Euskoari buruzko jardunaldia Baionan, moneta Hegoaldean ezagutarazteko
Euskoa euskal monetari buruz informazioa emateko “Euskoaren eguna” antolatu dute Apirilaren 20an Baionan. Hego Euskal Herriko jendearen galderak erantzun nahian antolatu dute, monetaren funtzionamendua eta helburuak, proiektua abiatu aurretik eginiko urratsak eta martxan jarri duten lehen moneta bilduma aurkeztu asmoz.
Urtarrilaren 31n jarri zuen martxan Euskal Moneta elkarteak Euskoa, Ipar Euskal Herrian. Guztira, bat, bi, bost, hamar eta hogei euroko 126.000 billete sortu dituzte. Bakoitzean Euskal Herriko paisaiak eta irudi kulturalak ageri dira, eta euroen balio bera dute.
70 enpresak eta elkartek baino gehiagok egin dute bat ekimenarekin, zerbitzuen, merkataritzaren eta nekazaritzaren sektoreetakoak gehienak. Ekimenean parte hartzeko, Euskal Moneta elkartean izena eman eta bost eta hogei euro artean ordaindu behar dira. Euskoekin ordaindutakoaren %3, bezeroak aldez aurretik aukeratutako elkarte bati bideratzen zaio, eta beste %2 ekimena finantzatzeko erabiltzen da.
Euskoaren egunean hainbat ekintza egingo dira Baionan. Goizeko 10etan monetaren funtzionamenduari buruzko hitzaldia izango da. Eguerdian bazkaria egingo da Auberge du Petit Bayonnen. Ostera, hitzaldiak jarraituko du eta galderetarako unea eskainiko dute. Arratsaldean Euskoaren sarean dauden zenbait komertziotatik itzulia egingo da eta bertako saltzaileekin hitz egiteko aukera egongo da. 19:00etan poteoa egingo da azkenik.
Izen-ematea nahitaezkoa eta ahal bezain azkar egitekoa da, mendi@euskalmoneta.org helbidera mezu bat bidaliz eta ondoko galdera hauei erantzunez:
-Zein talde edo egitura ordezkatzen duzuen (egituraren izena eta kokapen geografikoa, eta hitz batzuetan haren izaeraren eta lanaren aurkezpena)
-Zer jakin nahi duzue bereziki? Zuek ere tokiko moneta proiektu bat prestatzen ari zarete? Zerk interesatzen zaituzte Euskoan ?
-Zenbat pertsona izanen zarete ?
-Egun osoan egonen zarete ala goizean bakarrik ?
-Bazkarian parte hartuko duzue?
Euskal Monetak garapen handia ezagutu du azken urteotan Ipar Euskal Herrian. Europako tokiko moneta indartsuena bilakatu da. Sortu zenetik, Hego Euskal Herrira hedatzeko asmoa integratu zen proiektuan. Mugaz gaindiko tokiko moneta osagarri baten sortzea lantzen hasia da Euskal... [+]
Biarritzen egin dute larunbatean Eusko Elkarteen Eguna. Guztira 69.672 euro banatu dituzte tokiko moneta babesten duten elkarteen artean. AEK izan da iaztik gehien hazi den elkartea, 2.531 eusko jasota.
Apirilaren 15ean, larunbatean, Ezpeletan, tokiko monetaren besta herrikoi handia iragan zen: Eusko Eguna. Hiru urtez falta izan ondoan, azkenean, Eusko Eguna berriz antolatu ahal izan genuen. Gainera, aurten, Euskoaren hamargarren urtebetetzea ospatzen ari gara! Horregatik, egun... [+]
Europako tokiko monetarik handiena bilakatu da Euskoa 10 urtetako ibilbidean. "Elkartasuna sustatu eta lurraldea pentsatzeko boterea berreskuratzeko" tresna izatea da Euskal Monetaren asmoa.
Eusko monetaren "% 3ko emaitza" baliabideari esker, orotara 61.281 eusko emanak izan dira 58 elkarte hartzaileri. Tokiko monetaren izaera solidarioa berresten da errekor berri honekin; izan ere, iazko 50.540 euroak aise gainditu dira aurten.
Larunbat honetan iraganen da Miarritzeko Surfrider fundazioan Eusko ekimenak antolatzen duen Elkarteen eguna. Lekuko moneta bat plantan ezartzearen parte bat elkarteei bideratzen die sistemak eta aurten ere, diruaren birbanaketa solidario horri esker, elkarte batzuk sarituak... [+]
Lekuko moneta erabiltzen hastearen alde aho batez bozkatu dute apirilaren 1ean kontseilariek. Lapurdiko hiri horretako 67 elkartek dute Euskoa onartzen eta herriko etxea sarean sartu izana esanguratsua da.
Euskoren “%3ko emaitza” baliabideari esker, 2021ean 50.540 euro eman zaizkie hainbat arlotan –ekologia, kirola, elkartasuna, euskara eta abar– lanean ari diren 61 elkarte hartzaileri. Urriaren 2an Biarritzen bildu ziren elkarteak txekea eskuratzeko eta... [+]
Hautetsiek lansariaren zati bat euskoz jasoko duten lehen herria izango da Uztaritze.
Urriaren 10ean ospatu dute Eusko Elkarteen Eguna Donapaleun. Karia horretara, 38.500 eusko baino gehiago banatu dizkiete 55 elkarte ezberdinei.
Euskal Elkargoko Turismo Bulegoak eta Euskal Moneta elkarteak “Bakantzak euskoz” egitasmoa jarri dute martxan, helburu batekin: oporrak eusko moneta erabiliz igaro ahal izatea.
Euskal Moneta elkarteak Euskopay aurkeztu zuen larunbatean, mugikorrarekin euskoz ordaintzeko aplikazioa. Astelehenean Ipar Euskal Herrian turismo jasangarria sustatzeko kanpaina eman du ezagutzera.
Euskoa Europako lehen tokiko moneta da, milioi bat baino gehiago eusko zirkulazioan direlarik, 2013an abiatu zenetik izandako dinamikari esker. Orain hozka batez gora egitea da xedea, Euskoz ordaintzearen ekintza norma bilakaraziz, zeren, euskoz hobe!
Eusko Eguna ospatu zen iragan igandean Lapurdiko hiriburuan. Antolatzaileen erranetan, eguna euritsua izan arren, mila lagun baino gehiago hurbildu ziren Baionako Elkarteen etxera.