Euskarazko Wikipediaren urte bikaina, kantitatez eta kalitatez
Euskarazko Wikipediak 2023 urtea bikain amaitu zuen. Azken egunetan bere Twitter eta Mastodon kontuetatik zabaldu dituen datu eta grafikoekin osatu dugu artikulu hau, hori demostratzeko. Kantitatean, 8.5 milioi hitz gehiago izan dira 2023an Wikipediara gehituak, eta artikuluen kopuruak 425.000ko langa gainditu zuen abenduan. Martxa honetan, 2025. urtean irits daiteke, agian, 100 milioi hitzeko korpus bat osatzera.
Euskarazko Wikipediak 82.027.733 hitzekin amaituko zuen urtea, urtebete lehenago baino 8.476.741 hitz gehiago. Urte honetan Lur Hiztegi Entziklopediakoaren bolumen osoa ia HIRU aldiz idatzi da. 33 liburuki berri izango genituzke, inprimatuz gero.
Baina ez da bakarrik kantitate kontua. Azken urteotan, Euskal Wikilarien Kultur Elkartearen (EWKE) bultzadaz, "Wikipedia guztiek izan beharreko 10.000 artikuluen zerrenda" hobetzen aritu dira. Euskarak emaitza ikusgarriak lortu ditu. Hemen azken bi urteotan lortutako gorakadaren grafikoa. Euskara da postu gehien gora egin dituen hizkuntza!
Hamar milako zerrendaz gain, mila artikulu ezinbestekoena ere badago, eta horretan ere, nabarmen egin dugu gora lau urtean.
EWKEk zuzentzen duen ahalegin honen zioa ez da rankingetan gora egitea gora egiteagatik... Eusko Jaurlaritzarekin hitzarmena du EWKEk Hezkuntza Programa deitzen dena osatzeko. Ikastetxeetan gehien kontsultatzen den baliabidea Wikipedia denez, alor horietako artikuluak gero eta osatuago izatea da helburua.
Zera erakusten du goiko grafikoak, Hezkuntza Programako alor bakoitzeko artikuluen luzera, 2022 eta 2023 urteetako konparaketan. 2023ko beheko marrei erreparatuz, ikusiko dugu alor guztietan doazela horixka-argiak gutxitzen, eta urdin-ilunak handitzen; artikuluak gero eta osatuago direlako.
Adibide zehatzago batean, Biologia eta geologia eremuan bereziki aurrera pauso erraldoia eman da Hezkuntza Programari esker. Orain bost urte jarri zen helburua nabarmen bete da: esparru honetako artikuluak 4 aldiz luzeagoak dira orain, eta asko kalitate nabarmenekoak.
Eguneroko estatistiken jarraipen orria ikus hemen.
Zuk ere bat egin dezakezu Euskarazko Wikipedia editatzen, eta EWKE elkarteko bazkide bihurtzen (kuota: bost euro urtean bakarrik).
Euskarazko Wikipediak ekimen interesgarri bati ekin dio 2024 honetan. Euskal Herriko Historia 100 objektutan. Ideia hartu zuten wikilari euskaldunek antzeko motiboarekin apailatutako liburu batzuekin. BBC-k eta British Museum Londreskoak Munduaren Historia bat egin zuten 100... [+]
Euskarazko Wikipediak 433.000 artikuluen muga gainditu berri du (ikus estatistikak), eta horrekin batera 33. postua eskuratu du artikulu kopuruan, Wikipedia guztien ranking edo zerrenda honetan. Lorpena ospatzeko, diseinu berritzailea estreinatu du gaur gure Wikipediak, eta... [+]
Historikoki egin diren entziklopedia gehienetan gizonezkoek leku handiagoa izan dute emakumezkoek baino. Wikipedian ehunekoa handiagoa bada ere, desoreka nabaria da. Gauza bera gertatzen da euskarazko Wikipedian ere. Hala ere, egoera horri buelta eman nahian ari dira wikilariak.
Euskarazko Wikipediak 2023an egindako lorpenez jardun genuen hemen lehengoan, eta beste alor bat aipatuko dugu orain, zelako aurrerakada egin den emakumezkoen biografiak osatzen, genero desoreka (oraindik nabarmena) konpontzen saiatzeko.
Puntueus fundazioak uztailean salatu zuen Google bilaketek euskara diskriminatzen zutela, bilaketen erdietan baino ez baitzen agertzen euskara lehen tokian. Irailean, berriz, emaitzen %73ak euskara lehenetsi du.
Euskarazko Wikipediaren jardunaz eta adimen artifizialaz idatzi du Luistxo Fernandezek Sustatun.
Urte hasieran aipatu genuen, euskarazko Wikipediaren erronka, Wikimedia Fundazioak proposatutako Hamar Mila (10.000) artikulu funtsezkoen zerrenda osatzekoa. Ba lortu dute wikilariek: Euskara 4. hizkuntza bilakatu da Wikipedia guztiek izan beharreko 10.000... [+]
Astearte gauez Euskarazko Wikipediak 400.000 artikuluen langa gainditu zuen. Mugarrirako azken egunetan prestaturiko Justizia klimatikoa artikulua prestatu zen; zenbait wikilarik landu dutena, eta estatistiketan une zehatzean argitaratzeko prestatu zena. Hizkuntza bertsioen... [+]
Filosofia, ekonomia, historia, matematika eta beste hainbat arlori lotutako bideo pedagogikoak zabalduko ditu Ikusgela proiektuak, euskaraz eta modu askean partekatzeko. Jakintza “narratiba berrietara” egokitzea helburu, Euskal Wikilarien Kultura Elkarteak... [+]
Wikipediaren kalitate eta interes orokorra bermatzeko (edo kalibratzeko) tresna bat Wikimedia Fundazioak proposatutako Hamar Mila (10.000) artikulu funtsezkoen zerrenda da. Jakintzaren hainbat alorretan "funtsezko" artikuluak zerrendatu dituzte (ikusi azalpena galegoz,... [+]
Astelehenean aurkeztu zen ofizialki Txikipedia aplikazioa, eskola-umeentzat egokitutako Euskarazko Wikipediaren proiektuaren mugikorretarako bertsioa. Txikipediak egun dituen 3.000 artikulu baino gehiagoetara sarbidea ematen du aplikazioak, iOS eta Android... [+]
Gaur betetzen dira 20 urte Wikipedia sortu zela. Ingelesezko produktu bat zen orduan, baina urte berean, 2001eko abenduaren 6an, sortu zen euskarazko lehen ekarpena. Euskarazko azala eta bertsio beregaina, nolabait, 2003ko azaroan sortu zen. Gaur egunean, hizkuntz... [+]
Interneteko entziklopedia askera igo dituzte azken hilabeteetan ekialdeko nafar euskalki horren inguruko eduki, erreferentzia eta iturri nagusiak.
Euskarazko Wikipediaren zenbaki onak ezagunak dira aspalditik.