Eusko Jaurlaritzaren Gobernu Kontseiluan protesta egingo du Satorralaiak
Eusko Jaurlaritzak Gobernu Kontseilua egingo du Miramar jauregian ostegunean, abuztuaren 29an. Hori dela eta, Satorralaia bizilagunen mugimenduak “Metroaren aurkako oposizioa adierazteko” martxa deitu du egun horretarako, Arantxa, tapia el metro, eta kitto! lelopean. Mobilizazioa Kontxako erlojuetatik abiatuko da, 10:30ean.
Era berean, bizilagunen plataformak kritikatu du joan den uztailean Eusko Jaurlaritzaren Gobernu Kontseiluan onartutako Larrialdi Klimatikoari buruzko Adierazpen Instituzionala “propagandazkoa eta hipokresiazkoa” dela. Iñigo Urkullu Lehendakariak eman zuen atxikimenduaren berri, Eusko Jaurlaritzako sailburuak ondoan zituela, eta nabarmendu zuen “klima aldaketaren aurkako borroka mundu-erronka” dela. “Guztiz sinetsita gaude Euskadik erronka hori gida dezakeela, eta klimatikoki neutroa izango den ekonomia lehiakorrago baterako transformazio-palanka bihur dezakeela erronka hori” eman zuen aditzera.
Satorralaiakoen ustez Jaurlaritzak larrialdi ekologiko egoera dekretatu du, baina, aldiz, Metroa, AHTa eta erraustegiaren gisako azpiegiturak ditu martxan. Gainera, hazkunde ekonomikoari Jaurlaritzak eskaintzen dion lehentasuna “nabaria” dela adierazi dute, eta horrek planeta salbatu beharrean, “gizarte industrial kapitalista” salbatuko duela salatu dute.
Bizilagunen plataformak gogorarazi du Metroaren proiektua “zeharo behargabekoa” eta “herritarren inolako parte hartzerik gabe inposatutako azpiegitura” dela. Azpimarratu dute hori geldiarazteko arrazoi ugari daudela. Alde batetik, ohartarazi dute metro bat eraikitzeko egitasmoak ez duela justifikaziorik hiriko mugikortasunaren hobekuntzari begira. Bestetik, azpiegitura horrek sustatzen duen hiri eredua auzitan jarri dute Satorralaiakoek: “Erdialdea eta Kontxako zonalde komertzial eta turistikoaren ingurura proiektu hori eramateak Donostian nozitzen ditugun hiriaren merkantilizazioa, turistifikazioa eta espekulazioa are gehiago sutatuko ditu”.
Satorralaiak mugimenduak azaldu duenez, asteazken eguerdian gertatu da Urbieta eta San Martin kaleetan. Eraikina joan den urtarrilean kalteak jasan zituen beste eraikin baten alboan dago.
Donostiako Zubieta kaleko eragin baten patioan agertutako arrakala "itzel" gisa deskribatu du mugimenduak. Lanak hasi zirenetik bost urte igaro direnean, Donostiako metroaren eraikuntzan egiten ari den "baliabide publikoen xahuketa etengabea" eta obra... [+]
Satorralaia bizilagunen mugimenduak Donostiako Metroaren eraikuntza lanek Loiola kalearen eta San Martinen arteko izkinan dagoen eraikinean –Erviti musika denda zegoen tokian– eragindako kalteak salatu ditu.
Donostiako metroaren lanetan kaltetutako Zarautz hiribideko eta Zubieta kaleko eraikinetako hainbat bizilaguni kalte-ordainak eskaini dizkiete gutun bidez. Donostiako EH Bilduk salatu du haiek "isilarazteko" saiakera dela.
Donostiako alkate izandako Xabier Albisturrek metroaren egungo obren kontrako iritzia azaldu du Diario Vasco egunkariak egindako elkarrizketa batean. Bere ustez proiektua ez da nahikoa “anbiziotsua, obrak suposatzen duen inbertsiorako”.
Donostiako metroko obretan kamioilari gisa lan egiten du Imanolek, eta bere testigantza eman dio Berriari. Irregulartasunak eguneroko ogi direla salatzeaz gain, horiek auzitara eramateagatik jasandako mehatxuez eta kalte psikologikoaz mintzatu da.
Euskal Trenbide Sareak Donostiako Metroaren obretan agerturiko azken zuloa aurrekoak baino lau aldiz handiagoa dela adierazi du. Maiatzaren 7an eragindako zuloak 138 metro kubiko dauzka.
Pasa den astean Donostiako Zubieta kalean agerturiko zuloa estaltzeko 100 metro kubo hormigoi behar izan dituztela jakinarazi du EH Bilduko zinegotzi Garbiñe Alkizak, eta azkeneko honen tamaina aurrekoen hirukoitza dela.
Donostiako EH Bilduk salatu duenez beste zulo bat agertu da metroaren obretan, oraingoan Kontxako hondartzako kabinetan. Herritarren eta langileen segurtasuna arriskuan jartzen dutelako eta dagoeneko atzerapen eta gainkostu handiak pilatzen ari delako "zentzugabekeria"... [+]
Donostiako metroaren lanetan istripua izan da ostiral goizean, Benta Berriko tunelean. Oraindik informazio xeherik ez badago ere, ARGIAk jakin ahal izan du kofratua egiten ari zen langile bat dela zauritua eta ospitalera eraman behar izan dutela anbulantzian.
Euskal Errepublikaren aldeko Ehun mugimenduak larunbatean Donostiako metroaren lau tunelen sarreretan pankartak jarri ditu. "Metroaren zuloak frankismotik datorren eta 78ko erregimenarekin jarraitu duen sare klientelar-mafiosoaren adierazlerik ilunenak dira", salatu... [+]
Donostiako Kontxa hondartzatik gertu dagoen Zubieta kalean metroko obretan berriro ere zulo bat agertu da astearte goizean. Horren harira, hainbat sindikatu, alderdi eta kolektibok obrak berehala gelditzea eskatu diote Eneko Goia Donostiako alkateari.
Kontxa hondartza ondoan dagoen Zubieta kalean, metroko obretan berriro ere zulo bat agertu da astearte goizean. Trafikoa moztu behar izan dute udaltzainek eta Donostiako alkateak adierazi du badirudiela ekainean gertatu zen zuloarekin zerikusia duela, modu horretan aitortuz... [+]
Satorralaia bizilagunen mugimenduak deituta, hainbat herritar kalera atera dira protesta egitera Donostian. Proiektuak izango duen gainkostua salatu eta lanak bertan behera uzteko exijitu dute.
Satorralaia bizilagunen mugimenduaren ustez metroaren lanak eten behar izatean “proiektuaren zentzugabekeria egiaztatu baino ez du egiten”. Manifestazioa azaroaren 14an abiatuko da eguerdiko 12:00etan Koldo Mitxelenatik.