“Euskarazko zinegileoi regional preferenten jokatzen ari garela sentiarazi nahi digutela dirudi”
Gipuzkoako Foru Aldundiak banatzen duen Anton Abbadia saria jaso du Moriarti Produkzioak-eko lan taldeak. Euskararen normalkuntzaren alde lan egiten duten lagun edo taldeak saritzen dira bertan eta Moriartik euskarazko zinegintzan eginiko lana aitortu da aurtengoan.
Saria jasotzerako orduan, Jon Garaño eta Aitor Arregik eskerrak emateko hitzaldia eman zuten. Hitzaldiaren amaiera aprobetxatu zuen Garañok euskarazko zinegintzaren inguruan aritzeko. Hemen jaso dugu zine zuzendariak esanikoa:
“Bukatzeko, azken hitz batzuk bota nahi ditugu euskararen inguruan. Edo hobe esanda, euskara eta gure lanaren arteko erlazioaren inguruan.
Euskaraz filmak egiten duen orori gertatzen zaion moduan, askotan galdetu izan digute zergatik egiten ditugun filmak euskaraz. Eta askotan ea ez al dugun inoiz gazteleraz filmik egingo, ez al dugun inoiz “saltoa” emango, eransten diote lehen galdera horri. “Regional preferenten” jokatzen ari garela sentiarazi nahi digutela dirudi.
Oker daude. Euskal Zineak, euskaraz eginiko zineak, munduan zehar erakutsi du bere balioa. Telmo Esnal, Asier Altuna, Oskar Alegria, Koldo Almandoz, Ben Sharrock, Roberto Castón edo beste hainbat zinegileren lanek mugak gainditu dituzte. Euskaraz pentsatuak, sortuak eta banatuak izan dira.Horrek ez du esanahi euskaldunentzat itxiak diren filmak egin dituztenik, egin ditugunik. Euskaldunez gain, euskaldun ez diren askok ikusi dituztelako euskaraz eginiko filmak. Eta ez ahaztu Rotterdamen edo Seattle-en, berdin duela filma gazteleraz edo euskaraz izatea. Berdin-berdin irakurri beharko dituzte ikusleek azpidatziak.
Bestalde, gazteleraz eginiko film asko dira euskarazko film batzuk izan dituzten ikusleak baino gutxiago izan dituztenak eta beraz gazteleraz egiteak ez du publikoa izatea bermatzen.
Gainera, egiari zor, euskaraz, gazteleraz, ingelesez eta beste hizkuntza batzuetan egin izan ditugu filmak Moriartin eta horrela egiten jarraitu nahiko genuke. Proiektu bakoitzak hizkuntza bat, edo hizkuntza multzo batetan, egitea eskatzen du eta hori errespetatzen saiatuko gara.
Ez dago arrazoi bakar bat filmak euskaraz egiteko. Baina zergatik egiten ditugun filmak euskaraz galdetzen diguten bakoitzean, burura etortzen zaigun lehenengo erantzuna beti izaten da berbera: “ETA ZERGATIK EZ?””
Euskara, eremu digitala den itsasoan ezagutzara eta harremanetara abiatzeko portua da. Adimen artifizialarekin, portu horretatik mundu osoarekin euskaraz harremanetan jartzeko aukera ematen dela dirudi. Euskararen automatizazioa laguntza ederra da belaunaldi berriekin euskal... [+]
Udalerri euskaldunen nortasuna egokien islatzen duena euskara dela nabarmendu du mankomunitateak eta bisitariek zein bisitariekin harremana duten zerbitzu sektoreko arduradun eta langileen konpromisoa eskatu du. Kanpaina ekainaren 8tik irailaren erdialdera arte egingo da.
Euskararen egoera soziolinguistikoa aztertu, eta Kultur Erakundeko lehendakaria eta Eusko Batasuna alderdiko kide izan zen. Astelehenean zendu zen 96 urterekin.
Aiara eskualdeko euskarazko komunikabide bakarra da Aiaraldea, eta Amurrioko Udalarekin 2012. urtetik izenpetua eta indarrean zuten euskara sustatzeko hitzarmena "alde bakarrez" eta "inolako jakinarazpenik eman gabe" eten du udalak. Erabakia "oso... [+]
Baionan egin dute agerraldia euskalgintzako 25 bat eragilek maiatzaren 15 honetan. Erakunde publikoen interpelazioaz gain, datorren urteko maiatzaren 15etik 25era iraganen den Euskaraldiaren berri emateko unea ere izan da.
"Zubiak zeharka” lemapean, egun osoko egitaraua prestatu dute UEMA eguna ospatzeko. Herriko eragile guztiek hartu dute parte programaren prestaketan eta ekimen herrikoi eta partehartzailea izatea lortu dute horrela.
Gasteiz Antzokia "lehenbailehen" martxan jartzeko eskatu dio udalari Gasteiz Antzokiaren Aldeko Plataformak, eta Lazarraga elkartearentzat zein euskalgintzarentzat "errespetua" galdegin dute.
Egitarau aberatsa muntatu du beste behin Basaizea elkarteak: bertsolariak, dantzariak, gaiteroak, txarangak, herri bazkaria, merkatua eta kontzertuak. "Folklorismotik haratago", euskararen zilegitasuna aldarrikatuko dute Baigorritik apirilaren 28an.
Nafarroa Garaian euskararen aldeko jarrera gero eta handiagoa izan dadin ildo diskurtsibo berriak proposatu ditu Euskaltzaleon Topaguneak
Lazarraga kultur elkarteak jaso du udalaren eskutik 2023ko dirulaguntzaren zuriketaren xedapena: 112.000 euro itzuli beharko ditu. Elkarteak adierazi du “udalaren borondate faltak” Gasteiz Antzokiaren proiektua kolokan jarri duela eta “udalak sortutako... [+]
Euskararen Erakunde Publikoak (EEP) batzar orokorra izan du astelehenean 2024ko aurrekontua bozkatzeko. Alain Iriart, Euskal Elkargoko ordezkaria kontra bozkatu duen bakarra izan da.
Irundik Baionara, ezin ezkutatuzkoa izan da 23. Korrikak eragindako harrotasuna. ‘Herri Harro’ leloak zentzua hartu duela ikusi dugu lekuko hartzaileen aurpegietan, eta atzetik euskararen alde oihuka aritu diren korrikalariengan. Bakoitzak bere gorputzetik eta bere... [+]