Eusko moneta sustatzen duten elkarteek beren eguna dute larunbatean Donapaleun
Urriaren 10ean, larunbatarekin, Donapaleun beren festa eguna egingo dute Eusko euskal moneta ekologiko eta solidarioa sustatzen duten elkarteek. Antolatzaileek aurreratu dutenez, lekuko moneta horren martxak sortzen dituen 30.000 eusko baino gehiago banatuko dizkiete Ipar Euskal Herriko 60 bat elkarteri. Donapaleuko karriketan elkarte horien erakustokiak eta euskotan funtzionatzen duten ekoizleen merkatua izango dira.
2013an sortu eta zabaldu zuten Eusko lekuko euskal moneta ekologiko eta solidarioa, alor horretan Europan arrakastaz funtzionatzen ari ziren beste monetak eredutzat hartu eta Ipar Euskal Herrira egokituta. Sortzaileek orduan deklaratu zutenez, moneta berriaren helburu nagusia "tokiko ekonomia garatzea eta berriz inbertitzea da. Halaber, tokiko enpresen arteko harremanak lantzea dugu xede, enpresen arteko sare bat sortzea ekonomia azkartzeko. Elkarteak baditu beste helburu batzuk, guretzat garrantzi bera dutenak: euskararen erabilpena sustatzea bizi-publikoan eta ingurumenaren gaia era praktikoan bizitzea. Beraz, sarean sartzen diren enpresei gai horietan engaiatzea galde egiten diegu". Eusko bakoitzak Euro baten balioa du.
Geroztik, zazpi urteotan Euskoa kudeatzen duen elkarteak dioenez, 2020ko urte hastapenean milioi bat eta erdi eusko baino gehiago zeuden zirkulazioan hauen eskuetan banatuta: 3.800 kide partikular, 1.000 profesional, 22 herri, gehi monetarekiko daukan atxikimendua publikoki aitortzen duen Euskal Hirigune Elkargoa. Eusko elkartek harro aldarrikatzen duenez, "Euskoa da Europako tokiko moneta nagusia da, Alemaniako Chiemgauer eta Ingalaterrako Bristol Pound moneten aitzinean".
Sortu zenetik, Euskoz egindako erosketen %3a dohaintza moduan banatzen zaie Iparraldeko hainbat elkarteri; azken zazpi urteotan, 100.000 eusko baino gehiago. Urriaren 10ean Donapaleuko festan 30.000 Euskoren dohaintza egingo zaie ingurumena, euskara, elkartasuna, hezkuntza, laborantza herrikoia, kultura eta kirola sustatzen dituzten 60 elkarteri.
Donapaleuko festan, pandemia garaiotan jendeen segurtasuna delakoan lehentasun, COVID-19aren kudeaketak eskatzen duen protokoloa zehatz beteko dutela agindu dute antolatzaileek: musukoa janztea derrigorrezkoa izango da, jendeen arteko tarteak zainduko dira, ibilbidean jendeak ez nahasteko norabideak markatuta egongo dira eta abar. Babes neurriak zaintzearekin batera, antolatzaileek jendea berotu nahi dute etxetik irten dadin: "Legeak inposatzen dituen debekuetatik harago, gaur egungo osasun testuingurua arranguratsua da, eta etxean egoiteko gogoa emaiten du. Beraz, dinamika ainitz arriskuan dira, kultura bizia, elkarte bizia, jendarte loturak… Errazagoa izanen zen ekitaldi honen ezeztatzea, baina mantentzea erabaki dugu. Egokituz, noski, parte hartzaileen sekuritatea segurtatzeko, baina oraindik garrantzitsuagoa iruditzen zitzaigun gaur egungo egoera dela eta, Euskoaren proiektuaren funtsa segitzea, hau da elkartzea, elgarrekin egitea eta tokiko dinamiken sustengatzea!"
🤔 Eta kide izateko momentu egokia balitz?
— Eusko (@EuskalMoneta) September 13, 2020
👍 Horra Eusko erabiltzeko 7 arrazoi! 4️⃣ Finantza espekulazioari aurre egiteko
Euskoa banku interesik gabeko moneta bat da! Ez du balio eusko erreserben egitea, ez dira biderkatzen, helburua lurraldean ahal bezain bat zirkulatzea da 1/ pic.twitter.com/zsDjbz3lr7
Aurrekontuak eta urteko kontuen itxiera, ez da besterik urteko garaiotan; etxeko ekonomiatik hasita, partekatzen ditugun espazio sozioekonomiko gehienetara. Enpresa handiak hasi dira kalkulagailuak ateratzen eta 2025ari begira asmo handiak martxan jartzen. Erakunde eta eragile... [+]
Proiektu ekonomiko kooperatibo eta komunitarioak abian jartzeko grina duten pertsona eta taldeentzako doako eskola da KoopFabrika. Dagoeneko izena emateko epea irekita dago. Urtarrilaren 28an egingo da lehenengo saioa. Olatukoop, Gezki eta Lankiren baliabideei esker antolatu... [+]
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Urriaren 17tik 19ra Burujabetzak izeneko jardunaldiak antolatu dituzte Oiartzun Burujabek eta Udalbiltzak. Tokiko esperientzia eraldatzaileak ezagutzeaz gain, Gironako alkate Lluc Salellasek eta CUPeko parlamentari-ohi Mireia Vehík ere parte hartuko dute hitzaldi banatan.
Lerro hauek idazterako, gazta egiteari utzi diogu eta antzutze prozesu betean gaude. Horrek esan nahi du jetzaldiak gero eta sakabanatuagoak direla denboran, ardiei esnea desagertu arte. Batzuen kasuan, egun gutxitan bukatuko da prozesua, eta gutxi batzuei gehiago kostako zaie.
Bilboko Euskalduna jauregian egindako urteroko kongresuan Mondragoneko lehendakariaren errelebo aldaketa irudikatu dute, orain arte taldeko buru izandako Iñigo Ucinek eta hemendik aurrera kargu hori hartuko duen Pello Rodriguezek. Horrez gain, hurrengo urteetarako bide... [+]
Europako Parlamenturako hauteskundeen biharamunean idazten ditut lerro hauek, garai ilunak, Internazional Erreakzionarioaren garaipena europar legebiltzarrerako hauteskundeetan. Lehenagotik ere bazetorren bolada, eta bizi dugun fase kontserbadorearen berrespena da, baina... [+]
Kale Nagusiko 54. zenbakian dagoen XVIII. mendeko eraikina eskuratu dute, egun Katakraken liburu-denda dagoen ondoan. “Eraikin honetan ez da egongo hostelik, ez luxuzko hotelik, ezta inguruko auzokideek ordaindu ezingo luketen etxebizitzarik ere, hemen hiri-lurra eraikiko... [+]
Ordiziako Orkli kooperatibak 50.000 euroko funtsa jarriko du "komunitatetik sortutako ekimenak" laguntzeko. Orklidea izena jarri diote programari eta Euskal Herri osoko proiektuak aurkeztu daitezke.
Ekonomia Sozial Eraldatzailearen Sareak, Olatukoopek, hamar urte bete ditu, eta larunbatean festa egin dute Donostian, sareko kide eta partaideen artean. Ekonomia eta kooperatibismoa beste ikuspegi batez landu litezkeela aldarrikatu (eta frogatu) dute: herrigintzatik, herritar... [+]
80 bat lagun batu dira Iruñeko Katakraken aretoan, ekonomia sozial eraldatzailearen erreferentzia bihurturiko Olatukoop sarearen hamar urteak ospatzeko. Ekonomia eta lurraldeak eraldatzeko proposamenak zehatz-mehatz aurkezteko ekimena izan da.
Mondragon taldeko banaketa kooperatiba baikor azaldu da 2023an izandako etekinekin; inflazioak eta kostuen gorakadak jotako testuinguru batean "sendotasunez" erantzun duela azaldu du. Espainiako Estatuan hedatzen jarraitzeko ahalmena eman dio horrek eta 74 supermerkatu... [+]