Eusko Jaurlaritzak 3,5 milioi euroko faktura pasako dio Verter Recycling enpresari
Eusko Jaurlaritzako Ingurumen Sailak adierazi du Zaldibarko zabortegiaren jabe den Verter Recycling 2000 SL enpresari beherala bidaliko dizkiola zabortegian egiten ari diren lanen lehen fakturak. Lehen blokea 3.420.988,71 eurokoa da.
Otsailaren 6an zabortegiko hondakinak irristan erori zirenetik Eusko Jaurlaritzak bere gain hartu zuen zabortegia egonkortzeko eta kontrolatzeko lan guztien zuzendaritza, enpresak halakorik egiteko gaitasunik ez zuela-eta.
Enpresak ordaindu beharreko lehen blokeko fakturan ondoko lanak sartu dira: desagertu diren bi langileak bilatu ahal izateko irristatzea egonkortzea eta ezponda seguruak sortzea; premiazko lan-puntuetara jotzeko bidea irekitzea; ingurumen-inpaktua eta herritarren osasuna kontrolatzea; sutea kontrolatu eta amatatzea, makina astunen bidez, eta aireko baliabideak lankidetzan jardutea; hondakinentzako segurtasun-gordailuak gauzatzea edo lurpeko uren kontrol-sarea diseinatzea.
Gaur arte, Ingurumen Sailak zabortegian 9 milioi euroko balioa duten lanak egin ditu.
Ertzaintzak kriminalitate arrastoak aurkitu ditu
“El Correo” egunkariak eman du albistearen berri eta Efe agentziak jaso du gero. Ertzaintzak epaitegian aurkeztu duen txostenaren berri eman du egunkariak, eta horren arabera, kriminalitate arrastoak aurkitu ditu Verter Recycling enpresak zabortegian egin duen kudeaketan. Hainbat hondakin baimenik gabe jasotzen zituen eta kudeaketan hainbat irregulartasun aurkitu ditu Ertzaintzak. Bi delituren arrastoak daudela dio txostenak. Batetik, ingurumenaren aurkako delitua jasotzen du, inguru naturala eta pertsonen osasuna arrisku larrian jarri dituelako. Bestetik, langileen eskubideen aurka egin dela dio.
Lau hilabete Beltrán eta Sololuze desagertu zirela
Ekainaren 6an bete ziren lau hilabete Joaquín Beltrán eta Alberto Sololuze zabortegiko langileak desagertu zirela. Egun horretan mobilizazioak egin zituzten, besteak beste bi langileen gorpuak aurkitu ditzaten eskatzeko.
Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.
Baionako Auzitegiak ezarri duenez, Basusarrin dagoen Etcheverry-Mindurri enpresak 150.000 euroko isuna ordaindu beharko du, eta Donibane Lohizuneko CBA Artolak 100.000 eurokoa.
Enpresari eskatu dio lan horiek egiteko Arantxa Tapiaren sailak, baina Verter-ek ez du erantzun. Lanek “bospasei” urterako ziurtatuko dute zabortegiaren egonkortasuna, 750.000 euroko aurrekontuarekin.
Ostegunean ziren deklaratzekoak Eusko Jaurlaritzako Ingurumen Saileko hiru teknikariak, baina justizia auzitegietako lanuzteen ondorioz ezin izan dute egin. Verter Recycling enpresari Ingurumen Baimen Bateratua nolatan eman zioten azaldu beharko dute.
Jaurlaritzaren Ingurumen Saileko hiru teknikarik deklaratuko dute, Zaldibarko zabortegian ingurumenaren kontrako delituak ikertzen dituen auzian. Zaldibar Argitu plataformak eta Euskal Herriko Eskubide Sozialen kartak elkarretaratzera deitu dute Durangoko epaitegi aurrean.
Hirien hondakinak bildu eta txikitzen diren lekuetara bisitaldia egitea eskoletako derrigorrezko txangoa izan beharko litzateke. Gaileta paketetxo bat ireki barneko bi gaileta irensteko, eta pakete azalaren ibilbidea mentalki eraiki. Helmugan paratzen da giza aktibitatearen... [+]
Hondamenditik hiru urte bete direnean prentsaren aurrean aitortu du Tapia sailburuak "ikuskapen teknikoak" egiten ari direla, zabortegia "egonkor eta seguru" dagoela, baina oraindik ez dela zigilatuko horretarako baimena eduki arren. Izan ere, Verter... [+]
Zaldibar Argitu plataformak deituta Alberto Sololuze eta Joaquin Beltran langileak omendu dituzte Eitzaga auzoan, zabortegian harrapatuta geratu zirenetik hiru urtera. Auzia argitzeko beharra berretsi dute eta ardura politikoak hartzeko eskatu.
Zaldibarko zabortegiaren hondamendiaz geroztik hondakinen kudeaketan Bizkaian dauden hutsuneak nabarmendu ditu talde ekologistak txosten batean. Azaldu duenez, hondakinak kudeatzeko plan berriaren zirriborroa oraindik ez da onartu eta 2016koa dago indarrean. Hondakin organiko... [+]
Datorren igande eguerdian, otsailaren 5ean, Joaquin Beltran eta Alberto Sololuze langileak oroitu eta argipenak eta erantzukizunak eskatuko ditu Zaldibar Argitu plataformak.
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
Europako Batzordeak beste behin adierazi du Eusko Jaurlaritzak legedia bete zuela Zaldibarko zabortegiaren kasuan. Zaldibar Argitu plataformak nabarmendu du Lakuak bidalitako informazioa soilik izan duela kontuan Bruselak.
Otsailean urte bi bete dira Zaldibarko zabortegia amildu zela. Martxoan pandemiaren bigarren urteurrena dator, bi hilabetez etxean geratu ginenekoa. Katastrofe bi. Bigarrenak lehenengoa estali zuen, baina Eitzagako hondamendiaren gestioak erakutsi zigun izurritea zelan kudeatuko... [+]