Euskarazko lanposturako oposizioetan, euskaraz ez dakien epaimahaia
Hezkuntza arloko Nafarroako oposizioetan, euskarazko espezialitatean euskaraz arituko dira hautagaiak, baina epaimahaiko kide gehienek ez dakite euskaraz. Gobernuak argudiatu du funtzionario euskaldun nahikoa ez dituela, eta azpikontrataturiko itzultzaileak jarriko ditu bitartekari. Egoera salatu du STEILAS sindikatuak.
“Inork imajina dezake gaztelaniazko lanpostuetarako oposizio-epaimahai bat, gaztelaniaz ez dakiten kideez osatua? Edota izangaiek epaimahaikideen hizkuntza erabiltzea debekatuta duten oposizio bat?”. Euskaraz hala gertatu da, esku-hartze soziokomunitarioko espezialitatean. Epaimahaikide gehienek ez dakite euskaraz, eta hautagaiek ezingo dute gaztelaniaz aritu; itzultzaile eta interpreteen gain egongo da komunikatzeko erantzukizuna.
Gainera, Nafarroako Gobernuak itzultzaile eta interpreteak badituela baina “kostua merketzearren” lan hori enpresa pribatu bati esleitu diola kritikatu du sindikatuak. “Badakigu, ongi jakin ere, oro har itzulpen enpresek itzultzaileei eta interpreteei ezartzen dieten esplotazioa. Nolatan bermatuko zaie oposiziogileei itzulpen duina eta egokia?”.
Euskarazko espezialitate guztietan euskaldunez osatutako epaimahaiak bermatu daitezela eskatu du STEILASek.
“Ez da posible hiri guztia zeharkatu behar izatea seme-alabak hemengo jatorriko hizkuntzan murgiltzeko” salatu dute guraso askok. Euskarazko plazak ere “oso urriak direla” salatu dute familia askoren artean eginiko bideoan.
Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.
“Ikae” edo “igae” bezala transkribitu ditu aurkituriko ikurrak Nafarroako Gobernuko Kultura Zuzendaritza Nagusiko ikertzaile taldeak. Duela 2.000 urteko "baskoierazko" idazkun bat izan daitekeela diote ikerleek, baina garai hartako hizkuntzei... [+]
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Barañaingo EH Bilduk salatu du Barañaingo Udalak haur eskoletarako hezitzaileen deialdian euskarazko eta gaztelaniazko azterketak egun eta ordu berean jarri dituela, eta hala, hautagaiak hizkuntza bat aukeratzera behartzen dituela.
Euskaltzaleen Topaguneko kideek euskara sustatzeko jarreren inguruko datu kezkagarriak hauteman dituzte. Hori dela eta, Gero eta aldeko gehiago gizartean ikerketaren bidez, herritarrak euskarara hurbiltzeko estrategia berriak landu dituzte. Horretaz mintzatu dira, apirilean,... [+]
Hezkuntzak aurreikuspena zuzendu eta onartu du institutuak Zientzia, Humanitate eta Gizarte Zientzien Batxilergoko lehen mailan bi talde izaten jarraitzea.
Barañaingo Alaitz institutuko 26 ikasle batxilergoko zerrendatik kanpo gelditu dira, Nafarroako Hezkuntza Sailak gela bat murriztu duelako. Murrizketa salatzeko mobilizazioa egin dute.
Administrazioan Euskaraz taldeak Nafarroako Kontseiluaren jardun euskarafobikoa salatu du ekintza baten bidez. Nafarroako Gobernuak euskarako dekretua prestatzen bost urte eman ondoren, Nafarroako Kontseiluari zirriborroa aurkeztu dio.
Atzo eguerdian, Mañeruko herriko plazan egindako ekitaldian, diploma bana eman zieten zortzi eta hamabi urte arteko ibarreko 45 haur euskaldunei. Horretaz gain, Oskar Alegriak umeokin ondutako film laburra estreinatu zuten.