Euskarazko hedabideetan publizitate instituzionalaren %15 jarri beharrean, “arrazionaltasun-irizpideak” erabiltzea adostu dute EAJk eta PSEk Eusko Legebiltzarrean.
PSE-EEk atzera egin du jatorriko proposamenarekin Eusko Legebiltzarrean. Hasiera batean eskatzen zuen euskarazko hedabideetan jartzen diren iragarki instituzionalak %15era igotzea, kontuan edukita gaur egun %3 ere ez dela –EiTBkoa kenduta–, Hekimen elkartearen arabera.
Jon Azkue parlametari sozialistarentzat zifra horiek “oso murritzak” dira eta Gipuzkoako Batzar Nagusietan 2010ean EAJk aurkeztutako eta onartutako mozioa hartu du oinarri %15eko kopurua proposatzeko.
Nolanahi ere, azkenean EAJk eta PSEk erdibideko proposamen bat adostu dute, gutxieneko portzentajerik finkatu gabe. Euren botoekin onartu da Eusko Jaurlaritzari eskatzea “aplika dezala ekintza positiboen printzipioa publizitate instituzionalaren banaketa ezartzerakoan”. EH Bildu abstenitu egin da eta PPk eta UPyDk kontra bozkatu dute.
Euskarazko hedabide ez-publikoetan “modu progresiboan” publizitate gehiago jartzeko eskatu dio, beraz, Legebiltzarrak Jaurlaritzari, “arrazionaltasun-irizpideak” erabiliz, baina zehaztasunetan sartu gabe.
Zentzu horretan, EH Bilduko Xabier Isasik eskatu du “konpromiso neurgarria eta egingarria” izatea, eta azaldu du ez dutela sinatuko akordio hori “ezer argitzen ez duelako intentzioetatik harago. Ez du ezer lotzen”.
Datozen eraldaketa sakonen aurrean euskarazko hedabideek iraungo badute, erakunde publikoei prozesuak azkartzeko laguntza eta konpromisoak eskatu dizkie Hekimenek, herri ekimeneko euskarazko hedabideen elkarteak.
Trantsizio digitalarengatik eta lehengaien garestitzeagatik, 2023 urtea zaila izan dela nabarmendu du Hekimeneko zuzendari Igor Astibiak
Iazko urteak eman duenaren azterketa eta 2023an dauden erronka nagusiak jasotzen ditu Behategiaren urteroko argitalpenak. Azken horien artean dago digitalizazioaren eta adimen artifizialaren garapena baliatzeko urrats sendoak eman beharra; dela eleaniztasuna, ikus-entzunezkoak,... [+]
Hedabideak laguntzeko Eusko Jaurlaritzak aurten egindako bi dirulaguntza deialdi aztertu ditu herri ekimeneko euskal hedabideen elkarteak, eta ondorioztatu du “baliabide handitze nabarmena” behar dela sektorea egonkortzeko, berrikuntza prozesuak sustatzeko eta... [+]
Jabetza intelektuala beti da garrantzitsua, sarri arazo iturri ere bai, eta horregatik mundu osoan ondo araututa dagoen esparrua da. Merkatua jaun eta jabe, eta salerostea eta lehia horren garrantzitsua den kapitalismoan, jabetza intelektuala batez ere copyright zigiluarekin... [+]
Ikus-entzunezkoen Espainiako legea onartzeko prozedura azken txanpan dela, une erabakigarria dela eta “gure hizkuntzaren presentzia duina bermatzeko” legeak hainbat puntu jaso beharko lituzkeela gogoratu dute Euskalgintzaren Kontseiluak, Euskaltzaleen Topaguneak,... [+]
Bingen Zupiria sailburuak Legebiltzarrean eman dituen azalpenak entzun ondoren, Hekimen elkarteko zuzendariaren arabera ezinbestekoa da COVID-19aren ondorioei aurre egiteko Jaurlaritzak emandako laguntzak gainerako euskarazko komunikabideei zabaltzea.
Eusko Jaurlaritzak COVID-19ak eragindako kalteak arintzeko asmoz zenbait komunikabideri emango dien laguntza gainerako euskarazko komunikabideei zabaltzeko eskatzen du Hekimen Euskarazko Hedabideen Elkarteak.
Donostia, irailak 14, Bingen Zupiria Kultura sailburua Euskarazko Komunikazioaren EHUko ikastaroetan: “Euskarazko hedabideak lerratuegiak daude posizio politiko-ideologiko batzuetara”. Ez da egokia argia izan behar duena ilun agertzea. Sikiera aukera izan bagenu... [+]
Euskarazko komunikazioa 2020ko hamarkadan, horixe izan zen EHUko Udako Ikastaroetan irailaren 14an eta 15ean Donostian landu zen gaia. Euskal Hedabideen Behatokiak antolatu zuen gogoeta, Hekimen herri ekimeneko hedabideen elkartea eta EHUko Nor ikerketa taldearekin batera... [+]
Dirulaguntza eredu berria adostu dute Eusko Jaurlaritzak, EAEko hiru foru aldundiek eta herri ekimeneko hedabideen Hekimen elkarteak. Itunak 2019-2021 urteetarako balio du.