ELA eta LAB: “Eusko Jaurlaritzak ez du koronabirusaren aurreko neurririk aurkeztu ekonomia alorrean”
Martxoaren 10ean eragile ekonomiko eta sozialak bildu ditu Eusko Jaurlaritzak, koronabirusa ikuspegi ekonomiko eta enpresarialetik aztertzeko. Jaurlaritzaren arabera, "oraindik goiz da neurri posibleak iragartzeko". LAB eta ELA sindikatuek bilera ostean zera salatu dute: "Eskuak poltsikoan dituela aurkeztu da administrazioa. Eusko Jaurlaritzaren helburua eragile sozialekin argazki bat ateratzea izan da, besterik ez".
Eusko Jaurlaritzak deituta eragile ekonomiko eta sozialak bildu dira martxoaren 10ean, koronabirusa ikuspegi ekonomiko eta enpresarialetik aztertzeko. Eusko Jaurlaritzan bildu dira Ekonomiaren Garapen eta Azpiegituretako sailburu Arantxa Tapia, Ogasun eta Ekonomiako sailburu Pedro Azpiazu, Turismo, Merkataritza eta Kontsumoko sailburu Sonia Perez, aipatutako sailetako sailburuordeak, eta Marcos Muro Enplegu sailburuordea. Baita Lan eta Justiziako zuzendari den Elena Perez. Enpresa-elkarteetatik Confebak, Adegi, Cebek eta Sea-ko ordezkariak; Arabako, Bilboko eta Gipuzkoako Merkataritza Ganberetakoak, eta UGT, CCOO, ELA eta LAB sindikatuetako ordezkariak. Araba, Bizkaia eta Gipuzkoako Ekonomia Sustapeneko foru diputatuak ere egon dira. Hemen irakur daiteke Eusko Jaurlaritzak bilera horri buruz egin duen kronika.
Jaurlaritzak bilera horretan zer ondorioztatu du: "Euskadin goiz da oraindik neurri posibleak iragartzeko afekzio hipotetikoak arintzeko, kontuan izanda oraindik enpresetan ez dagoela ez kasu ez datu kontrastagarri eta neurgarririk afekzio bat ziurtatzeko. Dena den, Eusko Jaurlaritzak eta eragileek komunikazio zuzena eta etengabea mantentzea adostu dute, etorkizuneko afekzioak detektatu ahal izateko, orain gertatzen ari ez badira ere, baztertzen ez direnak, giza baliabideen kudeaketaren eta kanpoaldetik datozen merkantzietan aurreikus daitekeen atzerapenaren ondorioz". Adierazi du lehentasuna pertsonen osasuna eta zaintza dela eta "Osasun Saila euskal gizarte osoari eskaintzen ari zaio jada arreta eta zaintza".
LAB eta ELA sindikatuek irakurketa partekatua plazaratu dute
Bileraren ostean adierazpen bateratua plazaratu dute ELA eta LAB-ek. Bertan zera diote: "Ematen du guztiok ikusten genuela arazoa bazetorrela. Guztiok Eusko Jaurlaritzak izan ezik. Urkulluren exekutiboak, berriro ere, aurreikuspenik gabe jokatu du, gaizki eta berandu".
Bi sindikatuek bileran adierazi dute lehenik lan-zentroetan ekin behar zaiola koronabirusaren prebentzioari. Baina ELA eta LABen arabera, "Osalan eta Osasun Saila, lan-zentroei dagokienez, desagertuta daude. Gobernuak enpresen gain jarri du prebentzioari dagokion guztia, inolako irizpiderik zehaztu gabe". Enpleguaren esparruan eman litezkeen egoerei aurre egin behar zaiela adierazi dute sindikatuek eta haien hitzetan, "honetan ere gobernuak ez du inolako ekimenik aurkeztu, eta patronalak aurreratu du egoera honek EEEak sortuko dituela. Proposamentzat jo daitekeen bakarra izan da enpresentzat kreditu lerro bat irekitzaren aukera. Honek erakusten duena da berriro ere, Jaurlaritza patronala eta bere interesentzako soilik ari dela lanean".
Bi sindikatuek azpimarratu dute Lan eta Osasun Sailekin biltzeko beharra, baita Osalan eta Lan Ikuskaritzarekin ere, "lan-zentroetan sortzen ari diren benetako arazoei ekiteko".
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.