Euskarazko Wikipedia 33.a da artikulu kopuruan, eta azala diseinuz berritu du ospatzeko
Euskarazko Wikipediak 433.000 artikuluen muga gainditu berri du (ikus estatistikak), eta horrekin batera 33. postua eskuratu du artikulu kopuruan, Wikipedia guztien ranking edo zerrenda honetan. Lorpena ospatzeko, diseinu berritzailea estreinatu du gaur gure Wikipediak, eta munduko lehenengo hizkuntza da hainbat eduki interaktibo azalean erakusten, tartean irakurleak gertu dituen artikuluak.
Euskal Wikilariek Kultur Elkarteak (EWKE) bere 2024-2027 egitasmoan ezarri zuen 2027a amaitu aurretik euskarazko Wikipedian 500.000 artikulu izateko erronka. Horretarako, egunean 50 artikulu baino gehiago egin behar dira. Aste honetan euskarazko Wikipediak 433.000 artikuluen muga gainditu du (Terra Australis izan da artikulua), eta gaur bertan 33. postua eskuratu du artikulu kopuruaren zerrendan, errumanieraren atzetik.
Okasioarekin bat etorriz, euskarazko Wikipediako azala berritu da, diseinu erakargarri eta modernoa ezarriz. Wikimedia Fundazioaren laguntzarekin egindako aldaketa honek modu intuitiboago eta sinpleagoan erakusten ditu hainbat eduki. Aldaketa honen bidez, lehenengo Wikipedia izan gara bi eduki interaktibo azalean eskaintzen, “Esploratu” deitzen den sekzio berriarekin. Sekzio honetan irakurleak ikus ditzake berarengandik gertu dauden lekuen Wikipediako artikuluak, eta aurreko egunean gehien irakurri ziren artikuluak zeintzuk diren. Sekzio hauek dinamikoki aldatzen dira egunero.
Azala berritasunekin dator
Sartzen bazara Wikipediako azalera orain, ikus dezakezu...
Baina onartu Gertuko orriak erakutsi aukera, eta horra, Sustatu egiten dugun CodeSyntax-eko bulegotik gertuko emaitza batzuk azaltzen zaizkio hemen editoreari:
Azal berrituan aurki daitezke beste eduki batzuk:
- Berriki hildako pertsonen biografiak.
- Albisteen sekzio berritu bat.
- Egunero Wikimedia Commonseko komunitateak aukeratutako “Eguneko argazkia”
- Ikusgela proiektuari eskainitako atala.
- Komunitate elementuetara sarbide erraztua.
Komunitate indartsua, kalitatean gora
Euskarazko wikilarien komunitatea indartsu ari da lanean sareko entziklopediarik handiena elikatzeko, eta ezagutza librea hedatzeko. Horren erakusgarri da Txikipedia bezalako ekimena, ikasturte honetan 7.000 artikuluen muga gainditu duena, eta aplikazio berritua ere baduena. Edo egunero emakumeen biografiak gehitzeko egindako lana, dagoeneko 19.000 biografia baino gehiago ekartzea lortu duena.
Wikipediako edukia hobetzeko bidean, EWKEk martxan beste ekimen aipagarri bat LGBTI+ gaiak eta biografiak idazteko lagungarria izango den gida baten sorrera da. Hau jardunaldi batean landuko da ekainaren 8an Donostian.
Artikulu kopuruaz gain, artikulurik garrantzitsuenen kalitatean igotzen jarraitzen du euskarazko eduki entziklopedikoak. Euskara da Wikipedia guztiek izan beharreko 10.000 artikuluen zerrendako artikulu guztiak dituen bi hizkuntzetako bat (serbierarekin batera), eta hilabete honetan zerrenda horretako biografiak hobetzeko lehiaketa martxan izan dute. Lehiaketa horri esker 2.500 kb eta 130.000 hitz baino gehiago gehitu dira biografia esanguratsuetan.
Era berean, Wikipedia guztiek izan beharreko 1.000 artikuluen zerrendan hobetzen jarraitzen du, eta hurrengo astean argitaratuko den ranking berrituan 17. hizkuntza onena izango garela aurreikusten dute, portugesaren atzetik.
Euskarazko Wikipediak ekimen interesgarri bati ekin dio 2024 honetan. Euskal Herriko Historia 100 objektutan. Ideia hartu zuten wikilari euskaldunek antzeko motiboarekin apailatutako liburu batzuekin. BBC-k eta British Museum Londreskoak Munduaren Historia bat egin zuten 100... [+]
Historikoki egin diren entziklopedia gehienetan gizonezkoek leku handiagoa izan dute emakumezkoek baino. Wikipedian ehunekoa handiagoa bada ere, desoreka nabaria da. Gauza bera gertatzen da euskarazko Wikipedian ere. Hala ere, egoera horri buelta eman nahian ari dira wikilariak.
Euskarazko Wikipediak 2023an egindako lorpenez jardun genuen hemen lehengoan, eta beste alor bat aipatuko dugu orain, zelako aurrerakada egin den emakumezkoen biografiak osatzen, genero desoreka (oraindik nabarmena) konpontzen saiatzeko.
Euskarazko Wikipediak 2023 urtea bikain amaitu zuen. Azken egunetan bere Twitter eta Mastodon kontuetatik zabaldu dituen datu eta grafikoekin osatu dugu artikulu hau, hori demostratzeko. Kantitatean, 8.5 milioi hitz gehiago izan dira 2023an Wikipediara gehituak, eta artikuluen... [+]
Puntueus fundazioak uztailean salatu zuen Google bilaketek euskara diskriminatzen zutela, bilaketen erdietan baino ez baitzen agertzen euskara lehen tokian. Irailean, berriz, emaitzen %73ak euskara lehenetsi du.
Euskarazko Wikipediaren jardunaz eta adimen artifizialaz idatzi du Luistxo Fernandezek Sustatun.
Urte hasieran aipatu genuen, euskarazko Wikipediaren erronka, Wikimedia Fundazioak proposatutako Hamar Mila (10.000) artikulu funtsezkoen zerrenda osatzekoa. Ba lortu dute wikilariek: Euskara 4. hizkuntza bilakatu da Wikipedia guztiek izan beharreko 10.000... [+]
Astearte gauez Euskarazko Wikipediak 400.000 artikuluen langa gainditu zuen. Mugarrirako azken egunetan prestaturiko Justizia klimatikoa artikulua prestatu zen; zenbait wikilarik landu dutena, eta estatistiketan une zehatzean argitaratzeko prestatu zena. Hizkuntza bertsioen... [+]
Filosofia, ekonomia, historia, matematika eta beste hainbat arlori lotutako bideo pedagogikoak zabalduko ditu Ikusgela proiektuak, euskaraz eta modu askean partekatzeko. Jakintza “narratiba berrietara” egokitzea helburu, Euskal Wikilarien Kultura Elkarteak... [+]
Wikipediaren kalitate eta interes orokorra bermatzeko (edo kalibratzeko) tresna bat Wikimedia Fundazioak proposatutako Hamar Mila (10.000) artikulu funtsezkoen zerrenda da. Jakintzaren hainbat alorretan "funtsezko" artikuluak zerrendatu dituzte (ikusi azalpena galegoz,... [+]
Astelehenean aurkeztu zen ofizialki Txikipedia aplikazioa, eskola-umeentzat egokitutako Euskarazko Wikipediaren proiektuaren mugikorretarako bertsioa. Txikipediak egun dituen 3.000 artikulu baino gehiagoetara sarbidea ematen du aplikazioak, iOS eta Android... [+]
Gaur betetzen dira 20 urte Wikipedia sortu zela. Ingelesezko produktu bat zen orduan, baina urte berean, 2001eko abenduaren 6an, sortu zen euskarazko lehen ekarpena. Euskarazko azala eta bertsio beregaina, nolabait, 2003ko azaroan sortu zen. Gaur egunean, hizkuntz... [+]
Interneteko entziklopedia askera igo dituzte azken hilabeteetan ekialdeko nafar euskalki horren inguruko eduki, erreferentzia eta iturri nagusiak.
Euskarazko Wikipediaren zenbaki onak ezagunak dira aspalditik.