteko eskatu die. Errigorak beren konpromisoa erakusteko 10.000 euro jarrita abiatu dute kanpaina.
Nafarroa hegoaldean nekazaritza-ekoizpena eta euskara sustatzeko xedea duen Errigora ekimenean parte hartzen duten ekoizleen produktuak hamar jantoki kolektibotan baliatu dituzte ikasturte honetan. Hurrengo urteetan ere ildo horretan sakontzeko asmoa dute.