Euskarazko ‘streaming’ plataforma sendo baten beharra aldarrikatu dute Iruñean
Euskarazko streaming plataforma batek nolakoa izan beharko lukeen irudikatu dute Iruñean ikus-entzunezko alorreko hainbat adituk, Euskaltzaindiak eta Iruñeko Komunikabideak Fundazioak elkarlanean Kondestablearen Jauregian antolaturiko jardunaldian. Plataforma sendo baten beharra defendatu dute, "euskal komunitatearentzat erreferente bihurtuko dena".
Streaming plataformetan hizkuntza gutxituek leku gutxi dutela adierazi dute. Espainiako Ikus-entzunezkoei buruzko Lege berria izan dute hizpide, eta Kataluniako ereduari begira jarri dira, euskal hiztun-komunitatearekin izan dezakeen parekotasunak azaleratu eta aurrerantzean ezarri beharreko jarraibideak aztertu dituzte.
Jon Artatxo Aurtenetxe IBAIA Ekoizle Independenteen Elkarteko zuzendariak agerian utzi du Ikus-entzunezko Legeak euskararen etorkizunean eta berreskurapenean izango duen eragina "handia" izango dela. Gainera, esan du Hizkuntza Gutxituen Europako Gutunak "uste baino garrantzi handiagoa duela" euskara komunikabideetan defendatzeko, “betebehar batzuk ezartzen baititu”. Bere ustez, garrantzizkoa da arau horiei guztiei jarraipena egitea.
Pantailak Euskaraz taldeko bozeramaile Alex Aginagaldek euskarazko streaming plataforma sendoa sortzea eskatu du: “Beharrezkoa da euskaraz sortutako eta euskarara ekarritako nazioarteko edukiak biltzen dituen plataforma bat, euskaldunon komunitatearen streaming plataforma nagusi bihurtuko dena”.
Urtzi Urkizu Berriako kazetariak ikus-entzunezkoen arloko estrategia eraginkor baten hutsunea antzematen du euskararentzat, erakunde publikoek bultzatu beharko luketen estrategia eraginkorraren falta, alegia. Kazetariaren iritziz, irailean EiTBk sortuko duen Primeran plataforma oso garrantzitsua izan daiteke euskararentzat. "Ondoren etorriko dira haurrentzako Makusi eta audioen Guau. Probetxuzko plataformak izango dira, zentzu askotan", gaineratu du.
Euskal Burujabetzaren Barometroaren seigarren neurketa aurkeztu dute asteartean Donostian. Euskal Herriarekiko atxikimendua da nagusi oro har, baina Nafarroan Nafarroarekikoa gailentzen da. Euskara ez dago euskal sentimendua azaltzeko gako nagusien artean, baina gaztelera eta... [+]
EAEko Auzitegi Nagusiak atzera bota du Donostiako bi udaltzain postutarako euskarazko B2 profila eskatzen zuen lan deialdia. "Euskaldunen eskubideak urratzen dituen" epai berri honen aurrean, hainbat eragilek salatu du "euskaldunen aurkako oldarraldiak"... [+]
Herritarrak eskatzen du seinaleak euskaraz jartzeko. Gobernuak erantzuten dio legeak ez duela horretara behartzen. Behatokiak erantzuten dio, legeak ez badu derrigortzen ere, euskaraz jartzeko debekurik ez duela. Gobernuak bereari eusten dio. Alabaina, herritarrak tematzen dira... [+]
Irailaren 16tik 22ra iraganen da euskararen erabilpena bultzatzeko xedez antolaturiko festibala. Baiona, Angelu eta Miarritze hirietan bideraturiko festibalaren hamahirugarren edizioa dute aurtengoa.
Maddi Kintanak ekainean aurkeztu du Master Amaierako Lana Bordeleko Unibertsitatearen eta Iker ikerketa-zentroaren laguntzarekin. Gazteen hizkera BAM eta inguruan du izenburu eta Biarritz, Baiona eta Angeluko 18 eta 24 urte bitarteko gazteen hizkera aztertu du. Horretarako,... [+]
Sarean lan egiteko elkar entzutea eta errespetatzea “nahitaezkoa” da Aitor Bedialaunetarentzat (Ondarroa, Bizkaia, 1991). Euskal Gorrak, Pertsona Gorren Elkarteen Euskal Federazioko presidentea zeinu hizkuntzaren kalitatea zaintzearen garrantziaz mintzatu da. Salatu... [+]
Garai hiper azeleratu eta likido hauetan erantzun sendoek heldulekuak eskaintzen dizkigute. Erraza da krisi garaietan halako premisa bati heldu eta zure egitea, bandera altxatzeraino. Inguruan gertatzen ari den guztia ulertzeko erantzunak behar dituzu, erantzun azkarrak; eta... [+]
Euskaraz deklaratzea ukatu dio epaileak, eta erabaki du ez parte hartzea bere aurkako epaiketan. Auzitegi kanpoan babesa ematera joandako hamarnaka euskaltzaleren aurrean desobedientziarako deia egin du Torrek. Guztira 3.268 euro ordaintzera zigortu dute.